Duteronomi 6:22 - Nobonob Baibel

²² Ig amenigppanab, Yawe aɗi heum amu anidmut. Nug nuhignu dabmettaknu kobol danab haknu elele iitta, uɗat okkai ɠagattag ele digdig he, Paro, nug baekkudppa, amu danab ah Isipnu oh ele ag diig amunu uug nau waappa daan, huananab baɗappig.

Duteronomi 6:22 Referans Kwoze

Duteronomi 4:34

Am kayak atten laa nug danab ah ameg laa, wanppan wan okkai laappan diia he, nuhig danabnab bena, ag wanppan wan laappa daaglagnu daappigte? Iitta! Amge Yawe, ahilag Kayak, Nug ahilagnu Isip appa anam heum. Nug nuhig ɠagattag okkaippa ag ehanatta, ahilagnu heewo, ag amelagppanab anidppig. Nug oɗe nau Isip dilagppa he be anidppig. Nug Isip ele ban heppig. Nug nuhignu dabmettaknu kobol danab haknu elele iitta he, Isip danab ah ag eheɗ nau baɗappig.

Sam 91:8

Anam beeb, na amenppanab Yawe Nug nau hak danab attem bu madatte amu, na neegna anidkkut.

Duteronomi 7:19

Keeke Yawe, ahilag Kayak, Nug heum amu, ag amelagppanab anidppig. Nug Isip ag guittak okkainab aoppig ele amu he beum. Nug nuhignu dabmettaknu kobol danab haknu elele iitta, uɗat ɠagattag ele kuɗum heum. Nug nuhig ɠagattag okkainabppa keeke digdig amu oh haaha, ag Isipnu diia, omalatte uɗippig. Yawe, ahilag Kayak, Nug ɠagattag amuppaib, ag ehanatta heeb, ag danab baɗadtteb ele amu eɗadkkulag.

Duteronomi 4:3

Ag Yawe Nug Balpeornu ahilagppa aɗi heum amu, ag anidppig. Yawe, ahilag Kayak, Nug laa ag kayak hambuppuak Bal, Peor appanu, ag appa nug noobppa dup nona binag meppig ele amu, Nug ag oh hatte nauhppig.

Duteronomi 3:21

Haen amu da Josua amegppa haknunab nai imu ami. “Na keeke oh Yawe, nahip Kayak, Nug king aɗit imu dilahppa heum amu, na anidme. Nug heum biaib, king ag wan laih Jodannu qaban uɗitteppanu daatte gumatteb ele, Nug amu dilagppa ele anamib hekku.

Duteronomi 1:30

Yawe, ahilag Kayak, Nug ag noolagppa anuqa gotte, Nug ahilagnu Isip appa ban heehe, ag anidppig bia hekku.

Sam 135:9

Yawe Nug Isip appa, nuhignu dabmettaknu kobol danab haknu elele iitta, amu uɗat ɠagattagnab laala ele heum. Nug uɗat okkai amu oh he, Paro, amu nuhikkud danab ah oh ele ag amuppa uug okkainab aon daappig.

Eksodas 3:20

amunu, geha, da kobol digdig, danab haknu elele iitta Isip wanppa dahil ɠagattagppa geha heppi, kobol amu Isip danab ah eheɗ oɗoɗadkku. Aria, anam dayeb amu, dimppa Paro nug ag paɗatteb gokkulag.

Duteronomi 6:21

Ag anam oɗ mekkulag amunu, ag inam appeg dooglagoitte. “Ig am Isip uppa Paronu begbeg maɗi nid daamut, amge Yawe Nug nuhig ɠagattag okkaippa Isipnu awikka, omaikka uɗiom.

Duteronomi 6:23

Nug ig Isipnu awikka, omaikka wan ig mamenkad aɗi madakkunu nuhig nai ɠagattag qetta aum amu, amuppa meigkkunu uɗiom.

Sam 136:4

Ig Yawe, Nugib kobol danab haknu elele iitta hette, ig Nug amegppa, “Ena heme,” atu! Aɗinu? Nuhig oo mauhaknab kobol hanhan alet daatte.

Eksodas 10:2

Da amu heminu diig laa am, geha ag Israel danab ah, ag da dahilnu dabmettaknu kobol danab haknu elele iitta Isip danab ah ahilagppa hemi, da Isip danab ah ɠagattag hattami ele amu, ag Israel ag kaya amu, ag bekkalkad, alalkad ele amelagppa madippeg dooglagnu hemi. Laa ele amu, ag Israel, ag dahil hak amuppa, geha ag oh da am Yawe dooglagnu hemi,” awa aum.