Eklisiastis 11:8 - Nobonob Baibel

⁸ Danab nug maɗ kuɗum wanppa dayaya oikkutai. Nug anam daakku dayeb amu; nug nuhig oiyak ohnu gamag ahak dookku am ena. Aɗinu? Gatatu manak haen am uɗikku; haen amuam elab daakku amunu, nug amu dabmettaɗ! Keeke oh bekkunu am gaɗappa, unuqagppa ele anttak laippu iitta.

Eklisiastis 11:8 Referans Kwoze

Jon 12:35

Anam aeg am Jesus Nug aum. “Ag haen nakoknab laa ele amahlak ele daaglag. Haen imuppa ag amahlak ele amunu, gatatu ag tonadmanu ag amahlak ele oiyeg! Laa nug gatatuppa oitte amu nuhig ib ii anidtte.

Duteronomi 32:29

O gadon. Ag am danab ah doyak dabmak ena ele daanna, ag imu dooppeg, oolag maidlo am ena! O gadon. Ag aɗi kobol ahilagppa bekku oolag maidlo am ena!

Joel 2:2

Deɗ amuam deɗ amahlak ele iitta; nug gatatuib daakku. Ao, deɗ amuam deɗ lombig hinqaknab atu oh tona daye, amahlak iitta daatte bia daakku. Deɗ amuppa tap-lokus uɗiglag. Ag ban danab huu okkai naɗi bia uɗin, wan tonatteb, o aamnu amahlak buttuanab ba he, qauko oh amahaltteb, tap-lokus ag amubia hetteb. Anukka keeke amubia laa ii beum, butti aɗi ele baula anambia laa ii bema.

Eklisiastis 7:14

Nahip oiyakppa, haen ena daatte dayeb, na gamag ahak doye! Nahip oiyakppa haen nau daatte dayeb, na imunu dabmak awe! Kayak Nug he, kobol aɗit amu oh bettep; amunu danab nug Kayaknu naittuɗ mekkunu elele iitta.

Jut 1:18

Am ag inam ag amelagppa appig. “Gog tak haenppa ihaklel qettak danab ag Kayak dimettan, ag Kayaknu, hak nuhignu ele uuak kobol dim lamidna beɗunu oo ahak kobol ahilag hekkulag,” aon appig.

Jeremaia 13:16

Ag Yawe, ahilag Kayak, danab ah oh ag Nug binag amahlak oppiaawak ele mekkulagnu daatteb amu, ag Nug binag amu meig! Nug heeb, uug naunab bekkun daatte, amu haen imuppa, haen gamag imu, uug amu ii beum, haen imuppa ag anam heig! Ao, ag danab qaukoppa oiyaya, aam aam eeɗe, gatatu neene, na qette, ag amubia nena qemananu, ag uug amu ii beum haen gamag imuppa ag Kayak binag anam meig! Ag haen ena, amahlak bia, ag amu anidkkulagnu dabmetteb, amge Yawe Nug heeb, haen amu eɗua, haen nau, gatatu bia daamanu, ag uug amu ii beum haen gamag imuppa ag Nug binag meig!

Eklisiastis 8:15

Amunu amu, da danab nug aam waappa dayaya, gamag ahak dookkunu attem. Aɗinu? Nug ee, le ele lakku, gamag ahak ele aokku am enanag; keeke laa amu ii eɗidtte. Nug amu hekku dayeb amu, Kayak nug haen gane wan imuppa daya, uɗat hekkunu mettom amu, nug haen amuppa nuhig uɗat haknu gamag ahebeb daakku.

Eklisiastis 8:12

Anam, amge nau hak danab nug ɗo huanak tippala, haen elab bau daakkutai, me da doottem, butti aɗi danab ag Kayaknu ebehilag oh bodoetta le mette, ag Kayak noobppa anam daatteb ele amu, ahilagnu am ena. Laa nau hetteb, ag am iitta.

Eklisiastis 6:11

Nai mattiak huanak daatteppa amu, meu nakokib daatte; amunu kobol amuam auntai laa ii ehanidtte.

Matyu 22:13

Nug anam dayeye, king nug nuhikkud maɗi nid amelagppa aum. ‘Ag aɗan, eppeg baeg ele hippalna, maoppeg dimittim gatatuppa noaɗ! Appa danab ag gaanna, aelkad emalna daaglag,’ awa aum.” Jesus Nug anam aum.

Eklisiastis 6:6

Ge, danab amu nug maɗ 2,000 daalolob, amge nug enubnu gamag ahak aokkunu elele ii daalo amu, gadonnab gadon. Nuhignu am ena iitta. Aɗinu? Danab ah oh ag menuak dimppa ahilag haenppa mauhak abenppa iite gotteb?

Eklisiastis 4:16

Nug dim lamidkkulag ele amu, laa ag ebqekkulagnu elele iitta, kuɗumnab. Anam, amge laa dim dokkulag amu, ag king amunu oolag ii daama. Anam amunu, amu ele am gaɗappa, unuqagppa ele anttak laippu iitta; amu ele ⌊diig doyaknu⌋ am danab nug ulah aɗakkunu, ulah dim lamidtte, am amubia daatte.

Eklisiastis 4:8

Amuam danab nug tiig laippu laa iitta. Ao, nug nid iitta, awag, amag laa ele iitta. Anam amu, nug am uɗatib hette, nug hamu ii daatte; Nug anam daya haaha, en okkai aotte, amge nug ena ii dootte. Iitta. Nug baubau aokkunu hette. Nug nukka, nug oɗ inam ii medatte. “Da aun nug en imu aokkunu uɗat hettem? Ao, da aunnu uɗatib heinne, gamag ahak nakok aolom, amge da ii aottem?” Nug amu oɗ ii medatte. Kobol amu daatte, amge amu ele am gaɗappa, unuqagppa ele anttak laippu iitta; am kobol guittak ele.

Eklisiastis 2:26

Amunu diig am, Kayak Nug doyak dabmak ena ele, doyak ena, amu oo gamag ahak ele danab ag Nug waappa daanna, dim lamidtteb ele, ag madatte, amge Nug he, hipunin danab ag en ahilag danab ena amu mattaglagnu uɗat ge iitta henana, keeke aon qagmekkulagnu hetteb. Amu oh gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia aakku daatte.

Eklisiastis 2:19

Keeke oh da doyak dabmak ena ele dim lamitten bappaidkkulnu uɗat huan heine daami amu, keeke amu oh danab laa da abenal awa daakku ele, nug eppegppa daakku. Nug am danab doyak dabmak ena ele, o iitta, nug danab Kayak dab-ii-maama ii dim lamidtte ele, da ii doottem, amge keeke amu oh nug eppegppa aakku daakku. Kobol amu ele am gaɗappa, unuqagppa ele anttak laippu iitta.

Eklisiastis 2:17

Anam amunu, da bau dayaknu nau ninig ele doomi. Aɗinu? Diig laa am danab ag uɗat aɗi aɗi aam waappa hetteb ele, da amu ohnu uugib doomi. Diig laa am keeke oh am gaɗappa, unuqagppa ele anttak laippu iitta; am danab nug ulah aɗakkunu, ulah dim lamidtte, amubia.

Eklisiastis 2:15

Da amu oh dabmei ukke, da oolppa dabmemi. “Danab Kayak dab-ii-maama ii dim lamidtte ele, nuhigppa aɗi bekku am dahilppa ele bekku. Anam bekku amunu, da doyak dabmak ena ele aɗe daakkul dayeb, da meu ena attem laa aokkul? Am laa iitta.” Da amu dabmemi amunu, da amunu ele oolppa, “Amu ele am gaɗappa, unuqagppa ele anttak laippu iitta,” ami.

Job 18:18

Laa ag lamitteg, nug aben gatatu ele, aben amahlak iittappa wana daatte; nug wanppa baula ii daatte.

Job 15:23

Nug mauhnoak atu laih laih oitte. Nug appa mauheb, kaub ag nug teppu lakkulagnu oitteb. Ao, nug gatatu nug tonakkunu daatte dootte.

Job 14:10

Adnu am anam, amge ig danab, ig mauhut, ig beɗunig balalppa aakku niitte. Ao, ig danab ah, ig hik aot autta awota, ig adeppa daattem?

Job 10:22

Aben amuam gatatu ele, tuqan gatatunab bia; appa amahlak ii daatte, keeke oh mauhnoak daatte; Appa amahlak daalo, amu ele gatatu daalo.’ ” Job nug anam aum.

Eklisiastis 9:7

Am gemu amu, Kayak Nug na gamag ahak doon, ee, wain ele nahip lakkutnu oo hette amunu, na gona, oo gamag ahak ele nahip ee, wain ele la!

Eklisiastis 11:2

Na nug ehanittak nahip am ib kuɗumppa hee! Aɗinu? Na wanppa aɗi uug naunab digdig bekkunu daatteb amu, na ii doottem.

Job 10:21

Ao, haen elab iitta da wan imu uuen, da aben laa danab appanu eɗua ii uɗitte ele, da amuppa gokkul. Aben amuam aben gatatuib ele; am aben amahlak ii watte ele.

Job 14:12

amubia ig danab ig niit, baula ii ahattem. Ao, hab abenppa daatte, butti aɗi daakku, amu haen hab anam ii iitta mette, haen hab anam dayeye, ig danab ig mauhota, ig haen amu oh ii ahamta. Ge, haen amu oh laa niiak amuppanu maɗeɗikkeb ii ahamta.

Sam 49:20

Danab ah ag bau daanna, enulag naɗi ele daatteb, amge ag diignu doyak tutukku iitta ele amu, ag doɗ mauhttebbia daatteb.