Duteronomi 5:32 - Nobonob Baibel

³² ⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Duteronomi 5:32 Referans Kwoze

Prowerb 4:27

Na ib tutukku, amuib mattan oiye! Na aib naɗiap-ppa, o iitta, nanehppa gome. Na kobol eheɗ aib heme.

Josua 23:6

Amunu ag ɠagattag dayeg! Nai dim lamittaknu amu, ag Ɗo Nai Buk Kayak Nug Moses amegppa a, Moses nug bukppa yom amu, ag buk amuppa yaak oh daatte amu dabmettan autna aon, dim lamitteg! Ag ɗo nai amu uun, laih naɗiap-ppa, o laih nanehppa aibnab goppig.

Josua 1:7

Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.

Duteronomi 17:20

Laa ele amu, nug laikkud laa dilagnu, “Da ag eɗadttem, da am enanag,” doomnanu, nug ɗo laippu laa ii dim lamidmanu, nug anam hekku. Anam heeb, nug am, nug buɗub ele ag Israel haen elabnab gumadkkulag.

Duteronomi 28:14

Ag da haknunab anak nai attem imu aib ii dim lamidppig. Ag haknunab anak da attem imu tutukkunab henana, ag aib kayak laala waalagppa daan ag oɗelag dim lamidppig.

Esekiel 37:24

Da anam heppi, dahil maɗi nid Dawit, nug ahilag king dayaya, nugib ahilag gumak danab, danab sipsip gumadtte bia, daakku. Anam amu Israel ag dahil ɗo iɗu iɗu elele dim lamidkkulag.

Duteronomi 24:8

Ag gaɗalagppan oɗe nau ohnu amu, ag mana mettak danab, ag ele am Lewi buɗub amu, ag amu dilag nai oh dim lamitta haknu atteb amu dim lamitteg! Da haknunab anak nai mana mettak danab mattami amu, ag amu dim lamitteg!

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Duteronomi 11:32

ag ɗo iɗu iɗu oh gemu da ag madattem imu oh tutukku dim lamidkkulagoitte.

Duteronomi 8:1

Ag bau daan, abatak kuɗum bena, ag geha wan, Yawe Nug ag mamelkad aɗi madakkunu nuhig nai ɠagattag qetta aum, ag amuppa nona, aon daaglagnu amu, ag haknunab anak nai, gemu da ag madattem imu, ag dabmettan autnanab aon, dim lamitteg!

2 Pita 2:21

Anam daatte amunu, ag kobol tutukkunu ib ii doolob, amuam nau, amge ag ib ena doonna, eɗun ib eheɗ oina, ag Kayaknu ɗo nai ag aoppig ele dimettaglag dayeb, amuam naunab nau.

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!

2 King 21:8

Amu danab ah dahilad ag pehettak dahil haknunab nai oh dim lamidna, ag dahil ɗo nai oh ele, Moses, dahil maɗi nid, nug ag mattom amu, ag amu ele dim lamidppeppeg, aria da geha baula wan anukka da ag mamelkad aɗi mattami, ag gemu daatteb ele, da baula heppi, ag amuppanu laih gona daan ii oimna,” awa aum.

Duteronomi 6:25

Amu ig Yawe, ihinig Kayak, ig Nug haknunab anak oh ig mekkom, Nug noobppa pehettak dim lamidkkunig dayeb amu, amuam genab tutukku hak kobol ihinig daakku.” Nai amuam ag nid naunau ahilkad tutukku appeg dooglag.

Duteronomi 6:3

O Israel danab ah, ag wan laa, wan amuam enanag, wan ittag ele, amuppa ee meu huana otte, ag amuppa nokkulagnu daatteb, amu appa ahilagppa ena, elele ba daakkunu, wan amuppa, ag nid kuɗum ele daaglagnu, Yawe, ag mamelkad aɗi dilag Kayak, Nug ag anam daaglagnu nai anan qakkom, amubia bekkunu, ag da keeke ohnu attem imu ag daulag human doon, tutukku dim lamitteg! Aria, haknunab anak, ɗo ele da ag ippunadppi, ag dim lamidkkulagnu daatteb am inam.

2 King 17:37

Ag dahil haknunab nai, dahil ɗo iɗu iɗu oh ele, nai da ye ag mattami amu, ag amu dim lamidkkulagoitte. Ag kayak hambuppuak noolagppa aib dup nona binalag meppig.

2 King 22:2

Josaia nug Yawenu neekkakppa kobol genab tutukku ele dim lamittom; nug alag Dawit kobol oh heum bia, nug heum. Nug ib ena dim lamittom. Nug ib eheɗppa ii ukkom.

Esekiel 20:19

Da am Yawe, ahilag Kayak. Ag dahil ɗo iɗu iɗu dabmettan, pehettak dim lamidna,

Duteronomi 6:17

Ag Yawe, ahilag Kayak, ag ebehilag qaietteb dabmena autnanab aonna, nuhig haknunab anak nai dim lamidkkulagoitte. Amuam ɗo iɗu iɗu oh Nug ag mattom.

Duteronomi 17:11

Ag ɗo uug amunu aɗi ippunadtte anidna malana, aun eheɗ heum, eheɗ ii heum ele anidna, laa eheɗ heum nug aɗi bu aokku ele anidna appeg amu, ag anam haknu appig, amubianab ag hekkulagoitte. Ag aib dabmak laa aon baolippig.

Duteronomi 29:8

Ig ahilah wan aot, Israel dilag huu okkai Ruben, Gad amu Israel dilag huu okkai Manase mahaib ele, ag aulag daakkunu mattamut.

Sam 19:12

Auntai laa nug nuhig eheɗ hak doyaya ii hette oh ele, nug amunu oo maittak aokkunu elelete? Laa iitta. O Kayak, na oot da meɗan, hipunin da doyeye heinne, ii hettem ele amu, na uhuqna meɗakkutnu oɗ medattem.

Sam 80:19

O Yawe Kayak Nakka Ɠagattag Oh Ele, na eɗun aigppe, nagattoppa wakkunignu oɗ medattem. Ao, na ehanigppe, ig padal ii mematanu, na ig ele daagnignu, na oot ihinignu ena daakkunu unuqidttem.

Prowerb 3:2

Na anam hekkutnu diig am, dahil ippunittak nai, dahil haknunab anak ele aa hepeɗ, na geha haen elab bauklel daakkut. Ao, aa hepeɗ, na ena daakkut.

Aisaia 30:21

Ag oippeppeg, ag dimulagppa baag laa ag ib attem aon gokkulagnu ippunadkkunu, “Ib iikku, aakkud ukkeg!” ab dooglag. Aɗinu? Ag oinna, ag ib naɗiap-ppa gokkulagnu daatteb dayeb amu, ag baag doon, naɗiap-ppa gokkulag. O ag ib nanehppa gokkulagnu daatteb dayeb amu, ag baag doon, nanehppa gokkulag.