Duteronomi 8:9 - Nobonob Baibel

⁹ Wan amuppa ee huanaknab daatteb, tutu maknu laa iitta. Wan amuppa aen ele menppa daatte, kapa ele qauko nakokppa daatte.

Duteronomi 8:9 Referans Kwoze

1 Stori 22:14

Da wagai mein, na Yawenu mettid lag hekkutnu keeke qagmein bappaidmi daatte. Da gol 3,450,000 kilogram, silwa 34,500,000 kilogram ele qagmemi. Aen, bras ele da qagmemi amu, danab nug skelppa uug dookkunu mekkunu elele iitta. Aɗinu? Am huanaknab. Amu da ad, men ele qagmemi. Da amu oh qagmemi, amge na amu tuɗidna, laa ele qagmekkutnu elele.

Josua 22:8

nug imu ele aum. “Ag ahilkad kekeɗ eppelagppan enulag ippanu huanaknab aoppig; amuam makau, sipsip keeke huanak, silwa, gol, brans, aen, lamen ele amu, amu ag keeke amu oh aon, ag appalagppa gona, ag amu oh otin, laih ag lailkad laa ele matteg!” awa aum.

Duteronomi 33:25

Dahil oo hakppa ag enanag, danab nug aabnu aɗ od ɠagattag qak daye, enanag daatte, ag amubia daaglag. Ao, ag ahilag dayak oh ag ena, ɠagattag ele anambia daaglagnu ool daatte,” awa aum.

Job 28:2

Ag aen ele wanppanu buutteb; ag bras ele aab aɗuppa brasib daakkunu bappaidtteb.

Duteronomi 8:8

Wan amuppa wit, bali, grep muɗi, ad fig, pomigranet, olip ad, amu uppuh leppu kuɗum ele daatteb.

Duteronomi 8:10

Ag wana, wan amu aon, ee elele lappeg, oolag aɗakku amu, ag Yawe, ahilag Kayak, Nug ag wan ena mattomnu binag meig!

Ikki Danab 18:10

Haen ag appa wana amu, ag danab appa daatteb ele ag uug laa ahilagppa bekkunu ii dabmetteb anadkkulag. Kayak Nug ig wan okkai ittag ele mekkom. Keeke laanu tutu iinab memata!” aon appig.

1 Stori 22:3

Nug anam ha, nug aen kuɗum ag tutui, od manak qakkaglagnu keeke, odnu keeke laala ele hekkulagnu ma, nug bras huanaknab ele meum. Laa nug bras amunu uug skelppa dookkunu elele iitta. Huanaknab.