Eklisiastis 10:11 - Nobonob Baibel

¹¹ Danab nug makkai heeb, nuhig nai dim lamidkkunu kobol dootte, amge danab amu nug kobol amu digma haaha, kobol amu oh ii ha maleb, makkai nug tatam danab amu emaleb, danab nug kobol amu doyom, amuppa nug ehanittak laa aokkute?

Eklisiastis 10:11 Referans Kwoze

Jeremaia 8:17

Yawe Nug atte. “Ag dabmeig! Da heppi, mat nau ahilagppa bekkulag. Ao, da heppi, makkai eheɗ, laa nug heeb, ag nau ahilagnu ii hemananu elele iitta, makkai eheɗ amu ag oolagppa bena daaglag. Mat nau amu ag anam ahilagppa bena emaladkkulag.” Yawe Nug anam aakku atte.

Jems 3:6

Amu ig lemaɗunig nug am aab aɗu bia. Nug beɗunig laih laala oh gamagppa Satan eppeg bia daatte. Danab lemaɗu nug danab beɗu oh dubuttid medatte, amu nug danab beɗuppa kobol aab gakkaɗak bia hette amunu, oiyak oh nuhig am ena ii bette. Danab lemaɗu, ⌊nug anam hette ele amu,⌋ nuhig diig am Satan.

Prowerb 18:21

Na aɗi nai madittem, amuppa na meu aottem. Na amuppa bau daakkut, o mauhkkut. O iitta, laa nai amuppa bau daakku, o mauhkku; danab ag nai dabmettanna maditteb, ag amuppa nob ena aoglag.

Sam 64:3

Ag lemaɗulag am qep elab biappa nai maditteb. Ao, ag nai mattin, aɗi atteb amu, nai amuam lat aeg hawaɗ kekeɗ dilagppa etteb bia maditteb.

Sam 52:2

Na hanhan buttua ukka tueb batak Kayaknu danab ah hadappe nauhkkulagnu maittak aottem. Na aɗi keekenu attem, amuam resa laa aeg naunab ele, laa otaɗe guittak dootte, nahip nai amubia hette. Na nai attem amu, danab ah ag amunu oolag guidtte. Na hambuppuak nai madikkutnu doon autna aottem.

Jems 3:8

Amge danab laippu laa, ⌊nug nukka⌋ nug heeb, nug lemaɗu manan mekkunu elele iitta. Danab ⌊Jesusnu ooppa genab ii dootte ele⌋ nug lemaɗu am toetta dayaknu iitta, am keeke eheɗ. Danab anam nug lemaɗu am mua nau ele, danab qeeb mauhkkunu elele.

Eklisiastis 10:10

Na hebeb ii uɗigppe, aeg iitta daakku dayeb amu, na wagai mena, keeke okulkkut; amge na doyak dabmak ena ele aɗan, keeke hekkut dayeb amu, uɗat amuam pehettak gokku.

Sam 58:6

O Kayak, nau hak danab ag ban hak doɗ laa bia daatteb. Na heppe, ag ⌊ɠagattag iitta,⌋ doɗ laa aekkud qiialattak ele bia daaglagnu oɗ medattem. Ao, O Yawe, na heppe, nau hak danab ag ⌊ɠagattag iitta,⌋ laion bau aekkud kaulak ele bia daaglagnu na unuqidttem!