Duteronomi 7:15 - Nobonob Baibel

¹⁵ Geha Yawe Nug ag oɗe digdig aomnanu atognoadkku. Nug geha ag uuatteb, ag Isip uppa oɗe naunab anidppig bia ii aomna. Nug geha heeb, oɗe amuam laa, ag ahilagnu nau ninig ele dootteb amu, ag anidkkulag.

Duteronomi 7:15 Referans Kwoze

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Duteronomi 28:60

Nug heeb, oɗe nau ag Isip appa daaegeg, Isip aqaeg anidna baɗappig ele amu, oɗe amu ahilagppa beebeb, ag eɗun, ena ii daamna.

Duteronomi 28:27

Yawe Nug geha Isip dilagppa mamattin he aqom bia ahilagppa heeb bekku. Nug heeb, ag beɗulagppa mamattin beppeg, beɗulagppa ihuanhuan, yu qak ele kuɗum ele daappeg, nahig huana aqakku. Ag heppeg, oɗe digdig amu iitta ii memana.

Eksodas 9:11

Am Isip dilag baɗ mak danab ag Moses gumidna uɗiglagnu elele iitta. Aɗinu? Ag beɗulag mamattin he nauhom; ihilag ele. Isip danab ah laa oh ihilag mettom, amubia ag ele ihilkad ele,

Eksodas 23:25

Ag daib, da am Yawe, ahilag Kayak, ag daib da noolppa dup nona binal mekkulag dayeb amu, da ag ena itatte, ag ee madakkul, le ele madakkul, amu da ahilag oɗe ele heppi, iitta mekku.

Duteronomi 30:7

Ag anamppa oolag eɗukku, amu Yawe, ahilag Kayak, Nug eheɗ laa awaknu anak waappa dayak imu oh amu heeb, eheɗ laa awaknu anaknu waappa dayak amuam kekeɗ ahilag, ag eheɗ hadatteb ele, am ag qaɗelagppa gokku.

Sam 91:10

diig amunu amu, nahip-ppa eheɗ laa ii bema. Ao, oɗe nau danab kuɗum aqe mauhtteb amu, nahip peh lag guguitta ii uɗima.