Eklisiastis 11:5 - Nobonob Baibel

⁵ Na nid nug anig ooppa daye, nuhig bau dayaknu ouɗi attem ukka, nuhigppa daatte ii doottem; amubia na Kayak, keeke oh he bette ele amu, na nuhig uɗat buttinu amu anidkkutnu elele iitta.

Eklisiastis 11:5 Referans Kwoze

Jon 3:8

Ulah nug adekkuppanu uɗia, atten gotte amu, na ii doottem, nug ukkak nuhigib dim lamidtte. Na nuhig oqotti aakkuib doottem. Amubia danab ah Kayak Ouɗippa bau menuak aotteb ele amu, danab ag amunu diig oh anidna, oolag maidkkunu elele iitta,” awa aum.

Sam 92:5

O Yawe, na kobol danab laa hekkunu elele iitta kuɗum hettem! Ao, nahip dabmak am unuqagnab noak daatte.

Eklisiastis 8:17

haen amuppa da keeke oh Kayak heum anidmi. Aam waappa keeke oh ba gotte amu, danab laa nug amu oh dookkunu elele iitta. Danab nug wagainab ma, diig dookkunu hekku, amge nug diig oh tutukku dookkunu elele iitta. Danab nug doyak dabmak ena ele nug, “Da amu oh doottem,” akkutai, amge nug genab diig oh tutukku dookkunu elele iitta.

Rom 11:33

Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.

Aisaia 40:28

Ag Yawe, Nug Kayak hanhan daatte, Nug wan atu oh, amuppan keeke oh ele heum amu, ag amu iite dootteb? Ag amu daulagppa iite dooppig? Yawe Nug beɗu bahi ii yaatte; beɗu bodo-ii-edatte. Nuhig diignu doyak tutukku amu, laa nug oh dookkunu elele iittanab iitta.

Sam 104:24

O Yawe, na keeke digdig kuɗum hattame! Na nakka nahip doyak dabmak ena okkai amu uɗat mettan heme! Na keeke amu hattana hee, wan atu ohppa doɗ, amu keeke laa oh ele ambak daatteb.

Eklisiastis 7:24

Wan imuppa keeke oh ib attenppa ba gotte amu; ba ukkak amunu diig oh da dookkulnu elele iitta. Danab laa amu ohnu diig dookkunu elele iitta.

Sam 40:5

O Yawe, dahil Kayak, na keeke kuɗum, danab amu hekkunu elele iitta, na aakku heme. Ao, na keeke ena ena kuɗum ihinignu maidme amu, laa nug keeke amu ohnu eɗua, na amenppa ab dookkutnu elele iitta. Keeke na hekkutnu maidttem am huanak, ebqaknu iitta amunu, da ma anttak hein, da laa amegppa keeke amu ohnu akkulnu hekkul dayeb amu, da elele iitta. Am keeke kuɗum, huanak ele.

Job 38:4

Da wan daakkunu ukku bappaidmi amu, na haen amuppa adeppa daame? Na da amu attem attem hei beum doottem dayeb amu, na appe dookkul.

Job 37:23

Laa Nukka Ɠagattag Oh Ele Nug ig eɗikka auta autanab aotte. Nug nuhig ɠagattag am okkainab ele. Nug nai doya mala hettoɗia epeɗia elele mettak kobol ele hanhan dim lamidtte. Nug aɗi hette ele amu, Nug genab tutukku hak kobolppaib hette amunu, Nug danab laa diig iittappa bu ii medatte.

Job 5:9

Nug kobol danab hekkunu elele iitta, ig danab ig amunu diig tutukku doognignu elele iittanab daattem amu, Nug kobol amu Nug hette. Ge, Nug kobol danab hekkunu elele iitta kuɗumnab, ebaqaknu elele iitta hette.

Eklisiastis 1:6

Deɗ laala ulah yawalti uɗitte. Deɗ laala am eɗue, ulah yau uɗitte. Ulah nug anamib haaha, deɗ laa heum bia eɗua hette.

Eklisiastis 1:13

Amu tatam da dakka, da danab doyak dabmak ena ele ag keeke dooglagnu henana, aɗi kobol oh dim lamidna henan keeke dootteb amu, da kobol amuppa keeke oh wan imuppa heeg bette ele dookkulnu dabmein, amu anam hekkulnunab digmemi. Da amu hein, da Kayak Nug uug okkainab ig danab ah mekkom anidmi.

Eklisiastis 3:10

Uɗat laala Kayak danab ah mattom amu, da anidmi.

Eklisiastis 3:11

Nug he, keeke haenppanab ag betteb, amu keeke amuam anttaknu enanag aakkuib. Nug ele danab ah oolagppa ag hanhannu keeke dooglagnu dabmak mattom daatte, amge ag Kayak Nug digmakppa aɗi heum, batakppa aɗi hekku amu, ag keeke amu oh dooglagnu elele iitta.

Eklisiastis 11:4

Danab nug ulahnu, o aam naknu keeke, nug amunu dabmak okkai aokku dayeb amu, nug keeke laa ii eppama; nug gu nekkunu dabmak okkai aokku dayeb amu, nug ukka, ee oɗuom ele ii aoma.