Eklisiastis 1:15 - Nobonob Baibel

¹⁵ Keeke laa kaliak daatte amu, danab laa nug heeb, eɗua tutukku, daalobianab daakkunu elele iitta. Ao, keeke laa ii daatte dayeb, laa nug ebqekkunu elele iitta.

Eklisiastis 1:15 Referans Kwoze

Aisaia 40:4

Ag ib uɗem elele ukkak daakkunu, ag oolnu noak elele mettan, qauko nakok buun, elele mettan, ib qe ta qe nak am ele tutukku elelenab mettan, ib bai biappa gotte am heppeg, uɗem dayaɗ!

Eklisiastis 3:14

Da doottem, keeke oh Kayak heum am hanhan daakku, iitta ii mema. Danab laa nug Kayaknu hakppa keeke laa buuidkkunu elele iitta; laa nug nuhig hakppanu keeke laa hiɗa aokkunu ele elele iitta. Kayak Nug ig nuhignu ebehinig oh bodoetta le mekkunu anam babaittom.

Matyu 6:27

Amu ag oolagppa aun nug wanppa dayaknu dabmak qeeqe, haen nuhig baula ele tuɗidtte? Elele iittanab.

Gayak Nai 3:37

Naɗi Nug keeke laa bekkunu ii aum dayeb amu; laa nug ab bekkute?

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.

Job 11:6

Nug doyak dabmak ena ele ippunitteb anidkkutnu ool daatte. Aɗinu? Nug doyak dabmak ena hambuppuak nakok laa iitta ele. Antte! Kayak Nug na eheɗ hemenu bu medatte amu, bu amuam nakokib. Nahip eheɗ hak am naɗinab.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Eklisiastis 7:25

Anam, amge da doyak dabmak ena ele aokkulnu wagai mein daami; Da diig aɗinu wan imuppan keeke oh ippu godeppa, anam ba gotte amu, da amu ele dookkulnu wagai memi. Laa amu, da nau hak kobol am kaaka, da amunu diig dookkulnu hein; da Kayak dab-ii-maama hak kobol ele am kaaka, da amunu diig ele dookkulnu hemi.

Jeremaia 13:23

Kus danab nug nukka nug heeb, nug gaɗa eɗua, laa daakkunu elelete? Doɗ lepad, gaɗa otultul ele, nug nukka nug heeb, otultul amu eɗua, laa daakkute? Amubia ag eheɗ tuɗidib hetteb ele, ag akka ag hena, ag ena hekkulagte?