Duteronomi 7:26 - Nobonob Baibel

²⁶ Ag aib kayak hambuppuak dottog laa, o amunu keeke laa aon, ag laulagppa noppig. Yawe Nug keeke amunu ooppa uuaknab dootte. Keeke amuam Yawenuib nuhig pelemppa daatteb amunu, ag laulkadppa akkan nokkulag dayeb amu, ag ele am geha Yawenuib nuhig pelemppa daaglag. Keeke amuam Yawenuib nuhig pelemppa daatteb amunu, ag keeke amu aɗaglagnu oolagppa uuaknab doyeg!

Duteronomi 7:26 Referans Kwoze

Duteronomi 13:17

Amu Yawe Nug tuɗitta, ag Israel laa, Nug ahilagnu oo nauhak huanak ii doomanu, Nug ahilagnu oo gai-iitta doya, oo metta, ehanatta heeb, ag danab ah kuɗum, Nug ag mamelkad aɗi amelagppa anam hekkunu nuhig nai ɠagattag qetta aum bia heeb bekkunu, ag aab nakok amu ooppan keeke laa aibnab ahilagnu aoppig. Keeke amu oh am Yawenuib nuhig pelemppa daatte.

Hosea 14:8

O Israel, ag dottolkad eppelagppa hak, ag amu dilagnu awaidna dayeg! Da aakkuib, ag dabmadette atognoadttem. Da am ad pain ena laa bia, ⌊ag da waalppa ena daaglagnu elele⌋. Ahilag meu wak am dahilppanu ahilagppa uɗitte.” Yawe Nug anam atte.

Esekiel 11:18

Israel ag eɗun uɗin daanna, ag kayak hambuppuak dottolkad, dottolkad amuam uɗig wak ele, da dottolkad amunu oolppa uuaknab doottem amu, ag dottolkad amu oh heppeg, ii daamna.

Aisaia 30:22

Amu haen amuppa ag ahilkad kayak hambuppuak dottolkad silwappa hak, golppa hak ele, ag dottolkad amu heppeg nauhppeg, ag dottolkad amunu kinipan nau, beɗak doon, baula anidmananu ag agappeg gokkulag.

Rom 2:22

Ag danab ag ewau pakkua gappai hak kobol ii hemananu atteb amunu, aɗinu ag akka ag ewau pakkua gappai hak kobol hetteb? Amu ag kayak hambuppuaknu dottolkadnu oolkadppa uuaknab dootteb amunu, aɗinu ag akka iitta aɗi dilag kayak hambuppuaknu mettid lakkanu keeke yab aotteb?

Esekiel 14:7

Aɗinu? Israel danab laa, o wan laihnu danab nug uɗia, Israel oolagppa daatte amu, amu laa nug nukka nug dahilnu nug awaitta dimeɗa, nug kayak hambuppuak dim lamadkkunu dabmak nug ooppa meum daatte, nug kayak hambuppuak dottolkad, amuam keeke nau, danab he na qette amu, nug amu noolagppa dup noa binalag mette dayeb, nug amu haaha oiya, nug aha, dahil propet laa keeke laanu oɗ medakkunu gumitta gokku dayeb amu, da, Yawe, da dakka nuhig hipunin dabmeinne, da amunu nob elele medakkul.

Sekaraia 5:4

Yawe Nukka Ɠagattag Oh Ele Nug inam atte. ‘Da heppi, eheɗ awaknu nai amu danab aun nug yabhok hette, nug laugppa ukka dayaya, danab aun nug nai hambuppuak mattia, nai amu da onilppa ɠagattag qedatte ele, nug laugppa ele ukka daakku. Eheɗ awaknu nai amuam, danab amu hetteb ele ag laulkadppa ukka dayeb, lag amuppan danab ah oh nauhppeppeg, laulkad ele nauhna autnanab aoglag. Lag ebehi, ad, men, keeke oh ele nauhakib daakku.’ Yawe Nug anam atte.” Engel nug da amelppa anam aum.

Aisaia 2:20

Haen amuppa danab ah ag geha ahilkad kayak hambuppuak dottolkad golppa, silwappa ele hak, ag amu noolagppa dup nona binalag mekkulagnu eppelagppa heppig, ag dottolkad amu oh geha agappeg, tog, meɗeb ele daattebppa gokkulag.

Duteronomi 13:16

Anam hena, ag danab amu dilag keeke oh akkan, aab gamagppa haɗap okkaippa mena main, ag aab nakok amu oh maippeg, ewa iitta maɗ! Amuam ag manaknu ofa, Yawe, ahilag Kayak, ag Nug medatteb, am amubia daakku. Aria, aab nakok amu nug nauhak anam aakku alet daakku. Ag aab amu aib eɗun bappaidppig.

Duteronomi 13:18

Ag Yawe, ahilag Kayak, ag Nug oɗe doon, ag nuhig haknunab anak da gemu attem am dim lamidnana, ag Nug oo hette, ag kobol tutukku amu dim lamidkkulag dayeb amu, diig amunu Yawe Nug ahilagnu oo gai-iitta doya oo metta ehanatta heeb, ag danab ah kuɗum daaglag.

Aisaia 41:24

Amge ⌊ag elele iitta⌋. Ag keeke ii daatte bia daatteb. Ag keeke laa hekkulagnu elele iittanab. Aun nug ag dim lamadkkunu dabmak awa dim lamadtte amu, Yawe Nug ⌊kobol amunu⌋ ooppa uuaknab dootte,” awa atte.