Eklisiastis 10:10 - Nobonob Baibel

¹⁰ Na hebeb ii uɗigppe, aeg iitta daakku dayeb amu, na wagai mena, keeke okulkkut; amge na doyak dabmak ena ele aɗan, keeke hekkut dayeb amu, uɗat amuam pehettak gokku.

Eklisiastis 10:10 Referans Kwoze

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Kolosi 4:5

Danab ag Nai Enanu oolagppa genab ii dootteb ele, ag Kolosi danab ag danab amu oolagppa oinna, ag akka ahilag oiyaknu dabmena autna aonna, ag uɗat ena hekkulagnu laa dayeb anidna, ag aib uuppig. Ag haen aguppanab heig!

Eklisiastis 10:15

Danab nug Kayak dab-ii-maama ii dim lamidtte ele nug nuhig uɗat haaha, maidadaɗak huana dootte; nug eɗua, appag diigppa gokkunu ib ii dootte.

1 Korint 14:20

O lailad ag dabmaknu amu, ag nid naunau, dabmak tutuib aon oitteb, amubia ag aib oippig, amge ag hipuninnu amu, ag nid yuɗ, hipunin doonna ii hetteb, amubia ag hipunin aib heppig. Ag danab okkai dilag dabmak aon oiyeg!

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

Rom 16:19

Ag Rom danab ag Kayak oɗe dim lamidtteb amu, nai amu danab oh ag doon malappig daatteb amunu, da ahilagnu maɗoɗppan gamag ahak okkai doottem, amge da ag kobol enanu doyak dabmak ena ele dim lamidna kobol amu hena, kobol tutukku iittanu amu nakok laa ii helobnu ool okkai daatte.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

1 Stori 12:32

Isakar buɗubppanu am danab okkai 200. Ag Israel danab aɗi aɗi hekkulagnu, haen adekku ag hekkulag am ele dooppig. Danab 200 amu, laa ag ele tiilag laippu ele, ag ag waalagppa daappig amu, ag oh uɗippig.

Duteronomi 32:41

Da qep elab dahil, qep amuam amemɗi laippun yaatte bia danab ah aqadtte amu, da qep amunu aeg hoikkul dayeb, amu da qep amuppa danab ah bu madakkul dayeb, da inam hekkul. Da dahil kekeɗ dilag eheɗ haknu nob tutukku qep amuppa madakkul. Ao, da laa ag dahilnu nau ninig ele dootteb amu, da ahilag eheɗ haknu nob elele madakkul.

Eklisiastis 2:13

Da dabmei ukke ukke, amahlak am gatatu eɗidtte; amubia da doyak dabmak ena ele hak am Kayak dab-ii-maama hak eɗidtte anidmi.

Eklisiastis 10:9

Danab nug men okkultte amu, men naɗi na qa, tonakkutai; danab nug ad imuag oppat-tte amu, ad buɗibɗib ukka, nug tonakkutai.

Eklisiastis 10:11

Danab nug makkai heeb, nuhig nai dim lamidkkunu kobol dootte, amge danab amu nug kobol amu digma haaha, kobol amu oh ii ha maleb, makkai nug tatam danab amu emaleb, danab nug kobol amu doyom, amuppa nug ehanittak laa aokkute?

Eklisiastis 9:18

Doyak dabmak ena ele am ban haknu keeke digdig eɗidtte; amge hipunin danab laippu nug he, ena hak kuɗum nauhtte.