Eklisiastis 12:1 - Nobonob Baibel

¹ Na kaino mena, uug digdig anidkkut. Ao, na kaino mena, na, “Da gemu dahil oiyaknu ool ittag ii qette,” akkut, amunu gemu, haen amu ii uɗiom daatte, na gemu na nid bau daanna; na laa Nug na heittom ele amu, na Nug dabmette!

Eklisiastis 12:1 Referans Kwoze

Gayak Nai 3:27

danab nug nid bau dayaya, wan imuppa uug maokku am ena.

Eklisiastis 11:8

Danab nug maɗ kuɗum wanppa dayaya oikkutai. Nug anam daakku dayeb amu; nug nuhig oiyak ohnu gamag ahak dookku am ena. Aɗinu? Gatatu manak haen am uɗikku; haen amuam elab daakku amunu, nug amu dabmettaɗ! Keeke oh bekkunu am gaɗappa, unuqagppa ele anttak laippu iitta.

Prowerb 22:6

Na nid nakok nug attem ena daakkunu ippunitte! Amunu diig am, nug kaino maama, nug amu ii uuma.

Luk 18:16

Ag nakok aladppig, amge Jesus Nug nid naunau onilagppa e gumidna doeg, Nug nuhikkud ippunittak awak danab amelagppa aum. “Danab ag nid naunau bia daatteb, ag am Kayaknu ɗo maɗoɗ ooppa daatteb amunu, ag nid naunau uuadppeg, dahilppa doig! Ag ahilag ib aib oo neppig,” awa aum.

Sam 34:11

Dahilad nid naunau ag dona, nai dahil doyeg! Ge, da ag Yawenu ebehilag oh bodoetta le mekkunu ippunadkkul.

Sam 90:10

Danab ah kuɗum ag bau daan, maɗ 70 aotteb. Ao, laib laib ag ɠagattag daan, ag maɗ 80 aotteb. Amge ig bau daatta oittem, maɗ amunu binanig maknu keeke oh, keeke amuam uug, ooppan oo doyak ele aakkuib megatte. Aɗinu? Haen elab iitta, ihinig maɗ iitta meeg, ig laih gottem.

Eklisiastis 11:10

Anam daatte amunu, na ootppa baɗak doyak, na beɗunppa guittak doyak ele agappe ukkeɗ! Aɗinu? Nid bau dayak, beɗuppa ena dayak ele am paha iitta mettep; aa am gaɗappa, unuqagppa ele anttak laippu iitta.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

2 Samuel 19:35

Da maɗ dahil am 80 teum daatte. Da keeke kuɗumnu, atten am enanag, keeke atten am enaib dookkulnu elele iitta. Da, da nahip maɗi nid amu, da ee lainne, da ee o le miti tutukku dookkulnu elelete? Da danab ah ahi edatteb, da ag baalag tutukku ena dookkulnu elelete? O dahil naɗi, dahil king, da na ele oh goɗa daalop amu, da uug okkai na mettalom. Amu da anam helom am ena iitta.

1 Samuel 2:26

Eli bekoɗ aa anam hepiɗ, amge nid danab Samuel nug ena maama, Yawe noobppa, amu danab noolagppa ele nug ena oiya, am tuɗitta he, enaib dooppig.

Genesis 39:2

Josep nug appa uɗat heehe, Yawe Nug Josep aɗi heum amu ehanitte, keeke oh ena be, nug Isip ted Potipar laugppa dayom.

Luk 1:15

Nug Naɗi noobppa onig am binag ele daakku. Nug wain amu kaaka qaknu le laa oh ele ii lama. Nug anig ooppa dayebeb amu Kayak Ouɗi am nug ooppa ambekku.

1 Samuel 16:7

Samuel nug ooppa anam aum, amge Yawe Nug Samuel amegppa aum. “Na nid imu, nug beɗu, iɗu ele ena anidna, ‘Imuam king daakku,’ aib ame! Aɗinu? Da nug king daakkunu geɗidmi. Da amu heminu diig am, da danab keeke anidna epeɗitteb, da amubia ii hettem. Iitta. Ag am keeke dimittim amuib anidna epeɗitteb. Da am danab oolag anidttem,” awa aum.

Genesis 39:23

Yawe Nug Josep aɗi keeke anen anen heum ele amu ehanittette, keeke anen anen elelenab beum amunu, maniguittak gumak ikki danab nug uɗat laala Josep eppegppa meum ele, nug amunu dab-ii-mettom.

Epesus 6:4

Am nid mamelkad ag bekkalkad aɗelkad oppoɗi bak doomnanu ag tolittak tutukkuib matteg! Tolittak nau aib madappig. Iitta. Ag Naɗi nuhig nai ippunadnana, ib tutukkuppa omalatteg!

Daniel 1:17

Ag ee amuib laeg, Kayak Nug nid bau waɗele amu doyak ena ele matta, Nug ag kaya digdignu diignu doyak tutukku, am dabmak unuqagnu diignu doyak tutukku ele ag mattom. Nug amu matta, Nug he, Daniel nug tul niiak digdig, tulegleg digdig ele anattaknu diig doya, mehuqkkunu ehah ele mettom.

Aisaia 26:8

O Yawe, ig ihinig oiyak ohppa nahip ɗo dim lamidtata, amenig na anidtata, naib amen mekkunig. Ig na onin, binan okkai ele daakkutnu oonig okkai daatte.

1 Samuel 2:18

Amu nid danab Samuel, nug Silo appa Yawe noobppa lamen enanag-epod linenppa hak tagakka, Yawenu ɗo maɗoɗ uɗat heum.

1 King 18:12

Amge da na uuitte goppi, Yawenu Ouɗi Nug na awitta, aben laih da ii doottemppatai meitteb daappe, da ukken, Ahap amegppa appi, nug na maditta, ii anitta amu, geha da iweb mauhkkul. Amge da nid nakokppanu uɗie, gemu batak, haen amu oh da Yawenu ebehil oh bodoetta le meum.

1 Samuel 1:28

amunu, da nug Yawe medattem. Amu nuhig wan imuppanu bau dayak haen amu, haen amu oh nug Yawenu uɗat aakkuib hekku,” awa aum. Hana nug anam a amu, ag Yawe noobppa dup nona Nug binag meppig.

Hosea 7:9

Ag wan laihnu danab ah kobol nau hetteb, ag amubia heegeg, ahilag ɠagattag bodoettaladtte, amge ag amu ii dootteb. Ao, Israel am danab kaino laa nug ikki uɗug nakok umimi qak ele, amge nug amu ii dootte, Israel danab ag amubia daatteb, amge ag amu ii dootteb.

Job 30:2

Nid amu hetteb ele ag beɗulag gai-iitta daye, uɗat hekkulagnu elele iitta amunu, ag da attem ehaniɗkkulag?

1 King 14:13

Mauheb, Israel oh ag Jeroboam bekka amu mauhomnu mahidna, gaɗa boumkkulag. Jeroboam baegppan oh oolagppanu nug nukka laippu aakkuib nug kobol ena laa he, Yawe, ig Israel ihinig Kayak, nug anttom. Amunu ag nug gaɗa aakkuib boumkkulag. Jeroboam baekkudppa laa oh amu, ag am iitta.

Duteronomi 8:18

Amge ag Yawe, ahilag Kayak, ag Nug dabmetteg! Aɗinu? Nugib ag ɠagattag matte, ag enulag ele daatteb. Nug ag mamelkad aɗi amelagppa nuhig nai ɠagattag qetta ana, Nug ag ele nug tituanna nai qagappig amu, nai amu elele medakkunu hette.

Nehemaia 4:14

Da amu hein maloya, da keeke oh antte, itale malen, da anuqak danab, Juda dilag ehanittak anuqak danab, amu danab ah laa oh ele amelagppa ami. “Ag kekeɗ dilagnu aib baɗappig. Naɗi, Nug ɠagattag okkai ele, danab Nug antta, ebehi oh bodoetta le mette elenu Kayak, Nug daatte amunu, ag Nug dabmenana, ag, ag awalkad amalkad, ag bekkalkad aɗelkad, ag waalkad, ag laulkad ele ena daaglagnu ban heig!” awe ami.

Sam 63:6

Da abenppa niieye, da nahipnu dabmettem. Ao, tuqan amu, da nahipnuib dabmettem.

Sam 119:55

O Yawe, tuqan amu da, na am aun, da amu dabmein aute aottem, amu diig amunu da nahip ɗo dim lamidttem.

Eklisiastis 11:2

Na nug ehanittak nahip am ib kuɗumppa hee! Aɗinu? Na wanppa aɗi uug naunab digdig bekkunu daatteb amu, na ii doottem.

2 Samuel 19:36

Da, da nahip maɗi nid amu, da na ele oh Jodan le imu mataɗa, da ib tutuib na ele oh goɗa, na gobeppe, da eɗuen uɗikkul. Na dahilnu ena hekkutnu attem, amge da aɗi kobol enanag laa hemi amunu, na anam helom?