Eklisiastis 12:9 - Nobonob Baibel

⁹ Ippunittak danab nug nai imu yom amu, nug am doyak dabmak okkai ele, amge nug nukka amu aɗa, nugib ehanidkkunu ii heum. Iitta. Nug doyak amu danab ah dooglagnu ele ippuanattom. Nug dabmak okkainab awawa, nug oiyak ehanittaknu nai tutu elenu meu pehettak anidkkunu haaha, nug awa babaitta, listappa pehettak yom.

Eklisiastis 12:9 Referans Kwoze

1 King 4:32

Haen amuppa Solomon nug oiyak ehanittaknu nai tutu 3,000 anam yowa, ahi 1,005 ele yom.

Prowerb 1:1

Oiyak ehanittaknu nai tutu, Dawit bekka Solomon, Israel dilag king, nug yom am iikku.

Prowerb 25:1

Danab dilag oiyak ehanittaknu nai tutu laala ele Solomon yom amu, Juda dilag king Hesekaia, nuhig danab ag aon yaappig amu, nai amuam inam.

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

1 King 10:8

Kuin nug nai anam anana amu, nug baula aum. “Nahipad danab ag gamag ahak okkainab dootteb bia doottem. Nahip ehanittak anuqak danab ag hanhan na noomppa daan, nahip doyak dabmak ena ele dootteb amu, ag ele gamag ahak okkai dootteb bia doottem.

1 King 5:12

Am Yawe Nug Solomon amegppa nai ana qakkom bia, Nug doyak dabmak ena ele Solomon mettom, amunu Solomon, Hiram ele aa gamalahppa maɗoɗ ena dayom. King aɗit aa gamalahppa kekeɗ kobol laa ii daamanu, aa nug tituanya nai qagapiɗ.

Daniel 12:3

Laa ag doyak dabmak ena ele ag hab attan amahaltte, ag amubia amahalkkulag. Ge! Laa ag heeg, danab ah kuɗum ag kobol genab tutukku dim lamidtteb ele, ag hoɗoppai amahaltte bia amahalkkulag. Ge, laa ag heeg, danab ah kuɗum ag kobol tutukku dim lamidtteb ele, ag hoɗoppai amahaltteb bia hanhan amahalkkulag.