Duteronomi 9:12 - Nobonob Baibel

¹² Yawe Nug meɗowa, Nug da amelppa aum. “Na pahanab no! Aɗinu? Danab ah na Isipnu omaladna uɗime ele, ag aakku kobol diig ena iitta uɗig wak ele digmen heppig. Ag paha nai haknunab anak da ag mattami ele tappaeg neum. Ag aakku golppa keeke dottog hena, ⌊amu noobppa dup nona binag metteb,⌋” awa aum.

Duteronomi 9:12 Referans Kwoze

Ikki Danab 2:17

Yawe anam heum, me Israel ag daulag human, ahilkad epeɗiak danab dilag nai ii dooppig. Iitta. Ag kayak laala noolagppa dup nona binalag meppig. Ag pahanab ag mamelkad aɗi dilag ib apiɗidna, laih goppig. Ag mamelkad aɗi amu, ag Yawenu haknunab anak dim lamidttappig, amge ag dimulkadppan, ag anam ii heppig.

Duteronomi 31:29

Aɗinu da anam hekkul. Da doottem, da mauhppi amu, ag kobol diig ena iitta, uɗig uuak ele hena, ib da ag amelagppa hekkulagnunab ami amu apiɗna gokkulag. Ag butti aɗi nau anam hebeppeg, diig amunu Yawe Nug oppoɗi beeb, uug naunab ahilagppa nekku.” Moses nug Israel amelagppa anam aum.

Galesia 1:6

Ag Galesia ag kobol hettebnu amu, da ottaie, dabmak kuɗum aottem. Kayak Nug ag Kristusnu ehanittak okkai hamu mattomppa ag onilagppa eum amu, ag pahanab Nug uuna, ag Jesusnu Nai Ena dimettan, ag nai laa, danab laala ag gona mehuqeg doona, ag nai laa amunu ag, “Nai ena,” aon atteb ele, ag nai amu dim lamidtteb.

Hosea 6:4

⌊Am Yawe Nug atte.⌋ “Ag Israel danab ah, da aɗi heppi, ag kobol ena hekkulag? Ao, ag Juda danab ah, da aɗi heppi, ag kobol ena hekkulag? Oo mauhaknab kobol ahilag dahilnu am buttua buttuɗai paha oppia gotte bia iitta mette. Yo, oo mauhak kobol ahilag dahilnu am buttua baito paha qaɗaiedatte bia iitta mette.

Jut 1:10

Amge danab imu ag keeke ii dootteb ele, ag keeke amunu nai eheɗ atteb. Doɗ dakkuɗ ag dabmak aon, keeke ii hetteb; ag hak hetteb. Amu danab imu ag keeke ii dootteb ele, ag anam bia hetteb. Amu keeke ag anam hetteb ele amu, keeke amuam heeg, ag padal metteb.

Sam 78:57

Ag mamelkad aɗi heppig bia, ag nuhigib ii dabmena oo metta ii uuak kobol ii dim lamidppig, nuhignu ag ele oolagppa genab ii dooppig. Am lat tanig laa pimalaknu elele iitta, lat doɗo ele pehetta ii ema, laa nug lat pimala ekku amu, ewak am ena ii bema; ig alankad ag lat amubia daappig.

Duteronomi 32:5

Amge Israel danab ah ag nuhignu amu, ag Nug dimettan, ii dim lamidna oitteb. Ge, ag anam hena oinna, ag genab nuhig nid daattebte? Iitta! Ag hambuppuak hak danab, ag kobol kaliak amu dim lamidtteb.

Duteronomi 9:16

Da qaukoppanu nein, honap appa haen da neegmi amu, da golppa makau gaiɗ dottog heppig am anidmi. Ag hipunin nau Yawe, ahilag Kayak, ag nuhigppa heppig anidmi. Ag pahanab, ib, Yawe Nug ag dim lamidkkulagnu haknunab aum amu dimedappig!

Duteronomi 4:16

Amunu diig am, ag dottog laa hattana, noolagppa dup nona binalag mak kobol hekkulag dayeb amu, ag kobol diig ena iitta uɗig wak ele hekkulag. Ag noolagppa dup nona binalag mekkulagnu amu, ag dottog laa aib heppig. Amuam danab beɗu biatai, o ah beɗu biatai,

Eksodas 32:1

Moses nug haen elab qaukoppa dayom, nug paha ii neum amunu, danab ah ag qagmena, Aron gumidna gona, nug amegppa appig. “Ig danab amu, Moses, danab amu nug ig Isipnu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!” aon appig.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Duteronomi 5:15

Ag anukka Isip appa begbeg maɗi nid daaegeg, da Yawe, ahilag Kayak, da ag Isipnu diie, omalatti uɗippig, amu ag daulagppa dayaɗ! Da ag Isipnu diie uɗikkul hein, da dahil ɠagattag okkaippa, keeke okkai kuɗumnab hemi, diig amunu da Yawe, ahilag Kayak, da ag Sabat deɗ dabmettan autnanab aoglagnunab ami.

Duteronomi 9:26

Da Yawe unuqitte ami. “O Naɗi Yawe, na danab ah nahip imu heppe, padal memananu oɗ medattem. Ag am nahipadnab daatteb. Israel danab ah amu, ag Isip appa begbeg maɗi nid daaegeg, na ag amunu qagaiettakppanu eɗua uhuqak nahip ɠagattag okkaippa heme. Ao, na ebehinppa ehanadna, na Isipnu diin uɗime.

Duteronomi 9:29

Amge danab ah amu, Israel danab ah amu, ag am nahipadnab daatteb. Na ag ehanatte, ag Isip uppa maɗi nid maɗi ah ele ii daatteb. Na nahip ɠagattag huanak, na ebehinppa na diin uɗieye, ag Isip uuppig.” Da anam unuqidmi.