Duteronomi 9:29 - Nobonob Baibel

²⁹ Amge danab ah amu, Israel danab ah amu, ag am nahipadnab daatteb. Na ag ehanatte, ag Isip uppa maɗi nid maɗi ah ele ii daatteb. Na nahip ɠagattag huanak, na ebehinppa na diin uɗieye, ag Isip uuppig.” Da anam unuqidmi.

Duteronomi 9:29 Referans Kwoze

Nehemaia 1:10

O Yawe, Israel danab ah ag am nahipad maɗi nid maɗi ah ele. Na eppen bahin, na nahip ɠagattag okkaippa na ag laa eppelkadppan qagaiettakppanu eɗua uhuqak daakkunu heme.

1 King 8:51

Aɗinu? Ig Israel, ig am danab ah nahipadnab. Isipnu amu, na ig aigna omaigna, ippa uɗime. Wan amuppa amu, ig eheɗ daamut, uɗat nau hemut.

Duteronomi 9:26

Da Yawe unuqitte ami. “O Naɗi Yawe, na danab ah nahip imu heppe, padal memananu oɗ medattem. Ag am nahipadnab daatteb. Israel danab ah amu, ag Isip appa begbeg maɗi nid daaegeg, na ag amunu qagaiettakppanu eɗua uhuqak nahip ɠagattag okkaippa heme. Ao, na ebehinppa ehanadna, na Isipnu diin uɗime.

Duteronomi 4:34

Am kayak atten laa nug danab ah ameg laa, wanppan wan okkai laappan diia he, nuhig danabnab bena, ag wanppan wan laappa daaglagnu daappigte? Iitta! Amge Yawe, ahilag Kayak, Nug ahilagnu Isip appa anam heum. Nug nuhig ɠagattag okkaippa ag ehanatta, ahilagnu heewo, ag amelagppanab anidppig. Nug oɗe nau Isip dilagppa he be anidppig. Nug Isip ele ban heppig. Nug nuhignu dabmettaknu kobol danab haknu elele iitta he, Isip danab ah ag eheɗ nau baɗappig.

Duteronomi 4:20

Ahilagnu amu, Yawe Nug ag ehanatte, ag Isip wanppa ii daatteb! Isip amu aab dittiak naɗi bia he, ag guittak okkainab ele doonna daaeg, Yawe Nug ag Isipnu diia, omalatte uɗippig. Ag nuhig danab ah daaglagnu, Yawe Nug ehanatta diie, ag gemu nuhignab aakku daatteb.

Aisaia 63:19

Ig danab ah na deɗ laa ig ii gumigme bia bemut daattem. Ao, ig danab ah ag na onin waappa deɗ laa ii daappig, ig amubia daattem.

Sam 100:3

Ag imu doyeg! Yawe Nug am Kayak! Nug ig heikkom. Ig nuhikkud daattem. Ao, ig am nuhikkud danab ah daattem. Ig am nuhikkud sipsip bia daautut, Nug ig atognoikkakka dabmegatte.

1 King 8:15

Nug itittak ena mattowa, nug inam aum. “Ig Yawe, Nug ig Israel, ihinig Kayak, ig Nug binag metu! Nug da mamel Dawit amegppa Nug oɗeppanab nai ana qakkom amu, nug nai amu tutukku dim lamitta he, meu oum.

Eksodas 33:13

amunu, na dahilnu ena doottem dayeb, aria, na nahip dabmakppa aɗi daatte am appe, da doye, geha da nahipnu tutukkunab dooppi, na heppe, da haen oh kobol na oot daatte aakkuib, da hekkulnu oɗ medattem. Am laa amu, danab ah imu amu, ag am nahipad danab ah, na amu ele dabmekkutnu oɗ medattem,” awa aum.

Eksodas 34:9

Moses anam ha, nug aum. “O Naɗi, genab danab ah imu ag am oɗe dim lamidmananu dabmak ɠagattag eppak danab ah amunu, na dahilnu ena doottem dayeb, na Naɗi, na ig ele gokkunignu oɗ medattem. Na geha ihinig nau hak, ihinig hipunin ele oh uhuqna mekkan, na ig am danab ah nahipadnab tutukku anam awigkkutnu oɗ medattem,” awa aum.

Sam 28:9

O Yawe, da na nahipadnab danab ah ehanadppe, ag ii padal memananu, na Israel danab ah, na tituanatte, ag nahipadnab daatteb amu, na ag ele itadkkutnu oɗ medattem! Ao, na sipsip gumak danab laa nug hanhan sipsip dabmadatta, eppegppa aɗualatta ehanatta oitte bia nahipad danab ah dilagppa anam hekkutnu unuqidttem.

Sam 77:15

Na ɠagattag okkainab ele, amu ɠagattag amuppa na nahipad danab ah qagaiettakppanu eɗua uhuqak dayaknu heme. Nahipad danab ah amu, ag am Jakop, amu Josep ele buɗulti. Sila.

Sam 106:40

Ag anam heppig, diig amunu Yawe Nug danab ah nuhikkudnu oo huana nauhom. Ag nuhikkudnab, amge ag hipunin anam aakku heeg, Nug ahilagnu ooppa uuaknab doyom.

Sam 136:12

⌊Ig Yawe,⌋ Nug nuhig ɠagattag okkai amuppa anam heum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Jeremaia 27:5

Da Yawe, da ɠagattag okkai ele, amu da ɠagattag amuppa da wan imu, danab ah wanppa daatteb, doɗ wanppa daatteb ele oh hattami. Da amu oh hattami amunu, da aun nug keeke amunu okkai daakkunu ool hette amu, da keeke amu oh nug eppegppa mettem.

Eksodas 6:6

Anam amunu, na da oɗel imu aon, Israel amelagppa inam appe doyeg! ‘Da am Yawe. Da geha heppi, ag Isip dilag begbeg maɗi nid maɗi ah ele baula ii daamna. Ao, ag Isip waalagppa baula ii daamna. Da dahil ɠagattag naɗippa, dahil bu mettak okkai eleppa ag Isip dilag begbeg maɗi nidnu qagaiettakppanu eɗua uhuqak hein madakkul.

Eksodas 19:5

amunu, gemu ag dahil nug tituana nai qakkak ɠagattag aɗan, dahil nai tutukku dim lamidkkulag dayeb amu, ag geha dahiladnab danab ah daaglag. Aɗinu? Wan ohppan danab ah ag ele am dahilad daatteb, ⌊amunu da aun otikkul hein amu, da otikkul⌋.

Duteronomi 9:12

Yawe Nug meɗowa, Nug da amelppa aum. “Na pahanab no! Aɗinu? Danab ah na Isipnu omaladna uɗime ele, ag aakku kobol diig ena iitta uɗig wak ele digmen heppig. Ag paha nai haknunab anak da ag mattami ele tappaeg neum. Ag aakku golppa keeke dottog hena, ⌊amu noobppa dup nona binag metteb,⌋” awa aum.

Duteronomi 32:9

Aɗinu? Israel danab ah, ag am Yawenu. Yo, Jakop buɗub, ag am nuhikkudnab daaglagnu epeɗiattom.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.