Duteronomi 6:4 - Nobonob Baibel

⁴ O Israel danab ah, ag daulag human doyeg! Yawe Nug ihinig Kayak daatte; Nug nukka Kayak daatte.

Duteronomi 6:4 Referans Kwoze

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

1 Timoti 2:5

Yo, Kayak laippu daatte, gamag danab ele laippu, Nug Kayak amu danab ele gamagppa daatte, danab amuam Kristus Jesus.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Jon 10:30

Da Mamel ele amu i am laippu,” awa aum.

Aisaia 44:8

O danab ah dahilad, ag aib ebehilag hahaɗeb baɗappig. Anukka da ⌊aɗi keeke bekkunu dayom amu,⌋ da amunu mattii, ag iite dooppig? Da ag amelagppa amunu iite ami? Ag am dahilad laa aɗi heehe anttomnu mattiak danab ah daatteb. Da aakkuib am Kayak, ahilag ehanittak, daattem. Da laa anam daattenu ii doottem,” awa atte.

Aisaia 42:8

Da am Yawe, amuam da onil. Da uuppi, dahil binag amahlak oppiaawak ele am kayak hambuppuak laa, nuhigppa ii daama. Ao, da uuppi, kayak hambuppuak dottog laa da binal ii aoma.

1 Stori 29:10

Amu Dawit nug amu antta, nug danab qagmeppig noolagppa Yawe binag metta inam aum. “O Yawe, ig na binan humattem. Na ig memetanig Israelnu Kayak, na hanhan alet daattem.

1 King 18:21

Am Elaiya nug aha, Israel danab ah gumatta wana, nug amelagppa aum. “Ag danab ah, ag ahilag dabmak am ib piɗe piɗenu. Ag ib aɗitnu dabmak ele. Haen gane laa ele ukkeb, ag geha ahilag dabmak ib laippu ele daaglag? Amu Yawe, Nug Kayak genab daatte dayeb amu, ag nugib dim lamidkkulag. Amu Bal nug Kayak genab daatte dayeb amu, ag Bal nugib dim lamidkkulag,” awa aum. Amge danab ah ag nai amu nob laa ii meppig. Iitta.

Duteronomi 5:6

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

2 King 19:5

King Hesekaianu ehanittak anuqak danab amu ag Aisaia gumidna gona, anam aeg amu,

Matyu 22:37

Nug anam oɗ mette amu, Jesus amegppa aum. “ ‘Naɗi, nahip Kayak, na nuhignu na meut ohppa, oot ohppa, nahip dabmak ohppa ele oot mauhaɗ!’

Luk 10:27

Jesus anam a, Nug oɗeppa awa aum. “ ‘Na Naɗi, nahip Kayak, na nuhignu, na meut ohppa, na oot ohppa, nahip ɠagattag ohppa, amu nahip dabmak ohppa ele oot mauhaɗ!’ Amu laa am, ‘Na nakka nahipnu oot mauhtte, amubia na laipad dilagnu ele oot mauhaɗ!’ ” awa aum.

Rom 3:30

Aɗinu? Kayak laippuib daatte. Anam amu, Nug danab gaɗa otaɗak ele, Nug danab amunu ooppa genab doyak, diig amunu, Nug danab amunu, “Genab tutukku hak danab,” awa akku. Amu danab nug gaɗa ii otaɗak ele, Nug danab amu ele, nuhig ooppa genab doyak, diig amunu, danab amunu, “Genab tutukku hak danab,” awa akku.

Epesus 4:6

Kayak ele laippuib daatte. Nug am ig oh Mamenig. Nug danab oh dilag Okkai daatte, Nug danab ohppa nuhig uɗat hette amu, Nug danab oh oolagppa daatte.

Jems 2:19

Na am ootppa genab inam doottem, “Kayak laippuib daatte.” Amu ena, amge ouɗi nau ag ele anam oolagppa genab doon, ag eheɗ nau baɗan hahaɗtteb.

Duteronomi 4:39

Amunu ag imu dabmettanna, ahilag dabmakppa ɠagattag aɗeg! Yawe Nug am wanppan, habppan ele Kayak daatte, kayak laal iitta.

2 Stori 17:9

Ag gona, Juda wanppa oinna, ag Yawenu Ɗo Nai Buk itoɗiakppa yaak niiom ele maon gona, ag aab ohppa wana, ag danab ah ippunadppig.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Sam 78:5

Nug nuhig ɗo Jakop mettom. Ao, Nug nuhig ɗo Israel mattom. Nug ig mamenkad aɗi amelagppa haknunab ana, ag ɗo amu ahilkad nid naunau ippunadkkulagnu aum.

Sam 86:10

Ag amu hekkulagnu diig am, na onin ɠagattag ele, na kobol danab hekkunu elele iitta okkai okkai hettem. Na aakkuib am Kayak.

Sekaraia 14:9

Amu Yawe Nug wan atu oh dilag king daakku. Haen amuppa amu, Yawe Nugib danab ah oh dilag dabmakppa Kayak daakku. Danab ah oh ag Nug noobppa dup nona binag mekkulag.