Duteronomi 9:15 - Nobonob Baibel

¹⁵ Yawe Nug da amelppa anam aum amunu, da eppelppa men maha aɗit nug tituana nai qakkak amuppa yaak dayom amu aɗalate, da eɗuen, qauko aab ewomppanu nemi.

Duteronomi 9:15 Referans Kwoze

Eksodas 19:18

Amu Yawe Nug aab ewak ooppa na, Sinai qaukoppa dayom amunu, aab kahug naɗi qauko amu oh tonom. Aab kahug attan teum, amuam aab okkainab ewa kahug tette, amubia teum. Kahug anam teete, qauko nug eheɗ hahaɗeɗe,

Duteronomi 5:23

Amge aab dittiak qauko amahalitte dayeye, gatatunab ele dayeye, gatatu amuppa, ag baag doona, haen amuppa ag ahilkad ikki danab, Israel dilag huu okkai anen anennu, ag da gumiɗna uɗippig.

Duteronomi 4:11

Aab dittiak naɗi qaukoppa dayeye, ag dona, qauko gukkuidna wana, diigppa hippaidna daappig. Aab dittiak nug attannab, habppa teum, amge lombig hinqak, gatatunab ele qaukoppa dayom.

Hibru 12:18

Israel ag anukka Sinai qaukoppa wappig. Ag qauko amu aɗan dooglagnu elele, appa aab naɗi ewa dittiak ele dayom. Appa gatatu teppu ele dayeye, ulah naɗinab ele dayom, amge ag gemu daatteb, ag qauko amubiappa ii wappig.

Eksodas 9:23

Aakku Moses nug dudqak hokkat nuhig awa aɗa, hab eppone, amu Yawe Nug he, hakkaɗ qe, amemɗi awa, wanppa ne, ais doɗo ele neum. Yawe Nug he, ais doɗo Isip laih ohppa aakku neum.

Duteronomi 9:16

Da qaukoppanu nein, honap appa haen da neegmi amu, da golppa makau gaiɗ dottog heppig am anidmi. Ag hipunin nau Yawe, ahilag Kayak, ag nuhigppa heppig anidmi. Ag pahanab, ib, Yawe Nug ag dim lamidkkulagnu haknunab aum amu dimedappig!