Eklisiastis 12:5 - Nobonob Baibel

⁵ Na keeke laa attan tekkutnu baɗan; ibppa oikkutnu ele baɗakkut. Na ikkin uɗug am hakkab eppeb; na oikkut, amge qinonob, tap mauhkkun qinonob oitte bia oikkut; na ee, le ele, o beɗun keeke laanu ele dab-ii-memana. Na kaino mena anambia daan, na mauhkkut; na mauhppe, diig amunu mahiak danab ah ag mahiak uɗat henan oiglag.

Eklisiastis 12:5 Referans Kwoze

Job 17:13

Da mauhak abenppanu am da laul daatte aakkuib dabmettem dayeb, da gatatu amuppa niikkulnu aakkuib dabmettem dayeb,

Job 30:23

Da doottem, na heppe, da mauhkkul; danab ohnab mauhak abenppa gokkulag, amu na heppe, da appa gokkul doottem.

Prowerb 16:31

Umimi bak am king haɗ enanagnab, king onig medatte, amubia danab, o ah onig medatte; bau dayak elab amubia amu, amuam genab tutukku hak ibuppanu nob ena.

Sam 71:18

O Kayak, gemu da kaino mei umimil beum; na da paɗailmananu unuqidttem. Na heppe, da menuak laippu da dimulppa doppig imu amelagppa nahip ɠagattagnu appi dooglagnu oɗ medattem. Yo, na heppe, da laa oh ag anilkad butti aɗi menuadkkulag ele amu, da ag amelagppa nahip ɠagattagnu appi dooglagnu unuqidttem.

Job 15:10

Danab kainonab ag ig ehanigna mattiegeg, ig laa ig ahilag nai bia na amenppa madittem. Ge, danab ag na mamen ii dayom haenppa daappig, ag ig ehanigna mattiegeg, ig ahilag nai bia na amenppa madittem.

Lewitikas 19:32

Kaino laa gumitta dob amu, na hibaitte! Aun nug tatamnu daatte, na nuhignu ena elele doye! Ag ahilag Kayaknu ag ebehilag oh bodoetta le maɗ! Da am Yawe.

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

Jeremaia 1:11

Amu Yawe Nug anam awowa, Nug nuhig nai imu da meɗom. “Jeremaia, na aɗi anidttem?” awa oɗ meɗom. Oɗ meɗe amu, da ami. “Da ad almon, da ad amunu eppeg laa anidttem,” awe ami.

Aisaia 46:4

Amu da hemi bia da tuɗitten heppi ukkeb, ag kaino iitta, ag ikkilag uɗug umimi iitta daappeg ukkeb, ag kainonab daanna, ag ikkilag uɗug umimi ele, haen amuppa ele da ag ehanadkkul. Laa amu hette am daib, laa iitta. Da ag huu laippu daaglagnu hemi amu, da ag mawadkkul. Da ɠagattag matten, uug haenppa da ag ehanadppi, ag qagaiettakppa ii daamna.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Prowerb 20:29

Nid bau ag ahilag ɠagattagppa binalag aotteb; danab kaino ag ikkilag umimi bakppa amu aotteb.

Genesis 44:29

amunu, ag Benyamin ele dahilppanu aon goppeg, padal meeb amu, da oolppa uug okkai ele doyeye mauhkkul,’ awa aum.” Juda anam aum.

Genesis 42:38

Ruben anam a amu, Jakop nug aum. “Benyamin ag ele ii gomana. Aɗinu? Nug awag mauhom, nukkaib daatte. Ag nug aon goppeg, oiyak ahilagppa padal meeb amu, da ool naɗi guittebeb, mauhkkul,” awa aum.

Jeremaia 9:16

Da heppi, kekeɗ ag uɗin eɗadna heppeg, Juda danab ah ag wan laala, ag, amu ag mamelkad aɗi ele ag wan amu ii dooppig amu, ag wan amuppa, doɗ oolna, matatun gona, piɗe piɗe mauhnoak daatteb, Juda danab ah ag appa anam daaglag. Amu da heppi, kekeɗ ag lamadnana aqappeg, Juda danab ah ag padal mena autna aoglag,” awa atte.