Eklisiastis 1:13 - Nobonob Baibel

¹³ Amu tatam da dakka, da danab doyak dabmak ena ele ag keeke dooglagnu henana, aɗi kobol oh dim lamidna henan keeke dootteb amu, da kobol amuppa keeke oh wan imuppa heeg bette ele dookkulnu dabmein, amu anam hekkulnunab digmemi. Da amu hein, da Kayak Nug uug okkainab ig danab ah mekkom anidmi.

Eklisiastis 1:13 Referans Kwoze

Eklisiastis 3:10

Uɗat laala Kayak danab ah mattom amu, da anidmi.

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Eklisiastis 1:17

Da amunu da oolppa awoya, da dakka, da doyak dabmak ena elenu diig dokkulnu, da Kayak dab-ii-maama hak okkai, da kobol amunu diig ele dookkulnu dabmein, da digmein amu hekkulnu hemi. Da anam hemi, amge amu ele am danab nug ulah aɗakkunu ulah dim lamidtte bia daatte anidmi.

1 Timoti 4:15

Keeke amu oh amu na dabmenan, uɗat he! Danab oh ag na uɗat nahip hekkutnu dabmak aome ele, na dabmak amu dabmena uɗat amu hena, tuɗidna, dabmak laa ele aon hettem anidkkulagnu amu, na hik nitteb he!

Eklisiastis 12:12

Amu ippunittak danab nug inam atte. “Anam amunu, o da bekkal, na nau aomnanu dabmettak nai dahil imu doon autna awe! Na nai laala, danab doyak dabmak ena iitta ele oɗelagppa uɗitte amu, na nai amu aib dabmeme! Danab ag buk huanaknab yaatteb, amu buk amu ge iitta ebqak am beɗu he, bahi yaatte.

Eklisiastis 7:25

Anam, amge da doyak dabmak ena ele aokkulnu wagai mein daami; Da diig aɗinu wan imuppan keeke oh ippu godeppa, anam ba gotte amu, da amu ele dookkulnu wagai memi. Laa amu, da nau hak kobol am kaaka, da amunu diig dookkulnu hein; da Kayak dab-ii-maama hak kobol ele am kaaka, da amunu diig ele dookkulnu hemi.

Eklisiastis 8:9

Amu da keeke oh aam waappa daatte dabmeinne, da imu anidmi. Haen laala danab okkai nug ⌊hipunin haaha,⌋ laa nug waappa daatteb, ahilagppa eheɗ hattette, uug okkai nuhigppa bette.

Eklisiastis 4:4

Da amu oh dabmein, da inam ele anidmi. Danab ag uɗat okkai, enanag ele hettebnu diig am, ag mudippan laippu dilagnu amelag qe oolag elele ii daatte. Anam, amge amu ele am gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia.

Eklisiastis 2:26

Amunu diig am, Kayak Nug doyak dabmak ena ele, doyak ena, amu oo gamag ahak ele danab ag Nug waappa daanna, dim lamidtteb ele, ag madatte, amge Nug he, hipunin danab ag en ahilag danab ena amu mattaglagnu uɗat ge iitta henana, keeke aon qagmekkulagnu hetteb. Amu oh gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia aakku daatte.

Eklisiastis 2:23

Aɗinu? Danab amu hekkulagnu ag wanppa bau daan, uɗat henana, guittak doonna, oolag uug ele doon, tuqan ele ag dabmak aonnaib daatteb. Kobol amu ele am gaɗappa, unuqagppa ele anttak laippu iitta.

Prowerb 23:26

O bekkal, na oot da meɗe! Na dahil oiyak anidna, amuib dim lamitte!

Prowerb 18:15

Danab nug oo maittak awaknu ehah awom daatte, nug doyak ena aotte. Ge, danab ag doyak dabmak ena ele, ag doyak ena aoglagnu neegtteb.

Prowerb 18:1

Danab nug laa oh ele nug mehqak hette, nug nukka nug oo hette amuib aokkun wagai mette; nug epeɗia ha dabmak ena awak oh dimedatta, tappe nette.

Prowerb 4:7

Doyak dabmak ena ele am anuqak daatte; amunu na doyak dabmak ena ele awe! Ge, na diignu doyak tutukku aokkutnu na nahip keeke ohnab ekkutnu dayeb amu, na anam he! Aib uume!

Sam 111:2

Yawe Nug keeke okkainab hette. Danab ah ag nuhig uɗatnu enanagnab dootteb ele, ag nuhig haknu tutukku dabmenan oitteb.

Job 28:3

Danab ag wan buun, keeke amu aotteb ele, ag wan buueg ukke ukke, wan ooppanab gona, gatatunab daatteppa nona, neegppeg ukkeb, uɗat hekkulagnu ag lam aon nona, aben amu amahlak medatteb. Ao, danab amu ag keeke amu anidna aoglagnu, ag wan ooppa, umanab nona gona hetteb. Ge, ag aben amahlak ii daye, gatatunab daatteppa nona hetteb.

Eklisiastis 3:11

Nug he, keeke haenppanab ag betteb, amu keeke amuam anttaknu enanag aakkuib. Nug ele danab ah oolagppa ag hanhannu keeke dooglagnu dabmak mattom daatte, amge ag Kayak Nug digmakppa aɗi heum, batakppa aɗi hekku amu, ag keeke amu oh dooglagnu elele iitta.

Eklisiastis 4:8

Amuam danab nug tiig laippu laa iitta. Ao, nug nid iitta, awag, amag laa ele iitta. Anam amu, nug am uɗatib hette, nug hamu ii daatte; Nug anam daya haaha, en okkai aotte, amge nug ena ii dootte. Iitta. Nug baubau aokkunu hette. Nug nukka, nug oɗ inam ii medatte. “Da aun nug en imu aokkunu uɗat hettem? Ao, da aunnu uɗatib heinne, gamag ahak nakok aolom, amge da ii aottem?” Nug amu oɗ ii medatte. Kobol amu daatte, amge amu ele am gaɗappa, unuqagppa ele anttak laippu iitta; am kobol guittak ele.

Eklisiastis 11:5

Na nid nug anig ooppa daye, nuhig bau dayaknu ouɗi attem ukka, nuhigppa daatte ii doottem; amubia na Kayak, keeke oh he bette ele amu, na nuhig uɗat buttinu amu anidkkutnu elele iitta.

Prowerb 25:2

Danab ag Kayaknu diig, nuhig hak oh ele dooglagnu elele iitta, amuppa danab ah ag Nug binag amahlak oppiaawak ele dootteb; king ag am danabib, ag keeke lokkumak daatte heeg, miag atitte amu, amuppa danab ah ag nug binag amahlak oppiaawak ele dootteb.