Eklisiastis 1:11 - Nobonob Baibel

¹¹ Danab anukkanab daadppig amu, laa nug ag ahilagnu dab-ii-mette. Laa ii doppig, butti aɗi dokkulag, laa ag dimulagppa dokkulag amu, amu ag ele ag ahilagnu daulag atikku.

Eklisiastis 1:11 Referans Kwoze

Eklisiastis 2:16

Aɗinu? Danab nug doyak dabmak ena ele, nug danab Kayak dab-ii-maama ii dim lamitta mauhtte bia mauhkku. Ao, aa oh mauhpeɗ, danab laa ag ahilahnu daulag atikku. Ag danab doyak dabmak ena elenu anam henana, ag danab Kayak dab-ii-maama ii dim lamidtte elenu anamib hekkulag. Ag aa oh ahilahnu daulag atikku.

Sam 9:6

Na ihinig kekeɗ hattai nauhna iitta meppig. Ao, na hee, ahilkad aab okkai am loppaɗa nakib daatteb. Ge, danab ah ag geha danab ah amu, ag ahilagnu dab-iinab-memana.

Eklisiastis 9:5

Aɗinu? Danab ag bau daatteb ele, ag mauhkkulag am dootteb; amge danab mauhppig amu, ag keeke laa ii dootteb. Wanppan danab ah ag ahilagnu daulag atiom amunu, ag ⌊wanppa⌋ nob ena baula aoglagnu elele iitta.

Aisaia 42:9

Antteg! Keeke da anukka bekkulagnu ami amu, ag aakku beppig. Gemu da keeke bau laanu appi dooglag. Keeke bekkulagnu ii digmeppig ele amu, da ai, ag bekkulagnu daatteb,” awa aum.

Eklisiastis 1:10

Amu danab nug keeke laanu, “Antte! Laa nug keeke imu deɗ laa ii anttom; am keeke bau!” akkunu elelete? Iitta! Keeke nug anttom amu, keeke amu anukka dayom. Ao, keeke amuam anukka ippa dayom.

Eklisiastis 8:10

Ele amu, da nau hak danab, ag aab okkai ag hipunin heppigppa daan, ag Kayaknu mettid lag, lag amuam Kayaknu tituanak daatte, ag amuppa gonana, eɗun uɗiegeg, danab ah binag meppig amu, da ag mauheg boumadppig anadmi. Amu ele am gaɗappa, unuqagppa ele anttak laippu iitta.