Duteronomi 5:29 - Nobonob Baibel

²⁹ O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Duteronomi 5:29 Referans Kwoze

Aisaia 48:18

Ag dahil nai, dahil ɗo ele tutukku dabmena dim lamidlob am ena, amge ag ii heppig. Ag anam helob amu, ahilag maɗoɗ am le hanhan ugakkaib daatte bia daalo. Ag helob amu, ahilag genab tutukku hak kobol am yu duban qa gotte uɗitte, ahilag genab tutukku hak kobol am anam daalo.

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.

Matyu 23:37

O Jerusalem, Jerusalem, na propet aqae mauhtteb, maɗi nid Kayak nahip-ppa maatte uɗitteb ele, na ag ele menppa aqae mauhtteb. Da haen kuɗum na begapad, matuk anig nakkud haugppa qagmaatta tonadtte, amubia qagmaadkkulnu hemi, amge ag uuppig.

Luk 19:42

Nug aum. “O gadon, ag maɗoɗ daaglagnu ib ii dootteb. Uug awak haen ahilag am miagnab, amge ag attemun maɗoɗ daaglagnu ib amu anidlob, ag uug amu ii anidlob, amge ib amuam ag amelagppa lokkumak daatte.

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Duteronomi 5:16

Na da Yawe, da haknunab nai mattami bia, na mamen, anin ele binalah mate! Ge! Na wan laappa, da Yawe, nahip Kayak, da na medakkulnu hettem amu, na appa haen elab daakkutnu, nahip-ppa ena elele ba daakkunu amu, na anam hekkut.

2 Korint 5:20

Ig Kristus oɗe aota, nuhig nai madittem. Kayak, Nug ig oɗenigppa ag nai madatte bia amu, ig Kristus onigppa danab oh amelagppa, ag kekeɗ kobol uuna, ag Kayak ib babaittom ele amu, ag ib amu dim lamidna, Kayak ele oolag laippu daaglagnu unuqadttem.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

Jems 1:25

Amge ɗo elelenab, ɗo amuam ig hipuninppanu uhuqigtte amu, danab laa nug ɗo amu diig neekka aut autanab awa, tutukku dim lamitta, nug ɗo amu ele daug ii atitte, nug dim lamidtte amu, Kayak nug danab amu itittak ena medakku.

Epesus 6:3

Kayak nai ɠagattag qetta aum am inam. “Nahip-ppa ena, elele ba daakkunu, na haen elab wanppa daakkutnu amu, na ɗo amu atte bia hekkut.” Kayak nai anam awa atte.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Jon 15:14

Amu ag da haknunab anak nai ag mattami dim lamidtteb dayeb amu, ag da lailad daatteb.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Jeremaia 44:4

Haen kuɗum da dahilad maɗi nid, ag propet, da ag maatti gona, ag da oɗel aon, Juda danab ah amelagppa, “Ag kobol nau, da kobol amunu oolppa uuaknab doottem, kobol amunu da nau ninig ele doottem amu, ag kobol amu aib heppig,” appig,

Aisaia 3:10

Imu dabmenan oiyeg! Genab tutukku hak danab ah dilagnu amu, ahilagnu am ena. Aɗinu? Ag ahilag haknu meu ena aon daaglag.

Sam 106:3

Danab ag nai doya mala hettoɗia epeɗia elele mettak kobol dim lamidtteb ele, ag itittak ena aoppig daatteb. Ao, laa ag hanhan genab tutukku hak kobol ele dim lamitteb amu, ag itittak ena aoppig daatteb.

Sam 19:11

Am da, nahip maɗi nid, da nahip ɗo aɗe dabmedakkul dayeb amu, da eheɗ hein, nau aopanu dabmak meɗakku. Danab ah ag aɗan dabmettaglag dayeb amu, ag geha nob ena okkainab aoglag.

Rut 3:1

Aria, haen laa ukke, Naomi nug Rut amegppa aum. “O aɗel, da heppi, na gamut laa aoppe, na nug ele aa laulahppa daayya, nug na atognoidkkunu ib laa anidkkul dayeb amu, da amu iite bappaidpa?

Duteronomi 22:7

Am na nahip-ppa ena ba daakkunu, nahip bau dayak haen elab daakkunu amu, na nag aokkut, amge anig am uuppe ukkaɗ!

Duteronomi 19:13

Ag aib qe mauhak danab amu, nuhignu oolag doyom! Ag danab qe mauhaknu aab ele, nug ag oolagppa daamanu heppeg, aib dayom! Oiyak ahilag ena bekkunu amu, ag anam heig!

Duteronomi 12:28

Amu ahilagppa, ahilkad nid dilagppa ele ena, elele ba daakkunu amu, ag haknunab anak amu tutukku dabmettan dim lamitteg! Ag anam hekkulag dayeb amu, keeke oh ahilagppa ena gokku. Am ena gokkunu diig am, ag Yawe, ahilag Kayak, ag Nug nuhig neekkakppa aɗi am ena, aɗi am tutukku amu, ag amubianab hekkulag.

Duteronomi 12:25

Am keeke oh ahilagnu, ahilkad nid naunau dilagnu ele, ena gokkunu amu, ag aib tiig lappig. Ag amu hekkulag dayeb amu, keeke oh ahilagppa ena gokkunu diig am, ag Yawe, Nug nuhig neekkakppa aɗi am tutukku, ag amubianab hekkulag.

Duteronomi 6:18

Am ahilagppa ena, elele ba daakkunu amu, ag Yawe noobppa kobol tutukku, kobol ena ele hena, amu ag Yawe Nug wan ena, ag mamelkad aɗi madakkunu nuhig nai ɠagattag qetta aum eleppa nona aon daaglag.

Duteronomi 6:3

O Israel danab ah, ag wan laa, wan amuam enanag, wan ittag ele, amuppa ee meu huana otte, ag amuppa nokkulagnu daatteb, amu appa ahilagppa ena, elele ba daakkunu, wan amuppa, ag nid kuɗum ele daaglagnu, Yawe, ag mamelkad aɗi dilag Kayak, Nug ag anam daaglagnu nai anan qakkom, amubia bekkunu, ag da keeke ohnu attem imu ag daulag human doon, tutukku dim lamitteg! Aria, haknunab anak, ɗo ele da ag ippunadppi, ag dim lamidkkulagnu daatteb am inam.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Duteronomi 5:30

Gona appe, ag eɗun ahilkad pehppa ugatteg!

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Sam 78:7

Ag menuattak huu laippu bia oh ag anam hekkulag dayeb amu, menuattak huu laippu bia anen anen dokkulag amu, ag ele Kayaknu oolagppa genab dooglag. Ag Nug aɗi aɗi heum ii daulag atima. Ao, ag nuhig ɗo dim lamidkkulag.

Jeremaia 42:6

Yawe, ihinig Kayak, na Nug unuqidkkutnu ig meittut gottem ele, Nug aɗi akku amu, ig ena, elele daagnignu, Nug keeke ig oonig hette hekkunignu akku dayeb, o Nug keeke ig oonig ii hette hekkunignu akku dayeb, am keeke hamu. Ig Nug aɗi akku aakkuib dim lamidkkunig. Aɗinu? Ig anam hekkunig dayeb, am ig ena, elele daagnig,” aon appig.

Duteronomi 4:2

Haknunab anak da ag madattem amu, ag nai laa aon, nai da madittem imu ele aib tuɗidppig; ele amu, ag nai da madittem, ag nai amuppanu nai laa ele aib okkulppig. Iitta. Ag haknunab nai imu, da Yawe, ahilag Kayak, da nuhigppanu madattem amu, ag nai amu dim lamittak aakkuib hekkulag.

Duteronomi 4:10

Anukka, Horep qaukoppa appa Yawe, ahilag Kayak, Nug da amelppa inam aum. “Na danab ah qagmadappe, da nai appi, ag dahil nai dooglagnu, ag doon, ag wanppa bau daatteb, haen amu oh ag dahilnu ebehilag oh bodoetta le mekkunu, ag nid naunau ahilkad dahil ɗo ele ippunadkkulagnu da noolppa dayeg!” Nug da amelppa anam a, da hei, ag Horep qaukoppa Nug noobppa qagmeppig amu, ag deɗ amu aib daulag atiom. Iitta! Ag daulagppa dayaɗ!

Duteronomi 6:17

Ag Yawe, ahilag Kayak, ag ebehilag qaietteb dabmena autnanab aonna, nuhig haknunab anak nai dim lamidkkulagoitte. Amuam ɗo iɗu iɗu oh Nug ag mattom.

Duteronomi 8:6

Ag Yawe, ahilalag Kayak, ag haknunab anak nai nuhig dim lamitteg! Ag ib oiglagnu aum, ag amuppa oinna, ag nuhignu ebehilag oh bodoetta le maɗ!

Duteronomi 10:12

Gemu amu, ag Israel, ahilagnu amu, Yawe, ahilag Kayak, Nug ag aɗi hekkulagnu atte? Nug ag imu hekkulagnu atte. Nug ag nuhignu ebehilag oh bodoetta le meeb, nuhig nai dim lamidnana, nuhignu oo mauhak doonna, ag Nug waappa daan Nug oɗe dim lamittak kobol ag meulag ohppa, oolag ohppa ele hekkulag.

Duteronomi 10:20

Am ag ebehilag oh bodoetta le mak, Yawe, ahilag Kayak, nuhignu doon, ag Nug noobppa dup nona binag mak kobol nuhignu hena, nuhignab daaglagoitte. Ag ahilag nai ɠagattag qettaglagnu, ag Nug onigppa aakkuib amu hekkulagoitte.

1 Stori 29:18

O Yawe, ig mamenkad aɗi, Abraham, Aisak, Israel ele dilag Kayak, na heppe, nahipad danab ah ag hanhan, alet ele oolag enappa, oo qak iitta eleppa keeke na mettaglagnu, na heppe, ag nahipib dabmena oo metta ii uuak kobol dim lamidkkulagnu dabmak aɗan oiglagnu oɗ medattem.

Sam 19:12

Auntai laa nug nuhig eheɗ hak doyaya ii hette oh ele, nug amunu oo maittak aokkunu elelete? Laa iitta. O Kayak, na oot da meɗan, hipunin da doyeye heinne, ii hettem ele amu, na uhuqna meɗakkutnu oɗ medattem.

Sam 81:16

Amge da ag Israel danab ah, da ag ee ena ag mattalom. Ao, da ag ee ena ubuhi ele amu, da ag lakkulagnu mattalom.”