Eklisiastis 12:14 - Nobonob Baibel

¹⁴ Diig laa na anam hekkutnu am, Kayak Nug keeke oh ig danab, ig hettem ele epeɗiadkku. Nug keeke ig miag atiak hemut epeɗiadkku, amge amu aakkuib iitta. Iitta. Nug keeke ig lokkumakppa hemut ele epeɗiadkku. Nug ig keeke ena hemut epeɗiadkku, amu Nug keeke eheɗ ig hemut ele epeɗiadkku,” awa atte.

Eklisiastis 12:14 Referans Kwoze

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

Rom 2:16

Amunu epeɗiak deɗ ana uɗieb, Kayak Nug geha danab oh dilag kobol lokkumak daatte, ahilag dabmak lokkumak daatte ele Jesus Kristus nuhigppa, da Nai Ena mehuqttem bia, epeɗiadkku.

Matyu 12:36

Amge da ag amelagppa attem. Epeɗiak haenppa Kayak Nug danab ah ag nai diig iitta madippig ele amu, Nug amunu epeɗiadkku.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Matyu 10:26

Amge ag amu dilag aib baɗappig. Keeke oh laa anidmanu tonak daatte am geha miag atikku. Ge, keeke oh lokkumak daatte ele, Kayak Nug heeb, danab ag anidkkulag.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Eklisiastis 3:17

Da amu antten, da oolppa inam dabmemi. “Kayak Nug aɗi hekkunu haen tituanom daatte. Ao, Nug aɗi hette am haen ele amunu, Nug genab tutukku hak danab, nau hak danab ele hettoɗiak abenppa maadkku.”

Sam 96:13

Ao, ag Yawe noobppa daanna, ahi ettaglag. Aɗinu? Nug wan imuppa uɗitte. Ao, Nug wan imu epeɗikkunu uɗitte. Nug genab tutukku hak kobol dim lamittatta, Nug danab ah epeɗiadkku. Ao, Nug doyak diig genabib dim lamittatta, danab ah oh epeɗiadkku.

Job 19:29

ag bu aomnanu baɗaglag am ena. Aɗinu? Ag dahilnu anam hekkulag dayeb, Kayak Nug ahilag hak amunu oppoɗi bak doya, bu matteb, ag dooglag, Kayak Nug danab dilag hak hettoɗia, laa eheɗ hette ele bu medatte dooglag.” Job nug anam aum.

Sam 90:8

Na hee, ihinig hipunin oh na noomppa miag atiak daatteb. Ao, na am amahlak ele, amu na hee, ihinig hipunin, ig lokkumakppa hemut ele amu, hipunin amuam na noomppa amahlakppa miag atiak daaegeg anadttem.

Sam 50:21

Na amu oh heehe, da Kayak, da na bu ii mettami. Ao, da na bu ii nittami amunu, dahil hak amuppanu na da eletai kobol nau amubia hettem dabmeme. Amge da anam ii hettem. Da na daut baten, hettoɗiakppa meidkkul.