Duteronomi 7:13 - Nobonob Baibel

¹³ Nug ag ahilagnu oo mauheb, ag itatta heeb, ag appatna, kuɗum bekkulag. Nug geha heeb, ag nid naunau kuɗum ele daappeg, Nug heeb, wan ahilag ittag ele dayebeb, doɗ ele ag mattoi ii daamna. Haen ag wan Nug ag mamelkad aɗi madakkununab nuhig nai ɠagattag qetta aum ele, amuppa nona amu, ag en kuɗum ele daaglag: amuam ee aeg, wain bau, olip goɗen, amu makau, sipsip, meeme ele, ag amu kuɗum ele daaglag.

Duteronomi 7:13 Referans Kwoze

Jon 14:21

Am aun laa nug dahil haknunab anak awa dim lamadtte ele, nug aakkuib am dahilnu oo mauhtte. Am aun nug dahilnu oo mauhtte amu, Mame Nug ele nuhignu oo mauhkku. Da ele nuhignu ool mauhebeb, da nug da diil miag atiak nug ippunidkkul,” awa aum.

Jon 15:10

Da Mamenu haknunab anak dim lamittette, nuhig oo mauhak ooppa daattem, amubia ag dahil haknunab dim lamidkkulag amu, ag haen oh dahil oo mauhak ooppa daaglag.

Jon 16:27

Iitta! Mame Nug nukka ahilagnu oo mauhtte. Aɗinu? Ag dahilnu oolag mauhtte, amu ag ele da am Kayak toppanu uɗimi oolagppa genab dootteb.

Eksodas 23:25

Ag daib, da am Yawe, ahilag Kayak, ag daib da noolppa dup nona binal mekkulag dayeb amu, da ag ena itatte, ag ee madakkul, le ele madakkul, amu da ahilag oɗe ele heppi, iitta mekku.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Job 42:12

Amu Job nug tatam dayeye, Yawe Nug ititte, keeke ele dayom; uug awom dimppa Kayak nug ititte, keeke ele dayom amu, itittak ena dimnu am itittak ena tatamnu eɗittak. Dimnu itittak enanu amu Job nug sipsip 14,000, kamel 6,000, makau okkai ebehi ele 2,000, donki anig 1,000 ele.

Duteronomi 28:11

Yawe Nug ag wan madakkunu ag mamelkad aɗi amelagppa anam hekkunu nuhig nai ɠagattag qetta aum, amuppa keeke ena ena ma madakku. Amuam nid naunau kuɗum, doɗ manan kuɗum, amu keh iɗu iɗu kuɗum ele madakku.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Duteronomi 7:7

Yawe Nug ahilagnu oo mauhom, Nug ag tituanattom, amge ag danab ah kuɗumnab, huu laa oh eɗattak, diig amunu Nug amu ii heum. Iitta! Ag am wanppan wan laa oh oolagppa ebqak nakoknab daaegeg, ⌊Nug amu heum⌋.

Sam 11:7

Aɗinu? Yawe Nug genab tutukku hak kobolib hette. Ao, Nug genab tutukku hak kobolnu oo mauhtte. Ge, aun aɗi ag kobol tutukku hetteb, ag geha Nug iɗu anidkkulag.

Lewitikas 26:9

Da geha ahilagnu ena heinne, ag nid madappi, danab kuɗum beppeg, amuppa da hei, da ag ele nug tituana nai qakkak hemut amu, nai dahil amu meu okku.

Duteronomi 13:17

Amu Yawe Nug tuɗitta, ag Israel laa, Nug ahilagnu oo nauhak huanak ii doomanu, Nug ahilagnu oo gai-iitta doya, oo metta, ehanatta heeb, ag danab ah kuɗum, Nug ag mamelkad aɗi amelagppa anam hekkunu nuhig nai ɠagattag qetta aum bia heeb bekkunu, ag aab nakok amu ooppan keeke laa aibnab ahilagnu aoppig. Keeke amu oh am Yawenuib nuhig pelemppa daatte.

Duteronomi 30:5

Nug ag diia, ag mamelkad aɗi dilag wanppa diia uɗieb, ag geha wan amu baula aon aɗan daaglag. Nug heeb, ag ee keekenu elelenab, mamelkad aɗi eɗattak daaglag; abatak ahilag amu mamelkad aɗi eɗattak daakku.

Sam 127:3

Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

Sam 146:8

Nug danab ag amelag gaɗuak he, ag neegtteb. Nug danab ag uug tonatte daatteb he, ag ahilag uug iitta mette. Yawe Nug danab ah ag genab tutukku hak kobol dim lamidtteb ele, Nug amu dilagnu oo mauhtte.

Prowerb 15:9

Yawe Nug nau hak danab dilag oiyaknu ooppa uuaknab dootte; amge Nug danab ag genab tutukku hak kobol dim dim lamidtteb, Nug ahilagnu oo mauhtte.

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!

Duteronomi 28:1

Amu Moses nai tuɗitta mattiom. Ag genab Yawe, ahilag Kayak, ag Nug oɗe doon, ag haknunab anak nai gemu da ag madattem imu dabmettaglag dayeb amu, Yawe, ahilag Kayak, Nug heeb, ag wan laa oh eɗattak daan, ag binag okkai, amu onig okkai ele daaglag.

Nehemaia 9:32

O Kayak, na ihinig Kayak, na ɠagattag okkai ele, danab na anitta, nug ebehi oh bodoetta le mette elenu Kayak, na danab ah aun aɗi ele, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem. Na anam henan daattem amunu, O Kayak, uug digdig ig gemu daattem, ihinigppa beppig amu, ig na uug amunu, ‘Am keeke hamu, keeke okkai iitta,’ ii doomnanu oɗ medattem. Uug amuam, ig, ihinkad king, ihinkad ikki danab, ihinkad mana mettak danab, ihinkad propet danab, ig mamenkad aɗi, ig laa oh ele, ig oh ihinigppa beppig. Asiria dilag king ag digmena, uug amu ig mekkaeg uɗie uɗie, gemu ele ig uug amu anidttem.

Job 1:10

Nahip ehanittak am Job nug, nug baegppan, nuhig keeke oh ele guppiɗ bia taliliatte daatte. Na ena ititte, aɗi uɗat nug hette am enaib beebe, nuhikkud doɗ ele huan appatna, kuɗumnab daatteb.

Sam 107:38

Nug ag itatta autanab awe, ag baelkadppa kuɗum ele daappig. Ahilkad makau ele abategeg, kuɗumnab daappig.