Eklisiastis 11:9 - Nobonob Baibel

⁹ O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Eklisiastis 11:9 Referans Kwoze

Eklisiastis 12:14

Diig laa na anam hekkutnu am, Kayak Nug keeke oh ig danab, ig hettem ele epeɗiadkku. Nug keeke ig miag atiak hemut epeɗiadkku, amge amu aakkuib iitta. Iitta. Nug keeke ig lokkumakppa hemut ele epeɗiadkku. Nug ig keeke ena hemut epeɗiadkku, amu Nug keeke eheɗ ig hemut ele epeɗiadkku,” awa atte.

Eklisiastis 12:1

Na kaino mena, uug digdig anidkkut. Ao, na kaino mena, na, “Da gemu dahil oiyaknu ool ittag ii qette,” akkut, amunu gemu, haen amu ii uɗiom daatte, na gemu na nid bau daanna; na laa Nug na heittom ele amu, na Nug dabmette!

Gayak Nai 3:27

danab nug nid bau dayaya, wan imuppa uug maokku am ena.

Eklisiastis 3:17

Da amu antten, da oolppa inam dabmemi. “Kayak Nug aɗi hekkunu haen tituanom daatte. Ao, Nug aɗi hette am haen ele amunu, Nug genab tutukku hak danab, nau hak danab ele hettoɗiak abenppa maadkku.”

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

Job 31:7

O iitta, da ib apiɗitten, ib nauppa oilomlob, O iitta, da oolppa aɗi kobol helomnu doomi, amge da keeke laa amel qeeb, nau amu helomlob, O iitta, da eppelppa kobol dubuttid ele laa helomlob amu,

Rom 14:10

Ig oh geha Kayaknu hettoɗiak abenppa daagnig amunu, na layap, nug Jesusnu ooppa genab dotte amu, na aɗinu nug epeɗittem? Aɗinu na layapnu keeke hamu bia doottem?

Matyu 5:28

amge da ag amelagppa inam attem. Danab laa nug amegppaib ah laa antta, nug ele oiglahnu dabmette amu, danab amu nug ewau pakkua gappai hak kobol aakku heum.

Eklisiastis 2:10

Da aɗi keeke da amelppa antten, aokkulnu ool heum amu, da aomi. Ao, da oo haknu anuqak doyak kobol aɗi ippuniɗom amu, da dim lamidmi. Da aɗi keeke hemi, da amu heinne, da gamag ahak okkainab doyeye hemi; amuam dahil uɗatnu nob ena aakku.

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Namba 15:30

Ɗo amuam danab ah ag ii doonna hipunin hekkulag, ahilagnu, amge aun nug hipunin doyaya hette, nug Yawenu dabittak nai aakku atte. Nug Israel oolagppanu geɗittak daakkuoitte. Israel tedte, iitta wan laihnu danabte, keeke amu oh am hamu; nug Israel oolagppanu geɗittak daakkuoitte.

2 Pita 3:7

Amubia Kayak oɗeppa hab wan ele gemu daattep amu, aa geha aab ewakppa daaglahnu aum daattep. Hab wan gemu daattep amu daapeɗ ukkeb, deɗ laa Kayak Nug danab ag Kayaknu nuhig haknu ele uuak danab daatteb epeɗiatteb padal mekkulag, deɗ amuppa hab wan ele gemu daattep am aab ewakppa daaglah.

Jeremaia 23:17

Propet amu ag laa dahilnu ena iinab dootteb ele amelagppa, “Yawe Nug atte, ‘Ag maɗoɗ ele daaglag,’ aon atteb. Ag amu dilagnu anam anana, ag laa ag oɗe dim lamidmananu dabmak ahilag ɠagattag eppe, aɗi hekkulag dabmakppa daatte amu, ag amuib dim lamidtteb, ag amelagppa, ‘Uug laa ahilagppa ii bema,’ ” aon atteb.

Jeremaia 7:24

Da anam ag amelagppa ami, amge ag dahil nai ii dooppig; ag daulag human nai doon, elele ii dabmedappig. Iitta. Ag da oɗel dim lamidmananu dabmak ahilag ɠagattag eppe, ag oolagppa ahilag dabmak nau atten dayom amu, ag amu dim lamidppig. Ag da ii dim lamiɗppig. Iitta. Ag gomelag da meɗan goppig.

Sam 81:12

Amunu da ag uuatti, ag oɗe dim lamidmananu dabmak ahilag ɠagattag eppe daatteb. Ao, da ag uuatti, ag akka ag aɗi aɗi dooppig amu, ag amuib dim lamidkkulagnu daatteb.

Duteronomi 29:19

Amu danab laa nug ig Israel, ig Yawenu danab ah daattem, Nug am ihinig Kayak daatte, nug nug tituana nai qakkak nai amu dabmaama, diig amunu nug inam aib dabma aum. “Da eheɗ tuɗitten, heinneib daakkul, me da ena daakkul.” Nug anam aib heum. Danab ag amu hetteb, ag ahilag wan oh heppeg nauhkku; wan le daatteppa, wan laa le ii daatteppa ele oh nauhkkulag.

Namba 15:39

Muɗi hatti naunau qakkak amu anam heppeg daappeg, ag anidna, ag Yawe, Nug ɗo oh mattom dabmekkulag. Nuhig ɗo, ag dabmenan oiglagnu diig am, ag hipunin hemananu, ag beɗulkad aɗi hekkulagnu eeɗatteb hemananu, amelagppa aɗi keeke eheɗ laa anidna, ‘Da amu helom,’ dabmemananu ele.

Aposel 24:25

Pol nug genab tutukku hak kobolppa oiyak amunu mehuqa, danab nug nukka nuhignu atognoa tutukku oikkunu, geha Kayak Nug danab oh epeɗiadkkunu nai ele mehuqeqe amu, Peliks nug nai amu doya, oo baɗe, nug Pol amegppa aum. “Gemu elele! Ahan ukke! Dimppa da haen ena laa dayeb amu, da geha baula dookkulnu na oninppa ekkul,” awa aum.

Aposel 14:16

Anukka, Kayak Nug danab ah buɗub ohnu ag ib digdig gokkulagnu aib ii aum

1 King 22:15

Mikaia nug anam a, aa king daapiɗppa teeh, King Ahap nug Mikaia oɗ mettom. “Mikaia, ig aab Ramot, Gileat wanppanu banelag gota, aab amu ele ban hekkunigte, o iitta, ig iitai gomata?” awa oɗ mettom. Nug anam oɗ mette, Mikaia nug ⌊baag danab daugppa dootte, nug danab amu nug doyaya, nai genab ii maditte, Mikaia baag amuppa⌋ nob ma aum. “Ag aab Ramot, Gileat wanppanu banelag gona, ban hena, genabnab genab aab amu na geha aokkut. Yawe Nug geha na ehanitteb, Aram eɗadkkut,” awa aum.

1 King 18:27

Aam ameg tutukkuppa amu, Elaiya nug awa awa aqa aum. “Bal nug am kayak, amunu ag huan baalag okkaippa unuqitteg! Aɗinu? Bal nug genab kayak daatte dayeb amu, nug keeke laanu dabma dayayatai, ag ii doyadtte. O nug moɗppa ukkomtai. O amu ele iitta dayeb amu, nug aab laappa uma ukkomtai. O iitta, nug niia gad meumtai amunu, ag nug maɗ edappeg ahaɗ!” awa aum.

1 King 18:12

Amge da na uuitte goppi, Yawenu Ouɗi Nug na awitta, aben laih da ii doottemppatai meitteb daappe, da ukken, Ahap amegppa appi, nug na maditta, ii anitta amu, geha da iweb mauhkkul. Amge da nid nakokppanu uɗie, gemu batak, haen amu oh da Yawenu ebehil oh bodoetta le meum.

Namba 22:32

Balam nug engel antte, Yawenu engel nug Balam oɗ mettom. “Na aɗi diignu nahip donki haen ewam imu bu qeme? Na doonna, eheɗ hekkutnu hettem, da anidttem amunu, da heppi, nahip ib keldoak daakkunu uɗimi daattem.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Josua 7:21

Da banppa keeke aomut ooppanu amu, da lamen elab enanag laa Babilon appa heppig antten awe, da 2.3 kilogram silwa, amu gol maha laa, uug nuhig am 600 gram, da amu ele awen uɗimi. Da keeke amu amel qe aolomnab dabmak eheɗ aomi amunu, da akke uɗimi. Da dahil peh waappa, wan ooppa lokkumadmi daatteb. Silwa amu laa oh eɗattak unuqagnab boummi daatte,” awa aum.

Luk 12:19

da dakka, da inam dabmekkul. “Da lagnu keekenu laa ii bahuhupa, dahil keeke ena ena daatte, maɗ kuɗum daakkunu elele. Aria, da hik awe dayeye, da ee, le ele oh lanakib lainne, gamag ahakppa daakkul,” ’ awa aum.

Eklisiastis 6:9

Danab nug keeke aɗom daattenu elele dootte, amuam kobol ena; danab nug hanhan keeke baubau aokkunu dabmette amu, kobol amuam ena iitta. Amu ele am gaɗappa, unuqagppa ele anttak laippu iitta; am danab nug ulah aɗakkunu, ulah dim lamidtte, am amubia daatte.

Eklisiastis 7:14

Nahip oiyakppa, haen ena daatte dayeb, na gamag ahak doye! Nahip oiyakppa haen nau daatte dayeb, na imunu dabmak awe! Kayak Nug he, kobol aɗit amu oh bettep; amunu danab nug Kayaknu naittuɗ mekkunu elele iitta.

Eklisiastis 3:12

Amunu da doottem, danab nug wanppa dayaya, kobol ena haaha, gamag ahak dookkunu am ena. Keeke laa amu eɗittak laal ii daatte.