Duteronomi 5:4 - Nobonob Baibel

⁴ Yawe Nug qaukoppa aab dittiak ooppa mattieye, ig amenigppanab anidta doomut.

Duteronomi 5:4 Referans Kwoze

Duteronomi 34:10

Mosesnu haen dimppa propet laa Israel oolagppa Moses bia am iitta. Am Yawe, Moses ele, aa nug amegppanab nai madipiɗ

Duteronomi 4:36

Nug ag toliadkkunu, Nug he, ag Nug baag hab aabppanu dooppig. Nug ag nai madakkunu, Nug wanppa aab dittiak naɗippa dayaya, nai mattieye, nuhig ɠagattag okkai ag anidppig.

Duteronomi 4:33

Danab ah wan laalappanu ag Kayak aab dittiak ooppa dayaya, nai mattieye doon, ag bau daappig laal elete? Iitta! Ag, Israel, agib anam heppig.

Eksodas 19:9

⌊Nug ta, ahilag nai amu ii mattie,⌋ amu Yawe Nug Moses amegppa inam aum. “Danab ah ag nai da na amenppa attem dooglagnu, ag hanhan na nai akkut amu, ag oolagppa genab dooglagnu, da geha lombig teppu okkai eleppa nein dayeye, na gumitte neppi, da na ele nai mattignih,” awa aum. ⌊Amu haen⌋ Yawe Nug anam a, Moses nug danab ah nai appig amu, nug nai amu Yawe amegppa mattiom.

Eksodas 33:11

Ag anam heeg, Yawe Nug Moses amegppanab nai mattiom; danab layag amegppa nai maditte, anambia nug Moses amegppa nai mattiom. Yawe Nug nai amu mattia male, aria Moses nug eɗua, haen tutu dayaknu aab kalakppa gottom, amge Mosesnu maɗi nid, nid danab bau, Josua, Nan bekka, nug am lag ooppa daattom. Nug peh lag amu ii uuttom.

Namba 14:14

Na danab ah imu heppe, padal mekkulag dayeb amu, Isip ag danab ah wan ig gottemppa daatteb, ag amu amelagppa nahip ɠagattag okkaippa danab ah imu ehanatte, ag Isip uun uɗieg, ippa na hee, padal mena, iitta meppig appeg dooglag. O Yawe, ig gottem ele, danab wan amuppanu ag na danab ah imu ag ele daattem amu, ag dooppig daatteb. O Yawe, danab wan amuppanu, ag na Israel, na ahilagppa tulan wae anidttebnu amu, ag dooppig. Nahip lombig am Israel, ag tonatta daattenu amu, ag dooppig. Na amunppa lombig teppu ele attan tak amuppa daanna, noolag aon omaladna gonana, tuqanppa na aab ewak okkai attan takppa daanna, ag noolag aon omaladna gottem amu, ag dooppig.

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

Eksodas 20:1

Amu Kayak Nug nai imu oh aum.

Duteronomi 4:12

Aakku Yawe Nug aab dittiak ooppanu ag amelagppa nai mattiom. Ag nai mattiom dooppig, amge ag beɗu am ii anidppig; baag aakkuib dooppig.

Duteronomi 4:15

Yawe Nug Horep qaukoppa, aab dittiak ooppa dayaya, ag nai mattom am, ag beɗu ii anidppig amunu, ag dabmeig!

Duteronomi 5:22

Yawe Nug baag okkaippa nai amu ag amelagppa mattiom. Aab dittiak, lombig, amu gatatunab ele qaukoppa dayeye, Nug amuppa dayaya mattiom. Nug nai amu aakkuib haen amuppa mattiom. Nug nai nuhig men maha otalappa ele ya, ag mattom.