Eklisiastis 2:1 - Nobonob Baibel

¹ Anam amu, da dakka, da oolppa inam ami. “Da ahen, da aɗi kobol am ena anidkkulnu, da beɗul nug aɗi kobol digdig hekkulnu eeɗiltte amu, da hekkul,” ami. Da anam ain, aakku hemi, amge amu ele am gaɗappa, unuqagppa ele anttak laippu iitta anidmi.

Eklisiastis 2:1 Referans Kwoze

Luk 12:19

da dakka, da inam dabmekkul. “Da lagnu keekenu laa ii bahuhupa, dahil keeke ena ena daatte, maɗ kuɗum daakkunu elele. Aria, da hik awe dayeye, da ee, le ele oh lanakib lainne, gamag ahakppa daakkul,” ’ awa aum.

Eklisiastis 8:15

Amunu amu, da danab nug aam waappa dayaya, gamag ahak dookkunu attem. Aɗinu? Nug ee, le ele lakku, gamag ahak ele aokku am enanag; keeke laa amu ii eɗidtte. Nug amu hekku dayeb amu, Kayak nug haen gane wan imuppa daya, uɗat hekkunu mettom amu, nug haen amuppa nuhig uɗat haknu gamag ahebeb daakku.

Jems 5:5

Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.

Jems 5:1

Gemu amu, ag danab enulag ele ag doyeg! Ahilagppa uug nau digdig bekkunu daatte amunu, ag dabmena gaanna huana heig!

Sam 27:8

O Yawe, da ool unuqagppanab, na amuppa na dahilnu, “Na da aniɗna dim lamiɗkkutnu, da mattiɗe!” ame amunu, O Yawe, da na anitten dim lamidkkulnu mattidkkul.

Jems 4:13

Aria, ag oolagppa danab laala ag, “Gemute o iitta buttite ig aab okkai laappa gota, maɗ laippu daatta, men doɗo mattiak uɗat hetat, men doɗo aognig,” aon atteb ele amu, ag doyeg! Amuam hambuppuak bia.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Luk 16:19

Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

Aisaia 50:11

Amge ag laa ag akka ag aab ilatteb, ag amahlak amuppa ahan oiyeg! Ao, ag laa ag akka ag hul amot-tteb ele amu, ag amunu amahlakppa oiyeg! Amge ag amu hebeppeg, ⌊Yawenu nai imu ahilagnu am anamib bekku. Nug atte.⌋ “Ag da eppelppa inam aoglag. Ag uug naunab, danab oɗe naɗinab awa, qaɗaqaɗppa niitte, ag uug amubia aoglag,” awa atte.

Aisaia 50:5

Naɗi Yawe Nug da daul matule, da nai nuhig dookkulnu elele daattem. Da daul matule, da Nug waappa daakkulnu ii uuen, nuhig nai laa ii tappai neum. Yo, da nuhig nai ii dimettami.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Eklisiastis 7:4

Danab nug doyak dabmak ena ele nug lag mahiak hettebppa daakkunu dabmette; amge danab nug Kayak dab-ii-maama ii dim lamidtte ele, nug lag laa, oo hak anuqak doyak kobol amuppa anuqak daatteppa daakkunu dabmette.

Eklisiastis 2:15

Da amu oh dabmei ukke, da oolppa dabmemi. “Danab Kayak dab-ii-maama ii dim lamidtte ele, nuhigppa aɗi bekku am dahilppa ele bekku. Anam bekku amunu, da doyak dabmak ena ele aɗe daakkul dayeb, da meu ena attem laa aokkul? Am laa iitta.” Da amu dabmemi amunu, da amunu ele oolppa, “Amu ele am gaɗappa, unuqagppa ele anttak laippu iitta,” ami.

Sam 14:1

Am danab ag Kayak dab-ii-menan ii dim lamidtteb ele ag akka ag oolagppa, “Kayak laa ii daatte,” atteb. Danab amu ag diilkad ena iitta, kobol ag hetteb am kobol uɗig wak ele. Auntai laa ena ii hette!

Sam 10:6

Am ag akka anen anen ahilagnu inam atteb. “Keeke nau laa dahilppa iinab bema! Da am uug laa iitta, hanhan hamunab daakkul.” Ag anen anen anam aon atteb.

2 King 5:5

Nug king amegppa a, aria king nug inam Naman amegppa aum. “Na gokkut am enanag. Da geha Israel dilag kingnu uɗug laa ye medappi, na uɗug amu aon gona medakkut,” awa aum. King nug anam anana, uɗug amu ya, Naman mette, aakku Naman nug aha, 340 kilogram silwa awa, 70 kilogram gol awa, nug lamen 10 ele awa aha, Samaria ukkom.

Genesis 11:7

Am anam daatte amunu, ig nota hepput, ag nai laippu ii mattinna, dimppa ag akka akka nai ahilag ii doomna,” awa aum.

Luk 16:23

Nug mauhe, nug ukka, Hadesppa guittak naɗi ele dayom. Anam dayaya, nug neekke attan ukke, Abraham umanab dayeye, Lasarus nug ele daaeheh anatom.

Aisaia 5:5

⌊Iitta! Da amu oh elele hemi⌋ amunu, gemu da muɗi grep dad dahilppa keeke laa hekkulnu dabmemi amu, da ag amelagppa akkul. Gemu da dadnu aɗ keeke qaun ele eppak amu oadppi ukkeb, muɗi grep dad dahil am, doɗ ag wana, ee lanan daaglagnu aben daakku. Ao, da dadnu men aɗ aoɗppi neeb, doɗ ag dad ooppa nona, tappanna, ⌊ee lanan daaglag⌋,” awa aum.

Prowerb 14:13

Deɗ laala danab nug imakku, me ooppa nug guittak doottetai; amu deɗ laala nug oo gamag ahak dootte, me oo gamag ahak amu gogppa uug ele bettetai.

Eklisiastis 2:10

Da aɗi keeke da amelppa antten, aokkulnu ool heum amu, da aomi. Ao, da oo haknu anuqak doyak kobol aɗi ippuniɗom amu, da dim lamidmi. Da aɗi keeke hemi, da amu heinne, da gamag ahak okkainab doyeye hemi; amuam dahil uɗatnu nob ena aakku.

Eklisiastis 2:25

Aɗinu? Kayak Nug ehanittak ii mekkeb amu, auntai laa ee, o dayaknu ena doyak dookkunu elele iitta.