Duteronomi 9:3 - Nobonob Baibel

³ Amge ag imu tutukku doyeg! Yawe, ahilag Kayak, Nugib geha ag noolag awa, Jodan le mataɗa ukka, aab aɗu gakkaɗak naunab keeke he nauhtte, amubia Nug heeb, danab amu ag padal mekkulag. Nug geha heeb, danab amu ag, ag Israel noolagppa ahilag ɠagattag bodoetteb daaglag. Amunu Yawe Nug hekkununab nai anan qakkom bia, Nug heeb, ag Israel ag wana laippun kekeɗ lamadppeg, ag padal mekkulag.

Duteronomi 9:3 Referans Kwoze

Duteronomi 4:24

Ag amu hekkulagnu diig am, Yawe, ahilag Kayak, Nug am aab dittiak naɗi, keeke oh ewatte iitta metteb, Nug amubia daatte. Nug nuhikkud dilagnu dahil doya laa aomanu doyak aɗa daatte, ⌊Nug danab ah ag dup nona, kayak laa binalag mekkulag ele hatteb nauhkkulag.⌋

Hibru 12:29

Aɗinu? Ihinig Kayak Nug am aab dittiak naɗi, keeke oh ewatte iitta metteb, Nug amubia daatte.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Duteronomi 20:4

Ag ii baɗamnanu diig am, Yawe, ahilag Kayak, Nug ag ele daatteb! Nug ag kekeɗ aqaglagnu ag ehanatta, ban heeb, ag kekeɗ eɗadkkulag!” awa akku.

Josua 3:11

ag neegna antteg! Mana mettak danab ag Naɗi, wan atu oh gumadtte, ag nuhig Tituanak Nainu Kunup kontrak inak ele, ag amu maon anuqppeg, Jodan nokkulag. Haen mana mettak danab ag Yawe, Nug am Naɗi wan atu oh gumadtte, ag nuhig Tituanak Nainu Kunup maotteb ele, haen ag baelag Jodan le ooppa tabakku amu, Yawe Nug heeb, le noa gotte ele amu ii noma. Le ii goma, amge le nug titiɗa, qauko bia bekku. Anam bekku amunu, ag gemu amu, ag Israel dilagppanu danab 12, laib laib Israel dilag huu okkai anen anen dilagppanu tituanadppeg, ⌊ag am bapaidna, Yawe Nug ag aɗi hekkulagnu ab, ag hekkulag⌋,” awa aum.

Maika 2:13

Amu laa nug he, aabnu aɗppa ib matulak daatte amu, nug heeb, giɗo dayeb, Nug noa anuqa ukkebeb, dahilad danab ah ag heppeg, giɗo okkainab, aɗnu od bia, aɗppa dayebeb, ag oh dimittim uɗiglag. Ahilag king nug ag noolagppa anuqa gokku. Ao, da Yawe, da ag noolag awe gokkul,” Yawe Nug anam awa atte.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Duteronomi 1:30

Yawe, ahilag Kayak, Nug ag noolagppa anuqa gotte, Nug ahilagnu Isip appa ban heehe, ag anidppig bia hekku.

Josua 3:14

Haen Israel ag goppig amu, amuam ee meu awak haen dayom. Maɗ ohppa amu, haen amuppa le ui otte amunu, le ui oum. Haen danab ah aben uun, Jodan mataɗkkulagnu heeg, aria mana mettak danab ag Tituanak Nainu Kunup kontrak inak ele, ag amu maona anuqppig. Anuqna gona, haen mana mettak danab ag leppa tappaeg amu, Yawe Nug he, le ag daappigppanu attan, appa amu, le amu nakok laa doa, noa gokkunu ii ha dayaya, uma tak aab onig Adam guguittak, appa le amu qagmaama, titiɗa qauko bia dayom. Adam am aab laa onig Saretan daugppa daatte. Jodan le baeg amu, nug noa ukka, Mauhak Leppa notte, amu oh otaɗa awom amunu, danab ah ag mataɗna, Jeriko gukkuidna wappig.

Epesus 5:17

Gemu am haen nau amunu ag dabmak tutukku iitta aib aqom. Naɗi Nug oo attemun niitte amu dabmenana, anamib oiyeg!

Mak 7:14

Aria, Jesus Nug baula danab ah kuɗum appa daappig gumidna gokkulagnu e, ag ukkaeg, Nug ag amelagppa aum. “Ag nai dahil daulagppa doon, nai diig tutukku doyeg!

Matyu 15:10

Jesus anam ana amu, Nug danab ah kuɗum appa daappig gumidna gokkulagnu e, ag ukkaeg Nug ag amelagppa aum. “Ag imu daulagppa doon, nai diig tutukku doyeg!

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Aisaia 30:33

Amu bekkunu diig am, danab mauhe, ag gaɗa aab aɗuppa heeg ewa iitta mette, amubia Yawe Nug anukkanab he, Asiria dilag king, ⌊Asiria ele⌋ iitta mena autnanab aoglagnu babaittom daatte. Ao, Yawe Nug matu ⌊Asiria,⌋ ahilag king ele aab ewakppa iitta mekkulagnu babaittom daatte. Amuam laa ag danab gaɗa maiglagnu aben okkai, uma noa ukkak bapaidna, aab huanak akkaeg te, aben akka eɗitta te, gaɗa amu qaɗeppa meeg dayeye, kalu laa huana eotte onig salpa le nag gotte bia uɗia aab amote, aab gakkaɗaknab ewawa, gaɗa ewe iitta mette, amubia Yawe Nug heeb, Asiria dilag king, ⌊Asiria ele ag⌋ iitta mekkulag.

Aisaia 30:30

Yawe Nug heeb, danab ag Nug baag enanag ɠagattag ele dooglag. Nug heeb, ag Nug, ɠagattag okkai okkai ele neebeb anidkkulag. Nug oo nauhak huanaknab, aab aɗu keeke oh ewewe iitta mette ele, Nug amu oh ele nekku. Nug gu huanak neebeb, amemɗi awak, hakkaɗ baag huanak, ais doɗo hab waappanu nak ele nekku.

Aisaia 30:27

Yawe Nug umanunab uɗitte. Nug oo nauhak huanak aab ewewe, aab kah tette, amubia dootte. Yawe Nug nai uug naunab, oppoɗi bak ele maditte. Ao, Nug lemaɗu am aab aɗu, keeke oh ewadtte, amubia daatte.

Aisaia 27:4

⌊Amu Kayak Nug anam mattiowa, Nug inam ele akku.⌋ “Da oo nauhak laa ii doottem. O gadon, uud keeke qaun ele ag grep dad dahilppa appa daaloblob, da ag banelag ukken heppi, aab aɗu am ag oh ewatta maladlo.

Duteronomi 9:6

⌊Da baula attem.⌋ Ag imu doyeg! Yawe, ahilag Kayak, Nug ag wan ena imu, ag am genab tutukku aɗi danab anamnu ii madatte. Iitta. Ag am genab tutukku hak danab ah iitta. Ag am oɗe dim lamidmananu dabmak ɠagattag eppak danab ah.

Duteronomi 7:16

Yawe, ahilag Kayak, Nug danab ah huu laalappanu diia, ag eppelagppa mekku amu, ag hadappeg nauheg! Ag aib ahilagnu oolag gai-iitta doon, oolag mattan, ehanadppeg, ag oolagppa daappig. Ag ahilkad kayak ele noolagppa dup nona binalag aib meppig. Aɗinu? Ag amu hekkulag dayeb amu, ag doɗ pelemppa teum daatte bia daaglag.

Ikki Danab 4:14

Aakku Deborah nug Barak amegppa aum. “Ahan babaitte! Aɗinu? Gemu amu, Yawe Nug heeb, na Sisera eɗidkkut. Yawe Nug na noom awa iite gotte!” awa aum. Nug anam aum amunu, Barak nug ban danab nuhig 10,000 omalatte, ag Tabor qaukoppanu nona, ban heppig.

Eksodas 23:23

Aɗinu? Amu engel dahil nug geha ag noolagppa anuqa ugakka, ag omalatteb gona, ag Amo, Hit, Peres, Kanan, Hiwi, amu Jebus aɗi dilag wanppa teppeg, da geha heppi, danab amu ag oh iitta mekkulag.

Duteronomi 7:22

Yawe, ahilag Kayak, Nug geha heeb, ag Israel, ag wan anen anennu dilag danab ah hubhub lamadkkulag. Ag haen laippuppaib heppeg, ii iitta memana. Ag anam hekkulag dayeb amu, geha doɗ dakkuɗ ag laippun appatna, kuɗum bekkulag.

Duteronomi 20:1

Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

Josua 11:8

Yawe Nug Israel ehanatta, kekeɗ ban daup amu diia, ag eppelagppa meum. Israel ag kekeɗ lamadna gona, Saidon Anuqak, appa, amu Misrepot Maim appa wana, ag lamadna gona ele, Mispa, ban digmeppigppanu kaɗag uɗitteppanu daatte amu, ag appanu oolnu noakppa wappig. Ag tuɗidna lamadnana aqaegeg ukke, laippu laa bau ii dayom.

Josua 11:12

Josua nug king amu oh, ahilkad aab okkai ele eɗatta, nug qep elabppa aqom. Nug Yawenu maɗi nid Moses hekkununab aum bia, Josua nug he, king amu oh, ahilkad aab okkai ele, ag Yawenuib nuhig pelemppa daappig.

Josua 14:12

Amunu, na da wan maha qauko qauko ele umu, Yawe Nug dahil daakkununab deɗ amuppa nai ana qakkom amu, na amu meɗakutnu oɗ medattem. Aɗinu? I lokkumakppa atu italak danab daaɗ oiyuɗuɗ, i lainti laa ag Anak danab ag aab okkai, ag am aab ɠagattag aɗ ele amuppa daaegeg, ag amunu mattiegeg, na doome, amge Yawe Nug da ele daagnih, amu Nug heeb, da geha Nug aumbia, da wan amuppan danab lamatten eɗadkkul,” awa aum.