Eklisiastis 10:16 - Nobonob Baibel

¹⁶ Wan laappan king nuhig dabmak am nid dilag dabmak bia daatte dayeb; nuhikkud ehanittak, ag anuqak danab amu, ag buttuanab ahan, ee, le ele huana latteb dayeb amu, wan amunu amu, gadonnab gadon.

Eklisiastis 10:16 Referans Kwoze

Aisaia 3:12

Juda danab ah, ag am dahilad danab ah, ⌊amu ahilagnu gadonnab⌋. Nid bau ag ahilag okkai danab daan, eheɗ hadatteb. Ah ele ahan, ag gumadnana daatteb. O Juda danab ah, ag am dahilad danab ah ele, ahilag okkai ag ib eheɗppa omaladna gotteb. Ag ib nau kuɗumppa ag kaboliadtteb.

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.

2 Stori 13:7

Jeroboam nug anam he, dimppa danab nau ag nug ɠagattag mettanna, ag nug ele hena, Solomon bekka Rehoboam nug danabnab ii daya, nug king abenabppa ta, king dayom, amge nug king haen elab dayayate, nug king daakkunu dabmak elele aolo, amge anam iitta, haen nug bau king beum, haen amuppa Jeroboam nug laikkud ele ag uɗin, nug aɗi aɗi hekkunu nug amegppa aeg, nug ahilag nai qeeb nekkunu ɠagattag elele iitta.

2 Stori 36:9

Jehoiakin nug maɗ 18 dayaya, nug king ba dayom. Nug king ba, nug kalam ewam, deɗ eblaih laih ele aakkuib Jerusalem appa king dayom. Nug Yawenu neekkakppa eheɗ heum.

2 Stori 36:5

Jehoiakim nug maɗ 25 dayaya, nug king ba dayom. Nug king ba, nug maɗ 11 Jerusalem appa king dayom. Jehoiakim nug Yawe, nuhig Kayak, nug nuhig neekkakppa eheɗ heum.

2 Stori 36:2

Jehoahas nug maɗ 23 dayaya, nug king ba dayom. Nug king ba, nug kalam ewamib Jerusalem appa king dayom.

2 Stori 36:11

Sedekaia nug maɗ 21 dayaya, nug king ba dayom. Nug king ba, nug maɗ 11 Jerusalem appa king dayom

Prowerb 28:16

Okkai danab aun nug epeɗia ha dabmak ena awak kobol ii dootte ele, nug nuhikkud danab ah eheɗ hadatte; amge laa nug men doɗo ib eheɗppa awaknu nau ninig ele dootte amu, nug am haen elabnab okkai daakku.

Eklisiastis 10:15

Danab nug Kayak dab-ii-maama ii dim lamidtte ele nug nuhig uɗat haaha, maidadaɗak huana dootte; nug eɗua, appag diigppa gokkunu ib ii dootte.

1 King 12:11

Genab, da mamel nug ag uɗatnu uug okkai, ɠagattagnab mattom, amge da amu, geha da ag amu eɗittak, okkainab madakkul. Da mamel nug ag bu qaun eleppa mataɗattom, amge da geha bu laa noobppa aeg ele awe, ag huan mataɗadkkul.’ Na anam appe doyeg!” aon appig.