Eklisiastis 10:20 - Nobonob Baibel

²⁰ Na oɗenppa aib king aon aon qettame, amge amuib iitta! Dabmakppa ele na anam aib heme! Ge, na danab okkai dilagnu na laut ooppa, niittem abenppa daanna, ag eheɗ laa awaknu anak waappa daaglagnu aib ame. Aɗinu? Ai laa nug doya, nahip dabmak, o nahip nai amu ag amelagppa akkutai. Ge, ai laa hagagaɗa oiyaya doya, ukka mattieb dooglagtai.

Eklisiastis 10:20 Referans Kwoze

Aposel 23:5

Aeg Pol aum. “O lailad, nug mana mettak ikki danab daatte amu da ii doomi. ⌊Da ena ii hemi.⌋ Aɗinu? Kayaknu Nai am inam daatte, ‘Na nahip huuppan ikki danabnu amu, na nai nau aib ame,’ awa atte,” awa aum.

Eksodas 22:28

Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

2 King 6:12

Nug anam oɗ matte amu, nuhig ban daup ikki laa nug inam amegppa aum. “O king, ihinig naɗi, ig ihinig huuppan danab laa ii hette. Iitta. Israel dilag propet Elisa, nugib aakku hette. Keeke aɗi aɗi ig hekkunignu hettem amu, nug Israel dilag king amegppa atte. Nai oh na madittem amu, Elisa nug dootte. Na nahip niiak abenppa daanna nai madittem amu, Elisa nug doya, Israel dilag king amegppa atte,” awa aum.

Luk 19:40

Aon aeg amu Jesus Nug ag anam appig amunu amelagppa aum. “Da ag amelagppa attem, imu ag oɗelag qamutppeg amu, men ag ekkulag,” awa aum.

Luk 10:40

Amge Marta nug ee hak uɗatib ha, hik qe, dabmak nuhig ib piɗe piɗe dayom amunu, Marta nug Jesus gumitta wana aum. “Naɗi, da makkel nug da ii ehaniɗtte, da dakkaib ee hak uɗat hettem. Na amunu iite dabmettem? Na nug amegppa appe doa, da ehaniɗaɗ!” awa aum.

Aisaia 8:21

⌊Am genab, danab ah ag ib hambuppuakppa doyak aoglagnu hetteb ele amu,⌋ ag am geha haen nau aoglag. Ag geha oolagppa uug nau doonna, enug aqebeb, wanppa talilin oiglag. Ag anam oinna, ag enug aqakku. Enug amunu ag oppoɗilag beeb, amelag kokoɗ eppeb, ahilag king, amu ahilkad kayak ele ag eheɗ laa awaknu anak waappa daaglagnu nai akkulag. Ag neegppeg habppa teebeb,

Eksodas 8:3

Le Nil amu, geha og am-nab-bena, geha ag le uun bena gona, nahip lag enanagnab, appa tena, lag ooppa nahip niiak aben ooppa nona, niiaknu balalppa tekkulag. Am og ag nahipad ehanittak anuqak danab laulkadppa tena, danab ah nahipad laa laulkadppa ele geha tena, lag ooppa nokkulag. Amu geha aab ilan, bret manaknu dramppa, am bret kaboliaknu tappiɗ ooppa ele nokkulag.

Eksodas 22:27

Aɗinu? Nug ulahnu lamen laippu aakkuib. Nug tuqan beɗu ulah qemanu amuib laidtte amunu, ag eɗun ii mettanna, ag aɗaglag dayeb amu, geha nug tuqan aɗi beɗu laitta niikku? Dahil oo bodoetta le mak kobol danab ah oh dilagppa daatte amunu, haen nug da ehanidkkulnu unuqiɗkku amu, da geha nuhig unuqittak amu doyen ehanidkkul.

Esta 2:22

Amge Mordekai nug aa anam hekkulahnu hepiɗ amu doya, nug Kuin Esta amegppa aum. A amu, nug king amegppa amunu aum, amge nug Mordekai a doyomnu ele aum.