Duteronomi 7:17 - Nobonob Baibel

¹⁷ Am ag inam dabmekkulagtai. “Wan anen anen umun danab, ag ahilag ɠagattag ig eɗikkak daatteb amunu, ig attem heta lamadkkunignu elele daagnig?” Ag anam dabmekkulagtai.

Duteronomi 7:17 Referans Kwoze

Namba 33:53

Wan amu ahilag daakkunu mattami amunu, ag ahilag daakkunu, ag amuppa nona aona dayeg!

Namba 13:32

Ag anam appig amunu, laa ag gona, wan atu anidppig ele amu, ag heeg, Israel danab ah wan amunu nai hambuppuak, ag nai amu genab dooppig. Amu lokkumakppa atu italak danab, Josua, Kalep ele, aa am iitta, danab amu laa, ag appig. “Wan ig anidmut ele, wan amuam doɗ laa nug aha, doɗ laa qa latte, amubia, wan amu danab ah ag appa daaglagnu gotteb ele he nauhtteb. Amu ele, appan danab ah oh ig anadmut ele, ag am danab okkai okkai, elabnab.

Luk 9:47

Amu Jesus Nug dabmak amu ag oolagppa dayeye doyom amunu, Nug nid nakok laa awa do, Nug guguitta heqo laih me, hippaidya daayya,

Aisaia 49:21

Haen amuppa ag Israel, ag akka akka oolagppa ag akkulag. ‘Aun nid imu oh dahilad menuattom? Da uug naunab nauppa dayeye, ah gamu iitta bia daami. Da am diia ukka, laih me dayak danab piɗe, wan laappa daami, laa oh dahilnu, “Am nau,” dooppig. Aun he, nid imu oh ena meppig? Da piɗe dakkanab daami amunu, imu amu, ag adeppan uɗippig?’ aon akkulag.” Yawe Nug anam atte.

Aisaia 47:8

Ag Babilon danab ah ag ah okkai laa bia daatteb. Ah amu nug keeke enaib aokkunu wagai ma hette. Nug uug laa nuhigppa bekkunu dab-ii-maama, nug nukka nuhignu, ‘Da dakka okkai daattem. Laa nug okkai da bia ii daatte. Laa nug danab dahil heeb nauhkkunu ib iitta. Laa nug nid naunau dahilad hatteb nauhkkulagnu, o diin gokkulagnu ele, elele iitta,’ atte. Ag Babilon ag anam daan dabmena, ag kobol eheɗ henana, dabmak eheɗ ele aotteb, amge ag gemu ag dahil nai imu doyeg!

Aisaia 14:13

Na nakka, nahip dabmakppa, na ame. “Da geha attannab hab eɗitten tein ukken daakkul. Geha da heppi, dahil sia king am Kayaknu hoɗoppai daatteb eɗatta ta daakku. Da geha anam hein, da geha sia king dahilppa qauko kayak qagmena daattebppa daakkul. Ao, da geha qauko ⌊kayak daatteb, da⌋ amuppa attannab daakkul.

Duteronomi 18:21

Amu ag akka ag inam dabmekkulagtai. “Ig nai amu Yawe toppan uɗittetai, o iittatai amu, ig attem doopput onig maidkku?” Ag oɗmak amu hekkulagtai.

Duteronomi 15:9

Am ag dabmen autna aweg! Am ag dabmak nau aon aɗan, akka akka ahilagnu inam aib appig. “Nakok laa ele amu maɗ eblaih aɗit ele, amuam lonnu hippalakppanu uhuqaknu maɗ amu, maɗ amu digmekkunu daatte, am da men doɗo dahil eɗuen aokkulnu elele iittatai.” Dabmak amuam ena iitta. Ag amubia dabmena, ag daɗek keeke laa ii mattaglag am eheɗ. Danab amu amu, ag am ag lailkad, am ag ii ehanadkkulag dayeb amu, ag eheɗ heppignu Yawe oɗ mettaglagnu elele daatte. Ag anam heppeg, Kayak Nug ag eheɗ heppig akku.

Duteronomi 8:17

Am ag inam akkulagtai. “Ig ikka ebehinigppa, ihinig ɠagattagppa ele ig enunig ele daattem,” aon akkulagtai.

Jeremaia 13:22

Amu uug okkai amu beeb, haen amuppa ag akka akka ag, “Aɗinu nau imu ihinigppa beum?” ag oɗmak amu hekkulag dayeb amu, ag oɗmak amunu nob am iikkude doyeg! Ag hipunin huanak heppig amunu, laa ag ah gamu uuitta, laa ele oittep, ag nuhig lamen pattiɗna aoeg, beɗu miag daatte, ag beɗulagppa kobol amubia ahilagppa beum.

Namba 21:34

Ag ban hekkulagnu uɗieg amu, Yawe Nug Moses amegppa aum. “Genabnab da ag ehanadppi, ag danab amu eɗadkkulag amunu, ag aib ahilagnu baɗappig. Geha da ag ehanadppi, ag nuhig ban daup oh eɗadppeg, da geha ahilag wan ag madakkul. Ag Amo dilag king Sihon, Hesbon dayaya gumak heum ele, ag nuhigppa heppig bia hetteg!” awa aum.

Duteronomi 1:28

Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.

Josua 23:3

Yawe, ahilag Kayak, Nug ahilagnu dabmak anuqak awa, Nug diig amunu aɗi aɗi wanppan wan laalappan danab ah dilagppa heum amu, ag amu oh anidppig. Amu beum anidppignu diig am, Yawe, ahilag Kayak, Nugnab, Nug ag ehanadkkunu, Nug ahilkad kekeɗ dilagppa ban heum.