Duteronomi 6:13 - Nobonob Baibel

¹³ Ag Yawe, ahilag Kayak, ag nuhignu ebehi oh bodoetta le mak doonna, Nugib waappa daanna Nug oɗe dim lamidkkulagoitte. Ag ahilag nai ɠagattag qettan akkulagnu henana amu, ag Nug onigppa ahilag nai ɠagattag qettaglagoitte.

Duteronomi 6:13 Referans Kwoze

Luk 4:8

A amu Jesus Nug Satannu nai nob ma aum. “Kayak naippa yaak inam daatte. ‘Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

Matyu 4:10

Awa a amu, Jesus Nug Satan amegppa aum. “Satan, na qe me! Kayak naippa yaak inam daatte. ‘Na Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

Duteronomi 10:20

Am ag ebehilag oh bodoetta le mak, Yawe, ahilag Kayak, nuhignu doon, ag Nug noobppa dup nona binag mak kobol nuhignu hena, nuhignab daaglagoitte. Ag ahilag nai ɠagattag qettaglagnu, ag Nug onigppa aakkuib amu hekkulagoitte.

Duteronomi 13:4

Ag Yawe, ahilag Kayak, ag Nug dim lamidnana, ag Nug aakkuib, ag nuhignu ebehilag oh bodoetta le maɗ! Ag nuhig haknunab anak nai dim lamidnan, Nug waappa daan Nug oɗe dim lamidnana, ag Nug guguittaknab dayeg!

Lewitikas 19:12

Am keeke laa genab iitta dayeb amu, ag aib da onil diin, nai ɠagattag qettan, keeke amunu, ‘Am genabnab,’ aon appig. Ag anam hekkulag dayeb amu, ag heppeg, da, ahilag Kayak, ag da onil laa dilag neekkakppa heppeg, nauhak daakku. Da am Yawe.

Jeremaia 12:16

Ag anam daana, ag anukka ag kayak hambuppuak Bal dim lamidna, dahilad danab ah ahilag nai Bal onigppa ɠagattag qettaglagnu ippunadppig, ag butti aɗi haen amuppa amubia ag dahilad danab ah dilagppanu ippunittak ena aon autna aonna, ag da dim lamiɗna, ag da onilppa ahilag nai ɠagattag qettaglagnu, ag, ‘Yawe genab bau daatte, genab amu bia,’ akkulag dayeb amu, danab ah amu ag ele dahilad danab ah daaglag.

Aisaia 65:16

Aun laa nug Juda wanppa laanu, “Nahip-ppa enaib bekkunu ool daatte,” akku amu, nug Kayak doyak diig genabib ohnu diig daatte onigppaib amu hekku. Ao, laa nug Juda wanppa nuhig nai ɠagattag qedakkunu hette amu, nug Kayak doyak diig genabib ohnu diig daatte onigppaib amu hekku. Nug amu hekkunu diig am, Yawe Nug heeb, uug tatam daappig ohnab am iitta mekku; iinab daamna. Yawe Nug amunu, “Tumainu uug amu, da heppi ii daama,” akku.

Aisaia 45:23

Da dakka, dahil nai da onilppa ɠagattag qettami; amu da geha aɗi keeke hekkulnunab ami amu, da genab hekkul. Da dahil nai qakkak amu eɗuen ii aopa; anamib daakku. Amu nai amuam danab ah oh ag da noolppa gatelag qaun ona, da binal mena, ag oh ahilag nai ɠagattag qettan, ag dahilnu inam akkulag.

Sam 63:11

Amge king nug am Kayaknu oo gamag ahakku. Ao, laa oh ag Kayak onigppa ahilag nai ɠagattag qena atteb amu, ag Nug binag mekkulag. Aɗinu? Nug heeb, hambuppuak danab, ag toettak daaglag.

Duteronomi 10:12

Gemu amu, ag Israel, ahilagnu amu, Yawe, ahilag Kayak, Nug ag aɗi hekkulagnu atte? Nug ag imu hekkulagnu atte. Nug ag nuhignu ebehilag oh bodoetta le meeb, nuhig nai dim lamidnana, nuhignu oo mauhak doonna, ag Nug waappa daan Nug oɗe dim lamittak kobol ag meulag ohppa, oolag ohppa ele hekkulag.

Josua 2:12

Anam amunu, da inam hekkulahnu aa oɗ matattem. Da ahilahnu oo bodoettak doyen, ena hatami amunu, aa Yawe onig aoya, Nug onigppa ahilah nai ɠagattag qeya mattiya, da mamel baekkudppan dilagnu oo bodoettak dooya, ena heigkkulahnu oɗ matattem. Aa da amelppa nai amu ɠagattag qeya madipeɗ, nai amuam aa hepeɗ, da, da mamel, anil, awalad, lailad, apalad, makkelad, o aun laa oh ahilagnu amu, ag Israel ag uɗin, wan imu aonna, ag ig ii iqamna, ag heppeg ig ii mauhmatanu at ɠagattag daakkunu oɗ matattem,” awa aum.

Sam 15:4

ag danab kobol uɗig wak hetteb ele dilagnu ena iinab dootteb, amge ag laa, ag na Yawe, ag nahipnu ebehilag oh bodoetta le mette ele, ag amu dilagnu binalag metteb, ag aɗi keeke hekkulagnu ahilag nai ɠagattag qena appig ele amu, ag nai amu dim lamidkkulagnu guittak doottebtai, amge hetteb,

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Jeremaia 5:7

Da anam dabmemi, amu Yawe Nug inam atte. “O Juda danab ah, da attem hein, bu ii madapa? ⌊Ag eheɗ heegeg,⌋ ag bekkalkad ag da dimeɗan, ag kayak laala, ag kayak hambuppuak amu onilagppa ahilag nai ɠagattag qedatteb. Da ahilag keeke oh ag bau daaglagnu ag mattami, amge ag ohnab ag kayak hambuppuak laulkadppa gona, nug noobppa dup nona binag mena, ah appa daatteb ele, ag amu ele ewau pakkuna gappai kobol hetteb.

Jeremaia 5:2

Aab okkai amuppan danab ah ag ahilag nai ɠagattag qettaglagnu ag, ‘Yawe Nug genab bau daatte, genab amubia,’ atteb, amge ag nai amu hamu atteb. Ag ahilag nai amuppa ag aɗi keeke hekkulagnu maditteb, amge ag ii dim lamidtteb,” awa aum.

Matyu 5:33

Aria, da baula ele attem. Anukka ag mamelkad ag nai aoppig amu, ag nai amu dootteb. Nai amuam inam. ‘Na nai nahip Naɗi noobppa, keeke laa onigppa ɠagattag qettana, aɗi keeke laa hekkutnu ame amu, na aakku he! Na nahip nai amu aib tippalme,’

Eksodas 20:7

Da am Yawe, nahip Kayak. Na da onil hamu aib diime. Aɗinu? Da danab o ah aun nug da onil hamu diitte ele, da nug bu medakkul.

Eksodas 23:25

Ag daib, da am Yawe, ahilag Kayak, ag daib da noolppa dup nona binal mekkulag dayeb amu, da ag ena itatte, ag ee madakkul, le ele madakkul, amu da ahilag oɗe ele heppi, iitta mekku.

Duteronomi 5:11

Da am Yawe, nahip Kayak. Na da onil hamu aib diime. Aɗinu? Da danab, o ah aun nug da onil hamu diitte ele, da nug bu medakkul.

Josua 23:7

Ag aib Kanan danab, wan imuppa daatteb ele layam daappig. Ahilkad kayak aib onilag diippig. Ag aib kayak amu onilagppa ahilag nai ɠagattag qedappig; ag aib ahilagnu dup nona binalag meppig, o ag waalagppa daan, ag oɗelag dim lamidppig.

1 Samuel 7:3

Israel danab ah ag anam heegeg, Samuel nug ag amelagppa aum. “Ag meulag ohppa oolag eɗue, Yawe dim lamidkkulagnu hetteb dayeb amu, ag laa dilag kayak hambuppuak dottolkad, amu kayak hambuppuak Astoret iɗu iɗu dottolkad agappeg goppeg, ag noolkadppa dup noa binag mak hekkulagnu uueg! Ag anam henana, ag beɗulag oh agappeg, Yawe, nuhigppa ukkeb, Nugib waappa daan, Nug oɗeib dim lamitteg! Ag amu heppeg, Nug ag Pilistia danab eppelagppanu eɗua diiadkku,” awa aum.

1 Samuel 20:3

Jonatan anam aum, amge Dawit nug nuhig nai ɠagattag qetta, nug nob ma amegppa aum. “Na mamen nug na dahilnu ena doottem dootte amunu, nug inam dabmette. ‘Jonatan nug da Dawit qeppi mauhkkunu hettem doya amu, nug ooppa guittak naunab dookku. Nug anam dookku amunu, nug aib amu doyom!’ Nuhig dabmak anam daatte amunu, nug da iweb mauhkkulnu hette amu, dabmak amuam nuhigppaib lokkumak daatte. Nug amu hette am, na nuhig dabmak amu ii doottem, amge Yawe genab bau daatte, na ele genab bau daattem, genab amubia na mamen nug da iweb mauhkkulnu hette; dahil mauhak amu miagnab daatte,” awa aum.

2 King 17:36

Ag Israel, ag amu ii hemana. Iitta. Ag da, Yawe, da dahil ɠagattag naɗippa, da ebehilppa da ag omalatti, ag Isip uun uɗippig amu, ag da noolppaib dup nona binal meɗaglag. Ag da noolppaib gatelag qaun ob, dup nokkulag. Ag doɗ manadna, daib meɗaglag.

Aisaia 48:1

Ag Juda, ag ahilag nai ɠagattag qettaglagnu henana, ag Yawe onigppa ɠagattag qedatteb. Ao, ag ahilag nai ɠagattag qettaglagnu henana, ag Israel dilag Kayak onigppa hetteb. Ag amu hetteb, amge ag doyak diig genabib, ag amuppa ii hetteb. Ge! Ag kobol genab tutukkuppa ii hetteb. Amu ag Jerusalem, aab amuam Yawenu tituanak daatte amu, ag aab amunu, “Am ihinig aab okkai,” atteb. Ag anam anana, ag Yawe Nukka Ɠagattag Oh Ele, ag nuhig ehanittakppa ena oittebnu ele atteb. Ag amu hetteb, amge O Jakop buɗub, laa ahilagnu Israel atteb amu, ag doyeg! Ao, ag Jakop buɗub, ag alalag Juda amu, ag doyeg!

Genesis 24:3

na Yawe, Nug hab aabppanu Kayak, wanppanu Kayak ele daatte amu, na Nug onigppa nahip nai ɠagattag qena, na da bekkal wau Kanan danab, da ag oolagppa oittem, na ahilagppanu da bekkalnu ah laa ii aomna.

Duteronomi 13:5

Propet hambuppuak, o danab nug tul niitte, amge tul amu Yawenu ii uɗitte, danab amu nug ag Yawe, ahilag Kayak, nug ag Nug dimettaglagnu hette ele, ag nug qeppeg mauhkkuoitte. Aɗinu? Nug ag Yawenu nai tabappeg neeb oiglagnu aum. Yawe, ahilag Kayak, Nug ag Isipnu diia, omalatte uɗippig. Ao, Nug ag Isip appa begbeg maɗi nid daaegeg, Nug nuhig ɠagattag okkaippa ag amunu qagaiettakppanu eɗua uhuqak heum. Danab hambuppuak amu hette ele, nug ag ib laa, ib Yawe Nug ag dim ii lamidmananu haknunab aum amu, nug amuppa gokkulagnu hette. Kobol nau ag oolagppa daamanu, ag heppeg, aib dayom!

Josua 24:14

Amu Josua nug nai amu mattiowa, nug tuɗitta aum. “Gemu amu, ag Yawenu ebehilag oh bodoetta le meeb, ag Nug waappa daan, Nug oɗe dim lamidkkulagnu oo metta ii uuak kobol tutukkuppa heig! Ag mamelkad aɗi Yupretis le laih appa, Isip wanppa ele kayak hambuppuak noolagppa dup nona binalag meppig ele amu, ag kayak hambuppuak amu oh agappeg goppeg, ag Yawe, Nugib waappa daan, Nug oɗe dim lamitteg!