Eklisiastis 1:18 - Nobonob Baibel

¹⁸ Aɗinu? Danab nug doyak dabmak ena okkai ele, nug ele oo doyak okkai ele. Ge, danab nug doyak okkai ele, nug ele ooppan guittak okkai ele.

Eklisiastis 1:18 Referans Kwoze

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Eklisiastis 7:16

Kayak Nug danab attem attem haaha, tutukku daakkunu aum amunu, na nuhig nai amu aon, keeke baubau kuɗum laa ele tuɗidkkutnu aib heme! Na doyak dabmak ena ele aonna, keeke laa oh ii dabmemana, amuib dabmekkutnu aib heme! Ib aɗit amu ohppa na nakka, na nauhkkutnu hettem amunu, na anam aib heme.

Eklisiastis 2:23

Aɗinu? Danab amu hekkulagnu ag wanppa bau daan, uɗat henana, guittak doonna, oolag uug ele doon, tuqan ele ag dabmak aonnaib daatteb. Kobol amu ele am gaɗappa, unuqagppa ele anttak laippu iitta.

Eklisiastis 2:15

Da amu oh dabmei ukke, da oolppa dabmemi. “Danab Kayak dab-ii-maama ii dim lamidtte ele, nuhigppa aɗi bekku am dahilppa ele bekku. Anam bekku amunu, da doyak dabmak ena ele aɗe daakkul dayeb, da meu ena attem laa aokkul? Am laa iitta.” Da amu dabmemi amunu, da amunu ele oolppa, “Amu ele am gaɗappa, unuqagppa ele anttak laippu iitta,” ami.