Duteronomi 4:7 - Nobonob Baibel

⁷ Diig imunu ag anam mattiglag. Yawe, ihinig Kayak, haen ig Nug unuqittutut amu, Nug ig ele guguikkak daatte, amge wanppan wan laa, wan ɠagattag ele, wan amunu kayak anam ii hette.

Duteronomi 4:7 Referans Kwoze

Sam 145:18

Yawe Nug danab ah oh ag Nug onigppa etteb ele, Nug ag guguattak daatte. Ao, Yawe Nug danab ah ag kobol doyak diig genabibppanu betteb, ag amu dim lamidnana, ag Nug onigppa etteb ele amu, Nug ag guguattak daatte.

Sam 34:18

Yawe Nug laa ag oolagppa guittak okkainab, nau ninig ele dootteb amu, Nug ag gukkuatta daatte. Ao, aun aɗi ag oolagppa, “Da eɗue bau ii daapa,” dootteb ele, Nug ag ehanatte, ag padal ii metteb.

Sam 73:28

Dahilnu amu, da Kayak guguitte daakkulnu am ena! Da Naɗi Yawe Nug dahil padal mak eɗitteb ena daakkulnu ehanittak daakkunu oɗ mettai, Nug anam daatte. Da keeke ena okkai okkai oh Nug hette amu, da laa oh amelagppa akkul.

2 Samuel 7:23

Laa amu, aun aɗi laa ag nahipad danab ah, Israel, ag ag bia daatteb? Laa iitta. O Kayak, na huu laa ag begbeg maɗi nid daaegeg, na ag nahipad daaglagnu na ag begbeg dayaknu qagaiettakppanu eɗua uhuqak hemete? Iitta. Na nahipad danab ah Isip wanppanu dayaknu qagaiettakppanu eɗua uhuqak heme, amuppa na he, danab ah oh ag na onin dootteb. Na kobol okkai naɗi, danab hekkunu elele iitta, danab antta nug ebehi oh bodoetta le mette amu, na amu henana, amuppa na hee, nahipad danab Israel, ag Kanan wan imuppan danab, ahilkad kayak hambuppuak ele lamadppig.

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

Aisaia 55:6

Gemu ag Yawe anidna dim lamidkkulagnu mattiglagnu elele daatteb amunu, ag Nug anidna dim lamidkkulagnu Nug mattieg! Ao, gemu, Yawe Nug ag gukkuattak daatte amunu, ag Nug unuqitteg!

Sam 46:1

Kayak Nug am padal mak eɗitta ena dayaknu ehanittak ihinig, amu ɠagattag ihinig ele daatte. Nug ig uugppa daapput ehanigkkunu, hanhan guguikkak daatte.

Sam 148:14

Yawe he, laa nug nuhikkud danab ah dilag king daatte. Laa aun aɗi ag nuhikkud danab ah daatteb, ag nuhignu oo metta ii uuak kobol dim lamidtteb ele, ag king amu binag mekkulagnu elele. Ao, Israel danab ah ag Yawe guguittak daatteb, ag king amu, ag Nug binag mekkulagnu elele. Ag Yawe binag meig!

Aisaia 43:4

Da ag Israel, ahilagnu da ool madattem, ag dahil neekkakppa ag binalag ele; da ahilagnu ool mauhtte. Anam amunu, da heppi, danab laa ag oulag daappeppeg, ⌊da amuppa eɗuen, ag aben enappa maadkkul⌋. Ao, ag Israel, ag mauhmananu da heppi, danab ah ag oulag daappeppeg, ⌊amuppa da ag ehanadppi, ag ena daaglag⌋.

Duteronomi 5:26

Aɗinu? Ig danab ig mauhttem ele, amu ig oonigppanu danab auntai laa nug, ig hemut bia, nug Kayak, hanhan bau daatte, Nug aab ewak laa ooppanu nai mattieye doya, bau dayom? Laal iitta.

Namba 23:21

Nauhak laa Jakop buɗub dilagppa bekkunu gemu ii daatte. Ao, Israel danab ah ag qagaiettak laa anidkkulagnu ii daatte. Yawe, ahilag Kayak, Nug ag ele daatteb. Yo, Nug ahilag king daatte, amu ewak amu ahilagppa daatte.

Namba 23:9

Da qauko laa imu, aria qauko laala guguittak daatteb ele, ag oh ikkilagppa men eleib, amu da qauko imu igippanab hibaitte daye, da Israel danab ah anadttem. Yo, da qauko imu, amu qauko laala guguittak daatteb ele, ag oh attannab, amu da qauko imuppa hibaitte dayeye, Israel danab ah anadttem. Da Israel danab ah anadttem, me ag am danab ah ameg laa; ag wanppanu danab ah oolagppa ii daatteb. Iitta. Ag amu, ag akkanab awaittak laih daatteb. Ao, ag am wanppan huu laa oh ele dilagnu, ‘Ig ag ele oh laippu daatteb,’ ag amu ii dabmetteb. ⌊Iitta. Ag Yawe dim lamidtteb.⌋

Aposel 17:27

Kayak Nug amu heumnu diig am, danab ag hak nuhig amu anidna, ag Nug mattina dim lamidkkulagnu heum. Amu ag Nug mattina dim lamidkkulag, diig amunu ag Kayak, nuhigppa gokkulagnu ib mattinna, ib anidna gona, Nug anidkkulag, amge Nug ig laib laib ohppanu uma ii daatte.

Duteronomi 4:32

Ag anukkanabnu uɗiak, gemu batak dabmena antteg! Ge! Kayak Nug danab ah hattom haenppa uɗia, gemu batak, ag haen amu oh dabmenan antteg! Ag anam hewona, ag gona, keeke oh hab waappanu, amu wanppanu ele antteg! Ag amu henana, ag kobol naɗi okkai, Kayak Nug ihinignu heum ele amu, kobol amubia laa haen laappa, o aben laappa beumte, o iittate, ag amu antteg!

Duteronomi 26:19

Ag anam hekkulag dayeb amu, Nug heeb, ag wan laa oh eɗattak daan, ag binag okkai, amu onig okkai ele aoglag. Ag geha Yawenu oppiaawak ele daaglag. Ag am Yawe, ahilag Kayak, ag nuhignu daaglag. Nug heeb, ag anam daaglagnu nai anan qakkom amu, Nug amubianab hekku. Moses nug anam mattiom.

Sam 34:17

Yawe Nug genab tutukku hak danab ah, Nug ag ehanadkkunu unuqidtteb amu, Nug ahilag unuqittak dootte. Ge, Nug ag ehanatte, qagaiettakppa ii daatteb.

Sam 85:9

Genab, binag amahlak oppiaawak ele nuhig ihinig wan imuppa daakkunu, Nug danab ah ag nuhignu ebehilag oh bodoetta le mette ele padal ii memananu ehanadtte.

Sam 147:20

Nug nuhig nai wan laa anam ii mattom. Ag nuhig ɗo ii dootteb. Ag Yawe binag meig!

Duteronomi 33:29

O, Israel, ag itittak ena aon malappig! Auntai laa ag bia laa iitta. Yawe Nug nukka ag padal memananu ehanattom. Nug am ahilag guppiɗ, ahilag ehanittak, ahilag qep elab enanag ele. Ahilkad kekeɗ ag ag noolagppa ag beɗulkad aɗappeg neeb, ag Israel ag ahan, tappaladppeg nokkulag,” awa aum.