Eklisiastis 11:6 - Nobonob Baibel

⁶ Na nahip uɗat attem meu okku amu, na ii doottem; uɗat laa imu meu okkutai, o uɗat laa umu am meu okkutai, o aɗit oh meu okkulahtai, na ii doottem, amunu na buttua ahan, ee keeke eppan; tueb ele na uɗat henan daye!

Eklisiastis 11:6 Referans Kwoze

Aisaia 55:10

Laa amu, nai dahil am gu, sno ele attannu nettep, amubia daatte. Gu, sno ele aa neya, eɗuya bau laa attan paha ii tettep. Iitta. Aa wan leppu mettaeh, wan elele mette, ee keeke ena beeg, danab ah ag ee tumu eppaknu, amu meu lanaknu ele aotteb.

Hosea 10:12

Ag Israel, ag genab tutukku hak kobol ag oolagppa ebappeg, Yawenu oo mauhaknab ag tonadkku. Ag oolag ɠagattag eppak daamanu, ag heppeg, ag oolag gai-iitta dayaɗ! Aɗinu? Gemu am ag Yawe anidna, Nug dim lamidkkulagnu mattiglagnu haen aakku daatte. Ag amu hekkulagnu diig am, ag amu heppeg, Nug gu digittig bia he ne, dattan keeke ena bette, amubia Nug heeb, ag genab tutukku hak danab ah bena daaglag.

2 Korint 9:6

Amge ag imu tutukku anidna doyeg! Danab nug ee tumu kuɗum ii ebatte, nug ee kuɗum ii aotte. Aria danab nug kuɗum ebatte, nug kuɗum aotte.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Eklisiastis 9:1

Da amu oh anidmi amunu, da dabmei ukke ukke, da genab tutukku hak danab, danab doyak dabmak ena ele oh, ahilag hak oh ele Kayak eppegppa daatte anidmi, amge laa nug bau dayak nuhigppa danab ah ag nuhignu oo mauhak dooglag, o iitta ag nuhignu nau ninig ele dooglag amu, nug ii dootte.

Eklisiastis 11:7

Amahlak am keeke ena; amu danab nug buttua aha, aam andatta, nug ena dootte.