Eklisiastis 10:8 - Nobonob Baibel

⁸ Danab laa nug moɗ buutte amu, nug amuppa na qekkutai; laa nug men aɗ loppaɗtte amu, mat nug emalkkutai.

Eklisiastis 10:8 Referans Kwoze

Prowerb 26:27

Danab nug laa guittak medakkunu moɗ pelem buutte amu, nug nukka moɗ amuppa noa qekku; danab nug laa guittak medakkunu men naɗi kudkud metteb, laa toppa nokku dayeb amu, men amu kudkud metta, eɗua nuhigppa nokku.

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Amos 9:3

Israel danab ah ag qauko Karmel igippa tena, da anadpanu appa lokkumna daaglagtai, amge da ag appa mattialatte anatten, aɗualadkkul. Ao, Israel danab ah ag yu ooppa unuqagnab nona, da anadpanu appa lokkumna daaglagtai, amge da haknunab appi, appa yuppan mat nau ag emaladkku.

Amos 5:19

Deɗ amu geha danab laa nug doɗ laion laa baɗitta, oola ukka, doɗ bea laa noobppa watte bia daakku. O iitta, danab laa nug ⌊aɗi keeke baɗitta oola,⌋ laug ooppa noa, nug eppeg bahia, lagnu gilil aɗa hik aokkunu heehe, mat nau laa eppeg emaltte bia daakku.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

Ikki Danab 9:5

Danab ag nug dim lamidppig amu, nug ag diie gona, Opra, nug mameg Jerubal, ⌊am Gideon,⌋ ag nug laugppa noppig. Ag gona tena, ag ⌊Abimelek awakkud amakkud oolagppan laa nug aha, Abimelek qeeb mauheb, nug king bemanu⌋ ag Abimelek amakkud, awakkud 70 oh, ag nug ele mamelag laippu, amge halab laippu iitta amu, ag ag ohnab diin gona, men naɗi laa daatteppa tena, appa aqappig. Nug amag nakok, Jotam aakkuib ii qeppig. Aɗinu? Nug am oola ukka lokkumom.

2 Samuel 18:15

Joap nug anam he, Apsalom nug mauhkkunu heehe, Joapnu ehanittak danab eblaih tanig ele, ag nuhig bannu keeke maoppig ele amu, ag Apsalom talilidna daanna, ag qeeg, nug aakku mauhom.

Sam 57:6

Dahil kekeɗ ag da awiɗkkulagnu pelem meppig daatte. Da uug nauppa daattem. Ag da ippulppa moɗ umanab aoeg noum, amge ag akka amuppa nokkulag. Sila.

Prowerb 11:6

Danab ooppa kaliak laa iitta, nuhig genab tutukku hak kobol am he, nug pelemppa ii tette; amge danab nug Yawe ippunittom bia Nug dim lamidkkunu uua hette amu, nug oo hak eheɗ nuhignu pelemppa daatte.

Eklisiastis 10:9

Danab nug men okkultte amu, men naɗi na qa, tonakkutai; danab nug ad imuag oppat-tte amu, ad buɗibɗib ukka, nug tonakkutai.