Eklisiastis 10:13 - Nobonob Baibel

¹³ Danab nug Kayak dab-ii-maama ii dim lamidtte ele, nug digmakppa Kayak dab-ii-maama haknu nai maditte; gog tak amu, nug Kayak dab-ii-maama haknu nai aakkuib ii maditte. Iitta. Nug nai nau, kaaka ele maditte.

Eklisiastis 10:13 Referans Kwoze

Prowerb 29:9

Danab nug doyak dabmak ena ele nug danab Kayak dab-ii-maama ii dim lamidtte ele hettoɗiakppa mette dayeb amu; danab nug Kayak dab-ii-maama ii dim lamidtte ele, nug nai mauhnoak huanak mattiaya, imak ele hekku. Mattiakppa meu ena ii bema.

Jon 12:10

Juda kuɗumnab ag Lasarus anidkkulagnu gona, ag Jesus he, Lasarus moɗppanu eɗua hibaittom amu dabmenana, ag Jesusnu oolagppa genab dooppig amunu, mana mettak danab okkai ag Lasarus ele qeppeg mauhkkunu maittak aoppig.

Luk 11:38

Dayom amge ɗo gumak danab-Parasia amu nug Jesus tatam ahilag ɗo atte, kobol amuppa Nug eppeg ii ihowa ee laum amu antta, Nug dabmak kuɗum awom.

Luk 6:11

Aria, danab ag Jesus meidna daappig ele, ag anam anidna, ag Jesusnu oppoɗilag be amelag kokoɗ eppe, akka akka mattinna appig. “Ig Jesus nuhigppa attem hekkunig?” aon appig.

Luk 6:2

Aon laeg amu ɗo gumak danab-Parasia ag heppig, ag amunu inam appig. “Ag aɗinu ɗo nug danab laa Sabat deɗppa ee dattanu ii aoma ippunigtte amu, ag Sabatnu ɗo amu tippalna, ee aon latteb,” aon appig.

Matyu 2:16

Anam aakku, amge Herot nug ii mauhom haenppa, magau danab ag eɗun goppig, haen amuppa nug ag buppuidna autna aoppig doyom amunu, nug oppoɗi huanak be ameg kokoɗ eppe, nuhikkud daup ag gona, Betlehemnu nid naunau, Betlehem talilittak eleppanu nid naunau oh ele, ahilag maɗ aɗit, laa ag maɗ aɗit ii aoppig ele, magau danab ag hoɗoppai digmena anitteg, Herot amegppa aeg doyom bia amu, daup ag amu oh aqaglagnu haknunab a, ⌊ag gona human aqappig⌋.

2 King 6:31

Anam amu king nug aum. “Da gemu Sapat bekka Elisa baag otaɗppi mauhkku. Da heppi, nai amu meu ii beeb amu, Kayak bu okkainab meɗakkunu ool daatte,” awa aum.

2 King 6:27

Nug anam ewa a, king nug ah amegppa inam aum. “Amu Yawe Nug na ii ehanitteb, da am na attem ehanidkkul? Amu da ee aeg adeppan awen ehanidkkul; da wain ele adeppan awen ehanidkkul?” awa aum.

2 Samuel 19:41

Ag anam heeg, haen elab iitta Israel laa ag ahan, king toppa uɗin, nug amegppa appig. “Aɗinu Juda danab, ag ig ele oh, ig awag amag ele amu, aɗinu ag yab danab hetteb bia heegeg, ig ii dooutut, ag na, na am ihinig king amu, ag na, na baenadppa, nahipad ban danab ele omaladna Jodan le mataɗna uɗippig?” aon oɗ medappig.

Ikki Danab 14:15

Ag elele iitta, ⌊uueg dayom,⌋ amge deɗ eblaih aɗitppa amu, ag Samson wau amegppa appig. “Na ib attenppatai gamutnu oɗmak laa, nuhig nob am unuqagnab daatte ele, na oɗmak amunu nob amu aon, appe dootu! Iitta dayeb amu, ig na, na mamen laugppa daappe, lag amu maipput ewa, na ele ewitteb mauhkkut. Na ig hobul imuppa daɗek meigkkutnu oninigppa e uɗit daattemte?” aon appig.

Eklisiastis 7:25

Anam, amge da doyak dabmak ena ele aokkulnu wagai mein daami; Da diig aɗinu wan imuppan keeke oh ippu godeppa, anam ba gotte amu, da amu ele dookkulnu wagai memi. Laa amu, da nau hak kobol am kaaka, da amunu diig dookkulnu hein; da Kayak dab-ii-maama hak kobol ele am kaaka, da amunu diig ele dookkulnu hemi.

Eklisiastis 10:14

Danab nug Kayak dab-ii-maama ii dim lamidtte ele nug nai huan huan maditte, nug nai mattiaknu ii uutte. Laa nug butti aɗi, haen amuppa aɗi kobol bekkulagnu daatteb amu, laa nug amu ii dootte; amu laa aun nug oiyaya mauheb, amu dimppa nug aɗi bekkun daatte laa amegppa ab dokkute?

Prowerb 13:16

Danab nug eheɗ bemanu dabmak awa dabmak amu dim lamittak kobol dim lamidtte amu, nug doyak enappa keeke hette; amge danab Kayak dab-ii-maama ii dim lamidtte ele, nug he, nug Kayak dab-ii-maama hak kobol dim lamitta oitte miag atitte.

Eklisiastis 5:2

Na paha paha digmen, aib nai mattime; na ootppa paha Kayak noobppa keeke laa madikkutnu aib heme. Aɗinu? Kayak Nug hab aabppa daatte; na wanppa daattem amunu, na nai huana aib mattime.