Duteronomi 5:24 - Nobonob Baibel

²⁴ Ag uɗina appig. “Antte! Yawe, ihinig Kayak, Nug binag amahlak oppiaawak nuhig, Nug dagom onig ɠagattag ele, Nug amu ele ig ippunikkom; ig Nug baag aab dittiak ooppanabnu doomut. Gemu ig anidmut, Kayak Nug danab amelagppa nai mattiom me, ig ina bau daattem.

Duteronomi 5:24 Referans Kwoze

Duteronomi 4:33

Danab ah wan laalappanu ag Kayak aab dittiak ooppa dayaya, nai mattieye doon, ag bau daappig laal elete? Iitta! Ag, Israel, agib anam heppig.

Eksodas 19:19

trampet baag nug okkai me ukke ukke, okkainab meum. Anam heehe amu, Moses nug Kayak amegppa mattie, Kayak Nug baag okkainab, hakkaɗ qak bia, amuppa nob meum.

Eksodas 33:20

Amge danab laa nug da iɗul anidkku dayeb amu, nug mauhkku amunu, na da iɗul anidkkutnu am elele iitta,” awa aum.

Genesis 32:30

Anam amunu, Jakop nug aum. “Da Kayak ele nug iɗu anttak hemuɗ, amge danab ag anam hena mauhtteb, amubia da ii mauhmi.” Nug anam aum amunu, nug aben amu onig Peniel ataɗom.

Ikki Danab 13:22

Nug anam doya, wau amegppa aum. “I Kayak anidmuɗ amunu, geha mauhkkunih!” awa aum.

Eksodas 20:22

Moses nug anam te, Yawe Nug Moses amegppa aum. “Na appe, Israel danab ah ag nai dahil imu doyeg! ‘Da hab aabppanu ag amelagppa nai mattimi amu, ag amu doon malappig.

Duteronomi 5:23

Amge aab dittiak qauko amahalitte dayeye, gatatunab ele dayeye, gatatu amuppa, ag baag doona, haen amuppa ag ahilkad ikki danab, Israel dilag huu okkai anen anennu, ag da gumiɗna uɗippig.

Duteronomi 5:25

Amge gemu amu, ig aɗinu mauhkkunig? Ig amu madittemnu diig am Yawe, ihinig Kayak, Nug ig amenigppa nai baula mattilo amu, ig genab mauhlom; aab dittiak naɗinab umu ewikkeb, iitta mekkunig.

Duteronomi 32:3

Da Yawenu madikkul. Ihinig Kayak Nug onig, ɠagattag okkai ele. Ig Nug binag metu!

Genesis 32:31

Dimppa aam be, Jakop nug Penielnu aha, autaut ukkom. Aɗinu? Nug maɗog am guittak awom.

Namba 14:14

Na danab ah imu heppe, padal mekkulag dayeb amu, Isip ag danab ah wan ig gottemppa daatteb, ag amu amelagppa nahip ɠagattag okkaippa danab ah imu ehanatte, ag Isip uun uɗieg, ippa na hee, padal mena, iitta meppig appeg dooglag. O Yawe, ig gottem ele, danab wan amuppanu ag na danab ah imu ag ele daattem amu, ag dooppig daatteb. O Yawe, danab wan amuppanu, ag na Israel, na ahilagppa tulan wae anidttebnu amu, ag dooppig. Nahip lombig am Israel, ag tonatta daattenu amu, ag dooppig. Na amunppa lombig teppu ele attan tak amuppa daanna, noolag aon omaladna gonana, tuqanppa na aab ewak okkai attan takppa daanna, ag noolag aon omaladna gottem amu, ag dooppig.