Duteronomi 7:1 - Nobonob Baibel

¹ Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Duteronomi 7:1 Referans Kwoze

Duteronomi 31:3

Amge Yawe, ahilag Kayak, Nugnab geha le mataɗa, ag noolag awa, anuqa gokku. Nug geha heeb, ag Israel ag danab wan anen anenppa appa ana daatteb ele, ag lamadna heppeg nauhppeg, ahilkad wan ag aon gumaglag. Yawe Nug nai aum bia, Josua nug ahilag ikki danab dayebeb, ag ele gokkulag.

Aposel 13:19

Nug diia uɗia, Kanan wanppa Nug huu eblaih aɗit ele ⌊Israel eppelagppa⌋ haatte nauheg, Nug wan ahilag awa, Israel matte, ag wan amu maɗ 450 anam daaegeg, ahilkad gumak danab, ag am epeɗiak danab, ag benan gumaegeg, ukke ukke, propet Samuel haenppa batak.

Duteronomi 4:38

Nug ag diia uɗia heeb, wan ag aoppeg, ag aulag dayebeb daaglagnu, Nug wanppan wan laalanu danab wan amuppa daatteb, ag ag Israel eɗattak, ag ahilag ɠagattag okkai ele, Nug heeb, ag Israel, ag danab amu lamadkkulagnu omalatte uɗin, gemu iguppa iikku daatteb.

Duteronomi 20:1

Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

Duteronomi 9:1

O Israel danab ah, ag daulag human doyeg! Gemu ag Jodan le mataɗna wana, danab ag eɗattak, ɠagattag okkai ele, ag ag ahilkad wanppanu lamadna aoglagnu daatteb. Danab amu ag aab okkai aɗ attannab tak eleppa daatteb!

Duteronomi 9:4

Anam amu, Yawe, ahilag Kayak, Nug heeb, ag Israel ag danab ah amu lamadkkulag amu, dimppa ag akka ahilagnu aib, “Ig am genab tutukku aɗi amunu, Yawe Nug ig wan imu aognignu omaikka uɗia mekkom!” appig. Iitta. Wanppan wan anen anen imunu danab ah ag hak ahilag am nau amunu, Yawe Nug heeb, ag danab amu lamadkkulag.

Eksodas 33:2

Ag gobeppeg amu, da geha engel laa meppi, nug ag noolag awa, anuqa gokku. Amu nug geha heeb, ag Israel ag ⌊wan amuppan danab,⌋ ag am Kanan danab, Amo danab, Hit danab, Peres danab, Hiwi danab, amu Jebus danab ele, ag ag lamadkkulag.

Sam 78:55

Nug ⌊ig alankad⌋ ag noolagppan wan anen anen, amunu danab lamatte goppig. Nug anam he, Israel ag om ena yaak heeg, Kayak ib amuppa Nug huu anen anen ahilag wan, ag aulag daakkunu ag mattom. Ao, Nug ag ahilkad wan anen anen matte, danab ah Israel dilag huu okkai anen anennu amu, ag laulkadppa aakku daappig.

Duteronomi 31:20

⌊Aa ahi amu yaaya ippunadkkulahnu diig am inam.⌋ Da Kayak, da geha Israel danab ah diie, wan ag mamelkad aɗi madakkulnu dahil nai ɠagattag qette ami, amuppa nokkul. Wan amuam enanag, wan ittag ele, amuppa ee meu huana otte. Appa ag ee ohnu elele lanana, ag beɗulag ena ele daaglag. Haen ag anam daan amu, geha ag da guhuɗilna, digmen kayak laala noolagppa dup nona binalag mekkulag; ag dahilnu ena iinab doonna, ag da ele nug tituanak nai qakkak hemut, ag amu tippalkkulag.

Duteronomi 11:29

Aria, haen Yawe, ahilag Kayak, Nug ag wan amu aon daaglagnu omalatteb, wan amu ooppa wakkulag dimppa amu, ag nai imu dabmekkulagnu, danab laa ag qauko Gerisim igippa daanna, ag Kayak dim lamidna, itittak ena aoglagnu nai eppeg dooglag. Dooppeg, laa ag qauko Ebal igippa daanna, ag Kayak dim ii lamidna, itittak nau aoglagnu nai ekkulagoitte.

Duteronomi 6:23

Nug ig Isipnu awikka, omaikka wan ig mamenkad aɗi madakkunu nuhig nai ɠagattag qetta aum amu, amuppa meigkkunu uɗiom.

Duteronomi 6:19

Ag geha Yawe Nug ag anamnab hekkulagnu aum bia, Nug heeb, ag Israel ag danab amu, ahilag kekeɗ amu, ag ag lamadkkulag.

Duteronomi 6:10

Am inam bekku. Yawe, ahilag Kayak, Nug ag omalatta, Nug hekkunu nuhig nai ɠagattag qetta, ag mamelkad aɗi, Abraham, Aisak amu Jakop ele wan madakkunu aum, Nug amuppa nokku. Wan amu aab okkai ena ena, ag ii buuppig ele amuppa daatteb.

Duteronomi 6:1

Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.

Namba 14:31

Ag laa amu, ag wan amuppan danab ag ahilkad ah, nid ele diippeg, ag ag eppelagppa daaglanu appig amu, nid ahilkad amu da omaladppi, ag wan amuppa ena daan, ena dooglagnu gona daaglag. Ag gemu okkai daatteb amu, ag wan amu uuppig.

Eksodas 15:7

Na dagom onin ɠagattag okkai naɗi ele daattem, amu na amuppa, na nahip kekeɗ tabatte noppig. Ao na hee, nahip oo nauhak huanak, aab aɗu bia, amu ag ewatte, ag gikkiɗah bunaɗak aab eotte, ag amubia daappig.

Eksodas 6:8

Da geha ag omalatte ukke, wan da Abraham, Aisak, am Jakop ele madakkulnu eppel humen, nai ain qakkami amu, da wan amu geha da ag madappi, geha wan amu ahilagnab daakku. Da am Yawe,’ ” awa aum.

Eksodas 23:28

Da heppi, danab ag uun okkai baɗatteb bia, Hiwi danab, Kanan danab, Hit danab ele ag eheɗ baɗappeg, ag Israel ag ag lamadkkulag.

Eksodas 23:33

Ag hipunin dahilppa hemananu, ag danab gemu appa daatteb, ag ag uuadppeg, ahilag wanppa aib daappig. Aɗinu? Ag uuadppeg daaglag dayeb amu, geha ag ag eeɗadppeg, oolag eɗueb, ag kayak hambuppuak ahilag amu noolagppa dup nona binalag menana, hipunin hekkulag. Binalag meppeg amu, kayak hambuppuak amu ag heppeg, ag pelem nauppa tekkulag.” Yawe Nug ɗo amu oh Moses amegppa aum.

Lewitikas 14:34

“Haen ag Kanan wan, wan amuam ag aulag daakkunu madattem amu, haen da ag madappi noppeg, da heppi, geha gi, gaɗa oɗe nau bia, ag laulag qekku.

Duteronomi 20:16

Iitta. Wan Yawe, ahilag Kayak, Nug ag aulag daakkunu madatte, amuppan aab okkai amu, ag appa laa uuppeg, bau aib dayom.

Josua 3:10

Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,

Josua 11:3

Nug ahilagppa me ukke, amu nug ele Kanan dilag king laih kaɗag uɗitteppanu, amu laih qaban uɗitteppanu ele batak, nug ahilagnu nai me ukkom. King amu ag am, Amo dilag king, Hit dilag king, Peres dilag king, Jebus dilag king ele, ag laih qauko qauko ele daappig. Amu nug Hiwi danab, ag Hermon qauko guguittak daappig, ahilagnu ele nai me ukkom. Wan atu amu onig Mispa.

Josua 24:11

Da anam hei, ag Jodan le mataɗna, Jeriko waeg, Jeriko danab ahaeg, ag ele ban heppig. Danab ameg kuɗum laala ele, ag ele ban heppig. Danab amu ag am, Amo danab, Peres danab, Kanan danab, Hit danab, Girgas danab, Hiwi danab, amu Jebus danab ele. Amge da hei, laa amu ag eɗadkkulagnu elele iitta daaeg, da ag eppelagppa maadmi.

1 King 16:31

Nug Nebat bekka Jeroboamnu kobol awa, nug hipunin heum amubia nug heum. Nug amu heum, amge nuhig dabmakppa amuam keeke hamu, nug nuhig haknu uug ii doyom. Iitta! Nug nau hak amu nug tuɗitta, nug Saidon aab okkainu King Etbal aɗeg Jesebel awa, am nug Saidon dilag kayak hambuppuak Bal noobppa dup noa binag meum.

Nehemaia 13:23

Amu haen amuppa ele da Juda danab ag Asdot ah, Amon ah, Moap ah diippig ele anadmi.

Eksodas 23:32

Ag danab appanu ele ag aib nug tituanna nai qagappig; ahilag kayak hambuppuak ele amu, ag ag ele aib nug tituanna nai qagappig.

Namba 13:29

Amu Amalek danab ag wan amuppa, wan laih onig Negeb, ag appa daatteb. Hit danab, Jebus danab, amu Amo danab, ag am wan laih qauko qauko eleppa, appa daatteb. Kanan danab, ag amu yu guguittak, amu Jodan le naɗi daugppa daatteb,” aon appig.

Duteronomi 9:3

Amge ag imu tutukku doyeg! Yawe, ahilag Kayak, Nugib geha ag noolag awa, Jodan le mataɗa ukka, aab aɗu gakkaɗak naunab keeke he nauhtte, amubia Nug heeb, danab amu ag padal mekkulag. Nug geha heeb, danab amu ag, ag Israel noolagppa ahilag ɠagattag bodoetteb daaglag. Amunu Yawe Nug hekkununab nai anan qakkom bia, Nug heeb, ag Israel ag wana laippun kekeɗ lamadppeg, ag padal mekkulag.

1 Stori 1:14

Jebus danab, Amo danab, Girgas danab,

2 Stori 8:7

Amu Israel wanppa danab ah buɗub laappan, Israel iitta, ag ele daappig. Amuam Hit danab, Amo danab, Peres danab, Hiwi danab, amu Jebus danab ele.

Esra 9:1

Amu dimppa Israel dilag ikki laa ag uɗin, da, Esra, ag da amelppa appig. “Danab ag gemu ig miag taliligna daatteb ag, ag kobol nau digdig, Kayak Nug kobol amunu ooppa uuaknab dootte amu, ag kobol amu hetteb. Ag Kanan danab, Hit danab, Peres danab, Jebus danab, Amon danab, Moap danab, Isip danab, Amo danab ele dilag kobol nau dim lamidna heegeg, Israel danab ah ag danab ah amu ele ouqak ii daamnanu ag akka ag awaidna ii daan, ag ele kobol nau hetteb. Israel danab ah, Lewi buɗubppan mana mettak danab, Lewi buɗubppan mana mettak danab iitta ele, ag amu hetteb.