Duteronomi 9:19 - Nobonob Baibel

¹⁹ Yawe Nug ag heppig, Nug amunu oo huana nauhe, oppoɗi ele okkai be, da baɗak eheɗ nau ele doomi. Nug oo huana nauhe, heeb ag padal mekkulagnu babaitta dayom. Amge baula Nug dahil nai doyom.

Duteronomi 9:19 Referans Kwoze

Duteronomi 10:10

⌊Amu matu anak, amubia,⌋ da qaukoppa Yawe noobppa deɗ 40, tuqan 40 ele, haen tatam daami bia daami. Yawe Nug dahil unuqittaknu oo elele doya, Nug heeb, ag padal mekkulagnu uua, Nug he, ag ii padal meppig.

Sam 99:6

Moses, Aron ele aa mana mettak danab nuhikkud oolagppa daapiɗ. Samuel nug laa ag Nug onig diiom ele amu, nug ag oolagppa dayom. Ag Yawe ehanadkkunu gaaeg, Nug ag oɗelagppa awom.

Eksodas 33:17

Moses nug anam a, aria Yawe Nug Moses amegppa aum. “Da nahipnu ena doottem, da na dooitte aute aottem amunu, da am geha, na ame bianab, da anam hekkul,” awa aum.

Eksodas 32:14

Moses nug anam unuqitte, Yawe Nug nuhig dabmak eɗue, Nug he, nuhikkud danab ah dilagppa eheɗ nau bekkunu aum amu, am ii beum.

Sam 106:23

Ag Kayak, nuhig hak amu ele daulag atiom amunu, Nug ag hatteb nauhkkulagnu aum. Nug anam aum, amge Yawenu oppoɗi bak aha heeb, danab ag nauhmananu, Moses, Yawe tituanom amu, nug Yawe, danab ah ele gamalagppa hibaitta dayom. Nug anam dayeye, Yawe Nug ag ii hatte nauhppig.

Duteronomi 9:8

Horep qaukoppa ag heeg, Yawe oppoɗi beum. Haen amuppa Nug heeb, ag nauhkkulagnu oo nauhak nuhig elele dayom.

Hibru 12:21

Yo, Israel danab ag keeke amu anidna, oolag huana baɗom. Amu Moses nug ele aum. “Da baɗen hahaɗttem,” awa aum. Israel ag keeke amu oh gumidna wappig.

Eksodas 34:10

Moses nug anam a, aria Yawe Nug Moses amegppa aum. “Gemu amu, da heppi, da ag Israel ele ig gemu nug tituanta nai qakkagnig hettem. Nahipad danab ah noolagppa da geha uɗat ɠagattagnab, da anukka danab ah huu laa ohppa ii hemi ele amu, da ag noolagppa amu hekkul. Da amu hekkul amunu, danab ah laa, ag ag Israel, ag oolagppa daaglag ele amu, danab ah amu ag geha da, Yawe, ag da ag Israel, da ag ehanadkkulnu keeke okkai okkai digdig, danab amu antta, ebehi oh bodoetta le mette, da uɗat amu hekkul amu, ag geha amu anidkkulag.

Duteronomi 9:20

Yawe Nug Aronnu oo huana nauhe, Nug heeb nauhkkunu heum, amge da Aronnu unuqitti, Yawe Nug nuhignu oo bodoettom.

Duteronomi 11:17

⌊Ag amu hekkulag dayeb amu,⌋ Yawe Nug ahilagnu oo nauhak okkainab dookku. Nug heeb, gu ii nema. Ag ee meu laa iinab aomna. Anam heeb, ag laippun wan amuppa, Yawe Nug ag madatte amu, ag amuppa mauhkkulag.

Sam 78:59

Kayak Nug ag amu heegeg anatta, Nug oo huana nauhe, Nug Israel dimatta, auta awom.

Namba 11:2

Anam be amu, haen danab ah ag Moses ehanadkkunu gaappig amu, Moses nug Yawe unuqitte, aab amu qauhom.

Sam 106:19

Israel danab ah ag Horep qaukoppa makau gaiɗ dottog heppig. Ag golppa dottog heppig amu, nuhignu dup nona binag meppig.