Duteronomi 4:46 - Nobonob Baibel

⁴⁶ Ag haen tutu dayaknu aab Betpeor guguittak appa oolnu noakppa kalan daaegeg, haen amuppa nug mattom. Betpeor am Jodan lenu kaɗag uɗitteppanu, appa daatte. Sihon, Amo dilag king, nug Hesbon dayaya, nuhikkud danab ah gumattom, ag appa, nuhig wanppa daappig. Moses, Israel ele ag Isip uun, Kanan gokkulagnu gonana, ag Sihon, nuhikkud danab ele eɗadna, heeg nauheg, appa haen tutu dayaknu aab kalan daaegeg, Moses nug ɗo imu oh ag mattom.

Duteronomi 4:46 Referans Kwoze

Duteronomi 3:29

⌊Yawe Nug da Jodan le ii mataɗaknu aum⌋ amunu, ig wan oolnu noak Betpeor guguittak appa daamut.

Duteronomi 4:47

Am Israel ag King Sihon, King Og ele dilah wan amu eɗatna aoppig. King Og, King Sihon ele aa Amo dilag king aɗit, Jodan leppanu kaɗag uɗitteppanu daadpiɗ. King Og nug Amo danab Basan wanppa daappig dilag king dayom.

Duteronomi 3:8

Gemu amu, ig wan oh, Amo dilag king aɗit amu dilah, Jodan leppanu kaɗag uɗitteppanu dayom amu, ig aakku aot malamut. Wan amuam oolnu noak onig Arnon, appa digme ukke ukke, qauko Hermon batom.

Namba 32:19

Aɗinu? Yawe Nug ig wan aunig, ippa Jodan laih kaɗag uɗitteppanu mekkom amunu, ig wan aunig Israel laala ele oh laih Jodannu qaban nedeppanu amu, ig amu ii aomta,” aon appig.

Duteronomi 1:1

Buk imu amu Israel danab ah ag laih Jodan lenu kaɗag uɗitteppanu, appa atu onig Araba, appa daaegeg, Moses ag amelagppa nai mattiom ippunigtte. Ag haen tutu dayaknu aab Araba appa, Sup guguittak kalan daappig. Paran amu ag heqolag laih dayeye, Topel, Laban, Haserot, Disahap ele amu heqolag laih daappig.

Duteronomi 4:45

Amu Israel danab ah ag Isip uun ukkaeg, Moses nug ɗo iɗu iɗu, haknunab anak ele mattom am imu.

Duteronomi 34:6

Yawe Nug Moap appa, oolnu noak laa Betpeor guguittak, nug appa boumom, amge haen amuppa, gemu ⌊nai imu yaak haenppa⌋ ele, auntai laa boumak aben amu ii dootte.

Namba 21:35

Yawe anam aum amunu, Israel ag King Og, nug bekkod, am nuhikkud ban daup oh ele aqappig. Ag laippu laa ii uuitteg dayom. Anam hena, ag nuhig wan ahilag daakkunu aoppig.

Josua 12:1

Israel danab ag matu king aɗit laa Jodan le laih kaɗag uɗitteppanu eɗatna, wan ahilah aoppig. Wan amuam oolnu noak onig Arnon, appa digma ukke, qauko Hermon batak. Aria, atu onig Araba, Jodan leppanu kaɗag uɗitteppanu, wan amu ele. ⌊King aɗit eɗatppig ele amuam Sihon, Og ele.⌋

Josua 24:12

Ag Amo dilag king aɗit Jodan leppanu kaɗag uɗitteppanu eɗatppig bia, da hei, ahilag kekeɗ, ag ahilagnu baɗaegeg, ag eɗadppig. Ag ahilag qep elabte, o iitta latte, amuppa ag hena, ag ii eɗadppig. Iitta! Da hei, ag eɗadppig.

Nehemaia 9:22

Na ehanatte, ag wan laala king gumappig, amu ɗo maɗoɗ laala ele eɗadna aoppig. Ag wan amu ohnab, tom umanab ukkak oh aoppig. Ag King Sihonnu wan, King Ognu wan ele anam aoppig. Sihon nug Hesbon appa king dayeye, Og nug Basan dilag king dayom.