Eklisiastis 10:1 - Nobonob Baibel

¹ Qabuttid ag leppu muttuɗig enanag eleppa mauhna beɗaegeg, uɗig otte; amubia danab nug kobol doyak dabmak ena ele, kobol binag ele dim lamat-tte, me deɗ laa nug Kayak dab-ii-maama hak kobol laa he, nuhig kobol aɗit laa aa honap nettep.

Eklisiastis 10:1 Referans Kwoze

Nehemaia 13:26

Da kobol amunu ag amelagppa ele inam ami. “King Solomon nug wan atu laihnu ah diiom, diig amunu nug hipunin iite heum? Wan atu ohppa king laa nug bia ii dayom, nug okkainab dayom. Kayak, Solomonnu Kayak, Nug Solomonnu oo huana mauhom, Nug Solomon king daakkunu tituane, nug Israel oh dilag king dayom, amge laihnu ah ag heegeg, nug hipunin heum.

2 Stori 19:2

Hanani bekka Jehu, nug propet amu, nug aha, King Jehosapat uɗa ta, nug amegppa aum. “Na danab nau ehanidkkut am enate? Na laa nug Yawenu nau ninig ele doottenu oo mauhak dookkut am enate? Na anam heme amunu, Yawe Nug nahipnu oppoɗi bak dootte.

Eksodas 30:25

Na amu oh akkan malan, na laittaknu goɗen dahilnu tituanak daakkunu kabolin autna aoppe, am goɗen amuam muttuɗig enanag, doyak danab hette bia aakku ba daakku. Amuam goɗen dahilnu tituanak dayaya, laittaknu goɗen daakku.

Nehemaia 6:13

Tobia, Sanbalat ele aa Semaia heeb, da baɗen, nuhig nai dim lamitten, oole lokkumak dayeye, aakku hipunin anam heppilob, Sanbalat, Tobia ele aa dahilnu laa amelagppa nai nau apeɗ, laa ag dahilnu eheɗ dooglagnu, aa men doɗo medapiɗ.

Job 6:3

Laa nug anam hekkunu elele daya helo amu, ig dahil guittak, da oolppa uug nau doottem ele amu, keeke amunu uug am yu ihippa ihinu uug eɗidkku anidlom; amu diig amunu da dabmak awen, nai ii mattimi. Iitta. Da mattiakib mattimi.

Eklisiastis 9:18

Doyak dabmak ena ele am ban haknu keeke digdig eɗidtte; amge hipunin danab laippu nug he, ena hak kuɗum nauhtte.

Hagai 2:12

Danab nug doɗ teppu maha laa, teppu amuam Kayaknu tituana mettak daatte amu, nug teppu amu lamen piiakppa aɗa oitte dayeb, lamen piiak amu wana, brette, o lewate, o wainte, o goɗente, o ee laate aɗakku dayeb amu, ee lamen piiak aɗom ele, amuam ele Kayaknu tituana mettak daakkute?” Yawe Nug oɗmak amu he, mana mettak danab ag, “Iitta!” appig.

Hagai 2:13

Ag anam aeg amu Hagai nug tuɗitta, oɗ matta aum. “Amge danab laa nug danab, o doɗ mauhak gaɗa aɗowa, amuppa Kayaknu neekkakppa nug ooppa dubuttid teum daatte amu, nug ee amu aɗakku dayeb, ee amu eɗua, Kayaknu neekkakppa dubuttid tak ele daakkute?” Hagai nug anam oɗ matte, mana mettak danab ag appig. “Ao, keeke amuam Kayaknu neekkakppa dubuttid tak ele daakku,” aon appig.