Duteronomi 5:13 - Nobonob Baibel

¹³ Mettid ohppa na deɗ eblaih laippu ele uɗat henana, na nahip uɗat oh hekkut,

Duteronomi 5:13 Referans Kwoze

Esekiel 20:12

Da ag tituanatti, ag dahilnu tituanak daaegeg, da ag amu dabmettalagnu at daakkunu da ag dahil Sabat deɗ ag mattami. Da ag da, Yawe, da hei, ag dahilnu tituanak daatteb dooglagnu Sabat deɗ, at daakkunu ag mattami.

Luk 23:56

Ag anttona amu, ag eɗun lakka gona, ag spais, leppu muttuɗig enanag ele Jesus beɗu laaittaknu amu babaittona, ag Sabat amu, ɗo atte bia, ag hik aoppig.

Eksodas 23:12

Ahilkad donki, ahilkad makau okkai ebehi ele, ahilkad begbeg maɗi nid, amu wan laihnu danab ele amu, ag oh hik aon, ɠagattag bau aoglagnu, mettid ohppa amu, ag deɗ eblaih laippu ele uɗat hekkulag, amge deɗ eblaih aɗitppa amu, ag uɗat aib heppig!

Eksodas 20:9

Mettid ohppa na deɗ eblaih laippu ele uɗat henana, na nahip uɗat oh hekkut,

Eksodas 34:21

Mettid ohppa ag deɗ eblaih laippu ele uɗat hekkulag, amge deɗ eblaih aɗitppa ag uɗat ii hemana, ag hik aweg! Datta wan obatak dayeb, o datta ee oɗuom, awa lakka mak haen daakku dayeb amu, ag amunu aib uug aqom, amunu ele dabmak aib aoppig. Ag deɗ ebqak eblaih aɗit ele amu, ag deɗ amuppa uɗat ii hemana; ag hik aweg!

Lewitikas 23:3

Deɗ eblaih laippu oh amu ag uɗat hekkulagnu daatte, amge deɗ eblaih aɗit ele amuam sabat deɗ, am hik awaknu deɗ. Deɗ amuppa ag Kayak noobppa qagmena dup nona Nug binag mekkulagnu deɗ. Deɗ amu, aben ag adeppa adeppa daatteb amu, deɗ amuam sabat; am Yawe binag awaknu deɗ.

Duteronomi 5:12

Na Sabat deɗnu amu, na deɗ hamu iitta, am deɗ da, Yawe, dahilnu tituanak daatte dabmettanna, da Yawe, ahilag Kayak, da ag hekkulagnunab ami amu, na amubia oiye!

Duteronomi 5:14

amge deɗ ebqak eblaih aɗit ele, amuam Sabat deɗ; deɗ amunu amu, da Yawe, ahilag Kayak, da ag hik aoglagnu deɗ amu mattami. Deɗ amuam Sabat; na deɗ amuppa uɗat aib heme. Ge, na, nahipad nid, nahipad maɗi nid maɗi ah ele, makau okkai ebehi ele nahipad, donki nahipad, nahipad doɗ laa, wan laihnu danab nug uɗia, ag oolagppa daatte, amu nahip maɗi nid maɗi ah ele ag na hik aon daattem bia, ag ele anamib daaglagnu, ag oh deɗ amuppa uɗat ii hemana.