Duteronomi 6:24 - Nobonob Baibel

²⁴ Anam daye, Yawe, ihinig Kayak, Nug ig nuhig ɗo imu oh dim lamidkkunignu, ig nuhignu ebehinig oh bodoetta le mekkunu, Nug ig ɗo mekkom. Ig amu hekkunig dayeb amu, Nug heeb, ig bau daat, ig gemu ena daattem bia haen oh ena daagnig.

Duteronomi 6:24 Referans Kwoze

Jeremaia 32:39

Ag, amu ag buɗub dimppa dokkulag ele, ag dahilnu ebehilag oh bodoetta le mekku dayeb amu, ag ena, elele daaglag. Anam amu, ag dahilnu ebehilag oh bodoetta le mekkunu da heppi, ag oolag unuqagppa, ahilag dabmakppa ele ag da noolppaib dup nona, da binal mekkulagnu, ag da oɗelib dim lamidkkulagnu dabmak anam daakku.

Sam 41:2

Yawe Nug danab amu dabmetta atognobob bau daakku. Ao, Nug geha danab amu, laa ag wan amuppa daatteb ele, amu oolagppanu ititta heeb, nug nuhikkud kekeɗ eppelagppa ii daama.

Aisaia 3:10

Imu dabmenan oiyeg! Genab tutukku hak danab ah dilagnu amu, ahilagnu am ena. Aɗinu? Ag ahilag haknu meu ena aon daaglag.

Rom 10:5

Moses nug danab ag ɗo kobol dim lamitteg, Kayak ahilagnu, “Genab tutukku hak danab,” akkunu dabmetteb ele, nug ahilagnu inam yom. “Danab nug dahil ɗo anam dim lamidkku dayeb, amuppa nug bauklel daakku.”

Duteronomi 8:1

Ag bau daan, abatak kuɗum bena, ag geha wan, Yawe Nug ag mamelkad aɗi madakkunu nuhig nai ɠagattag qetta aum, ag amuppa nona, aon daaglagnu amu, ag haknunab anak nai, gemu da ag madattem imu, ag dabmettan autnanab aon, dim lamitteg!

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Prowerb 22:4

Danab nug nukka onig qe nette, nug Yawenu ebehi oh bodoetta le mak ele dootte amu; nug en, binag, bau dayak ele aokkunu ib aakku matultte.

Prowerb 9:12

Na doyak dabmak ena ele aɗan oippe amu, doyak dabmak ena ele amu na nob ena medakku; amge na awa awa qettak danab daan, na guittak aon oikkut.

Sam 66:9

Nug dabmekke, ig bau ena daattem, amu keeke laa he, ig neta ii qemut daattem.

Duteronomi 8:3

Nug he, ag enug daaeg, amu Nug ag maana matte lappig. Ee maana amu, ag anukka amunu ii dooppig, mamelkad aɗi ele ag amunu ii dooppig. Nug ahilagnu anam ha, amuppa Nug ag onilag qe neum. Nug amu heumnu diig am, Nug anam heeb, danab ah eeppaib bau daanna ii oitteb. Iitta. Danab ah ag Yawenu nai ohppa bau daan oitteb ippunadkkunu heum.

Duteronomi 4:4

Amge ag laa oh, ag Yawe, ahilag Kayak, ag oolag Nug mettan, ena haknu ii uuak kobol hena, Nug dim lamidppig ele, ag amu, ag gemu bau daatteb.

Luk 10:28

Awa a amu Jesus Nug amegppa aum. “Na tutukku ame, na anam henana, na bauklel hanhannu aokkut,” awa aum.

Eksodas 20:20

Ag anam appig, amge Moses nug ag amelagppa aum. “Iitta! Ag aib baɗappig. Aɗinu? Kayak Nug ag nuhig nai tabappeg nemanu hette. Ag nuhig ɠagattag okkai huanak ele anidna, ag nuhignu ebehilag oh bodoetta le meeb, ag hipunin ii hemananu, nug nuhig ɠagattag okkai huanak ele ippunadtte,” awa aum.

Duteronomi 6:23

Nug ig Isipnu awikka, omaikka wan ig mamenkad aɗi madakkunu nuhig nai ɠagattag qetta aum amu, amuppa meigkkunu uɗiom.

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Sam 41:3

Am laa daɗek dabmadatte ele, danab amu nug oɗe mette dayeb, Yawe Nug nug dabmedatte. Ao, Nug laa nug daɗek dilag dabmette amu ehanitte, nuhig oɗe iitta me, ena daatte.