Eklisiastis 11:1 - Nobonob Baibel

¹ Na nug ehanittak henan daye! Aɗinu? Na anam heppe, butti, haen adekku amu, na ehanittak eɗun aokkut.

Eklisiastis 11:1 Referans Kwoze

Eklisiastis 11:6

Na nahip uɗat attem meu okku amu, na ii doottem; uɗat laa imu meu okkutai, o uɗat laa umu am meu okkutai, o aɗit oh meu okkulahtai, na ii doottem, amunu na buttua ahan, ee keeke eppan; tueb ele na uɗat henan daye!

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.

2 Korint 9:6

Amge ag imu tutukku anidna doyeg! Danab nug ee tumu kuɗum ii ebatte, nug ee kuɗum ii aotte. Aria danab nug kuɗum ebatte, nug kuɗum aotte.

Aisaia 32:20

amge ⌊dimppa, haen ena bekku, haen amuppa⌋ ag itittak ena aon daaglag. Ag le guguittak ee eppaladnan, ag heppeg, ahilag makau, donki ele ag gikkiɗah lakkulagnu laih laih gona hamu oiglag.

Luk 14:14

Am danab amu, ag am nahip ee amu nob mettaglagnu elele iitta, am na anam heppe amu, Kayak na itittak ena medakku. Yo, dimppa Kayak Nug amunu haen genab tutukku hak danab ag eɗun hippaidkkulag amu, Nug na nob ena medakku,” awa aum.

Aisaia 32:8

Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Prowerb 22:9

Laa nug laa keeke mettaknu oo qak iitta danab, nug itittak ena aokku; amunu diig am, nug daɗek ee madatte.

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

Matyu 10:13

Ag itadna, lag amuppan danab itittak ena amu aoglagnu elele daatteb dayeb, ag itittak ena ahilagppa uuppeg dayaɗ! Amge ag amu aoglagnu elele iitta daatteb dayeb, ag eɗun aweg!

Lewitikas 19:25

Anam daya maleb, maɗ tanig eleppa amu, ag ad meu aon lakkulag. Hak anamppa ad diig ag meulkad huana okkulag. Da am Yawe, ahilag Kayak.

Eklisiastis 3:6

Danab keeke anidkkulagnu mattiglagnu haen daatte; danab mattiak uɗat uuna, baula ii mattimnanu haen ele daatte. Danab keeke qagmena aɗaglagnu haen daatte; danab keeke kinipan abenppa buɗippeg gokkunu haen ele daatte.

Matyu 25:17

Amubiaib laa talent aɗit awom ele, nug ele anam ha, talent aɗit baula awom.