Duteronomi 7:18 - Nobonob Baibel

¹⁸ Amge ag ahilagnu aib baɗappig! Yawe, ahilag Kayak, Nug Paro, amu Isip wan ohppa ele dilagppa heum amu, hak amu ag daulagppa doaɗ!

Duteronomi 7:18 Referans Kwoze

Sam 105:5

O Abraham buɗub, ag Yawenu maɗi nid daatteb. Ao, O Jakop bekkod, Yawe ag nuhikkud daaglagnu tituanattom. Ag Israel aakku, ag Yawe Nug uɗat ɠagattag danab hekkun elele iitta digdig heum amu, ag amu dabmetteg! Ao, uɗat digdig danab hekkun elele iitta Nug heum; nai doya mala hettoɗia epeɗia elele mettak kobol Nug dim lamittom ele amu, ag dabmetteg!

Duteronomi 31:6

Ag ɠagattag daan, ahilagnu aib ottaippig! Ahilagnu aib eheɗ nau baɗappig! Aɗinu? Yawe, ahilag Kayak, Nug ag noolag awa gokku. Nug ag ii uuadma, ag ii paɗualadma,” awa aum.

Sam 77:11

Da Yawe keeke oh heumnu dabmekkul. Ao, O Yawe, da nahip hak danab laa hekkunu elele iitta anukka na heme amu, da amunu dabmekkul.

Duteronomi 1:29

Amge da ag amelagppa ami. “Ag baɗak eheɗ nau aib dooppig! Ag aib baɗappig!

Sam 78:11

Ag Nug aɗi keeke heum amu, ag amunu daulag atiom. Ao, ag Nug ahilagnu kobol danab hekkunu elele iitta heum amu, ag amunu daulag atiom.

Ikki Danab 6:13

Yawenu engel nug anam aum, amge Gideon nug oɗeppa awa aum. “O Naɗi, gadon, amge Yawe Nug ig ele daattem dayeb amu, aɗinu keeke imu oh ihinigppa inam beum? Amu aɗinu Yawe Nug uɗat okkai, danab haknu elele iitta, ig mamenkad aɗi dilagnu he, ig mamenkad ag ig amenigppa amunu appig amu, aɗinu Nug anam ii hette? Yawe Nug ig Isipnu aikka iite uɗiom? Amge gemu amu, Yawe Nug ig uuikka, Midian eppelagppa meikkom,” awa aum.

Duteronomi 3:6

Am ig Hesbon dilag king Sihon, ig nuhigppa hemut bia ig heut, aab okkai amu oh am Yawenuib nuhig pelemppa daappig. Ig danab ah, nid naunau ele oh heut, anam daappig.

Duteronomi 20:1

Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

Namba 13:9

Israel dilag huu okkai Benyaminnu am, Rapu bekka Palti.

Namba 21:34

Ag ban hekkulagnu uɗieg amu, Yawe Nug Moses amegppa aum. “Genabnab da ag ehanadppi, ag danab amu eɗadkkulag amunu, ag aib ahilagnu baɗappig. Geha da ag ehanadppi, ag nuhig ban daup oh eɗadppeg, da geha ahilag wan ag madakkul. Ag Amo dilag king Sihon, Hesbon dayaya gumak heum ele, ag nuhigppa heppig bia hetteg!” awa aum.

Duteronomi 1:21

Yawe, ahilag Kayak, Nug aakku ag noolagppa meumde, ag antteg! Ag gona, Yawe, ag mamelkad aɗi dilag Kayak, Nug aum bia ahilagnu aweg! Ag aib baɗappig! Ag oolagppa gai-iitta aib dooppig!” ami.

Duteronomi 1:30

Yawe, ahilag Kayak, Nug ag noolagppa anuqa gotte, Nug ahilagnu Isip appa ban heehe, ag anidppig bia hekku.

Duteronomi 31:5

Yawe Nug danab ah wan amuppa daatteb ag eppelagppa maatteb, amu ag da haknunab anak nai ahilagnu ami bia ahilagppa hekkulag.

Josua 8:1

Aakku Yawe Nug Josua amegppa aum. “Na aib baɗame. Nahip dabmak ele qe nak aib dayom. Na ban daup oh diippe, ag gona, Ai ele ban heig! Da king Ainu, nuhig danab ah, nuhig aab okkai, amu nuhig wan ele oh na mettami daatte.

Sam 77:12

Da nahip uɗatnu dabmak unuqag awewe daakkul. Ao, da uɗat ɠagattagnab, na nahip ɠagattagppa heme amu, da dabmein daakkul,” awe ami.