Eklisiastis 10:18 - Nobonob Baibel

¹⁸ Danab nug bahi iitta, nug laug am babaittak iitta ele daatte. Ao, danab nug uɗat pehettak ii hette ele amu, gu nug laug ooppa notte.

Eklisiastis 10:18 Referans Kwoze

Prowerb 14:1

Ah nug doyak dabmak ena ele, nug nug baekkudppa ɠagattag aqatte. Anam, amge ah nug dabmak tutukku iittappa hak kobol dim lamidtte ele, nug nuhig hakppa nug baekkudppan hatte nauhtteb.

Prowerb 20:4

Danab bahi iittanab ele nug haenppanab dad uɗat ii hette; amunu ee meu awak haenppa, nug ee meu laa ii anidtte.

Hibru 6:11

Amu ag dimppa gogtak haenppa aɗi aɗi aoglagnu dabmak aɗan oitteb ele amu, ag amuib aoglagnu elele daaglagnu, ig ag maɗi ahilag gemu pehettak hetteb amu, ag anamib heppeg ukkeb, gogtak haenppa malaglagnu oonig daatte.

Prowerb 23:21

Aɗinu? Danab ag wain laeg kaaka aqatte, o ee huana laeg oolag huana diditte ele, danab amu ag eɗun, daɗek daatteb; ag ee, le ele huana lanana, niiakib niiglagnu hetteb amunu, ag daɗek daanna, lamen nau aakkuib tagatteb.

Prowerb 21:25

Danab bahi iittanab nug niikkunu oo huana hette amunu, nug padal mekku; amunu diig am, nug uɗat hekkunu uua hette.

Prowerb 12:24

Danab ag yagbak doon uɗat hetteb ele, ag am anuqak danab daaglag; amge danab ag bahilkad iitta ele, ag am begbeg maɗi nid daaglag.