Duteronomi 6:5 - Nobonob Baibel

⁵ Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

Duteronomi 6:5 Referans Kwoze

Mak 12:30

Na Naɗi, nahip Kayak, na nuhignu na meut ohppa, oot ohppa, dabmak nahip ohppa, amu nahip ɠagattag ohppa ele oot mauhaɗ!’

Matyu 22:37

Nug anam oɗ mette amu, Jesus amegppa aum. “ ‘Naɗi, nahip Kayak, na nuhignu na meut ohppa, oot ohppa, nahip dabmak ohppa ele oot mauhaɗ!’

Luk 10:27

Jesus anam a, Nug oɗeppa awa aum. “ ‘Na Naɗi, nahip Kayak, na nuhignu, na meut ohppa, na oot ohppa, nahip ɠagattag ohppa, amu nahip dabmak ohppa ele oot mauhaɗ!’ Amu laa am, ‘Na nakka nahipnu oot mauhtte, amubia na laipad dilagnu ele oot mauhaɗ!’ ” awa aum.

Duteronomi 10:12

Gemu amu, ag Israel, ahilagnu amu, Yawe, ahilag Kayak, Nug ag aɗi hekkulagnu atte? Nug ag imu hekkulagnu atte. Nug ag nuhignu ebehilag oh bodoetta le meeb, nuhig nai dim lamidnana, nuhignu oo mauhak doonna, ag Nug waappa daan Nug oɗe dim lamittak kobol ag meulag ohppa, oolag ohppa ele hekkulag.

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.

1 Jon 5:3

Ig Kayaknu oonig mauhtte dayeb, ig nuhig haknunab anak dim lamidkkunig. Amuam oo mauhaknu diig aakku. Amu nuhig haknunab anak am uug iitta.

Mak 12:33

Amu na nuhignu na meut ohppa, nahip dabmak ohppa, nahip ɠagattag ohppa ele oot mauhkku, amu na nakka nahipnu oot mauhtte, amubia na laipad dilagnu oot mauhkku, keeke aɗit amu aa manaknu ofa oh, mana mettak laa oh ele eɗidttep,” awa aum.

Duteronomi 11:13

Ag haknunab anak nai, gemu da ag madattem imu oh tutukku dim lamidnana, ag Yawe, ahilag Kayak, ag meulag ohppa, oolag ohppa ele nuhignu oolag mauheb, ag Nug waappa daan Nug oɗe dim lamidkkulag dayeb amu,

2 King 23:25

Josaia nug am king enanag. Nug meu ohppa, oo ohppa, ɠagattag ohppa ele Yawe dim lamidkkunu, Mosesnu ɗo nai atte bia heum. Anukka amu king laa Josaia eɗua, Yawe dim lamidkkunu heum bia, laa ii dayom. Iitta. Dimppa ele, king laa nug bia laa ii beum. Iitta. Josaia nug oh eɗattom.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.

Duteronomi 13:3

ag aib nuhig nai dooppig. Aɗinu? Yawe, ahilag Kayak, Nug ahilagnu ma anttak, ag nuhignu meulag ohppa, oolag ohppa ele oolag mauhttete, o iittate, Nug amu anidkkunu hette.

Duteronomi 30:16

Da gemu ag Yawe, ahilag Kayak, ag nuhignu oo mauhak doon, ag Nug oɗe, nuhig haknunab anak, nuhig ɗo oh ele dim lamidkkulagnunab ag amelagppa attem. Ag amu hekkulag dayeb amu, ag bau daanna, appatnana, ena daaglag. Laa amu, ag amu hekkulag dayeb, Yawe, ahilag Kayak, Nug wan ag aoglagnu daatteb amu, Nug wan amuppa ag itadkku.

Duteronomi 30:20

Ag Yawe, ahilag Kayak, ag nuhignu oo mauhak doon, ag Nug oɗe dim lamidna, Nug hanhan guguittak daaglagnu tituaneg! Aɗinu? Nug am ahilag bau dayaknu diig. Ag anam hekkulag dayeb amu, ag haen elabnab ahilag wanppa daaglag. Yawe Nug wan amu ag mamelkad aɗi, Abraham, Aisak amu Jakop ele, Nug ag wan amu madakkunu nai ɠagattag qetta aum.

1 King 3:3

Am Solomon nug Yawenu oo mauhehe, kobol ena oh dim lamittatta, mameg Dawit aum bia heum. Amge Solomon nug ele aabaabppanu mettid lag nakokppa doɗ manatta, Yawe medatta, nug ele kalu danab ile muttuɗig enanag bette ele appa mana, Yawe mettom.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Duteronomi 13:4

Ag Yawe, ahilag Kayak, ag Nug dim lamidnana, ag Nug aakkuib, ag nuhignu ebehilag oh bodoetta le maɗ! Ag nuhig haknunab anak nai dim lamidnan, Nug waappa daan Nug oɗe dim lamidnana, ag Nug guguittaknab dayeg!

Duteronomi 30:10

Amge ehanittak ena anam bekkunu am, ag Yawe, ahilag Kayak, ag nuhig haknunab anak, nuhig ɗo ele oh, Ɗo Nai Buk imuppa yaak niitte ele, ag oolag eɗueb, nai amu dim lamidnana, ag Yawe, ahilag Kayak, ag Nug meulag ohppa, oolag ohppa ele Nug dim lamidkkulag, amuam bekku.

Josua 22:5

Ag gona, appa daaglag, amge ag dabmettan autnanab aonna, ag Yawenu maɗi nid Moses, nug haknunab anak, ɗo ele ag mattom amu, ag amu tutukku dim lamitteg! Amuam ag Yawe, ahilag Kayak, ag nuhignu oolag mauheb, ag nuhig kobol oh dim lamidna oinna, nuhig haknunab anak oh ele dim lamidnan, ag Nugib waappa daaglagnu Nug ouqak ele daan, amu ag meulag ohppa, oolag ohppa ele Nug waappa daan, Nug oɗe dim lamitteg!” awa aum.

2 Stori 15:12

Ag amu henana, ag Yawe, Nug ag mamelkad aɗi dilag Kayak, ag Nug anidna dim lamidkkulagnu ag meulag ohppa Nug mattiglagnu, ag Nug ele nug tituanna nai qagappig.

2 Stori 34:31

King nug nai amu ebqewowa, nug Yawenu mettid lag, amuppa king aben laa biidod daugppa daakkunu tituanak dayom amu, nug aguppa, Yawe noobppa daye, nug nug tituana nai qakkak amu dim lamidkkunu nai baula qakkom. Nug nai amu qagakka, nug Yawe dim lamittatta, Yawenu haknunab anak, nuhig ɗo iɗu iɗu oh ele nug meu ohppa, oo ohppa ele dim lamitta, nug nug tituana nai qakkak bukppa nai aɗi aɗi dayom amu, nug nai amu ele dim lamidkkunu Yawe amegppa aum.

Sam 31:24

Ag aun aɗi ag ahilag dabmak oh Yawe toppa daatte, ag nuhig ehanittak aoglagnu dabmak aɗan oitteb ele amu, ag ɠagattag daan, ag oolag aib bodoettom.