Duteronomi 4:43 - Nobonob Baibel

⁴³ Aab amuam iikku: Beser, Ramot, Golan ele. Aab Beser am atu taɗakppan uɗem okkai, nakok attan daatte, appa dayom. Beser amu Israel dilag huu okkai Ruben, amuppan danab laa nug ii doyaya, laa qeeb mauhkku dayeb amu, nug appa ukka ehanittak awa daakkunu otiak. Ramot amu wan onig Gileat appa dayom. Aab amuam Israel dilag huu okkai Gad, amuppan laa nug layag ii doyaya qe mauhom amu, nug ukka appa ehanittak aokkunu otiak. Aab Golan amu Basan wanppa dayom. Aab amuam Israel dilag huu okkai Manase, amuppan laa nug laa ii doyaya qe mauhom, nug ukka, appa ehanittak aokkunu dayom.

Duteronomi 4:43 Referans Kwoze

Josua 20:8

Jodan le, laih kaɗag uɗitteppanu Jerikonu ukkakppa amu, Israel danab ag ii doyaya laa qe mauhomnu ehanittak aab okkai imu tituanadppig. Laa am Beser. Beser am Israel dilag huu okkai Ruben wanppa, atu taɗak uɗem okkai, nakok attan daatte, amuppa dayom. Laa am Ramot. Ramot am wan onig Gileat, appa dayom. Gileat amu Israel dilag huu okkai Gad wanppa dayom. Laa am aab Golan. Golan nug Basan appa dayom. Basan amu, Israel dilag huu okkai Manase wanppa dayom.

1 Stori 6:80

Ag aab amu aona, ag Israel dilag huu okkai Gad wanppanu Ramot, Gileat wanppa daatte, Mahanaim,

1 Stori 6:71

Aria, Gerson buɗub ag ele aab laala aoppig. Ag aab Israel dilag huu okkai Manase mahaib wanppanu aoppig am: Golan, Astarot ele. Ag aab aɗit amu, gikkiɗah dad okkai aab amu taliliatak daappig ele aoppig. Aab aɗit amu Basan appa daapiɗ.

1 King 4:13

Bengeber, nug am aab Ramot, Gileat wanppanu, amu wan aab amu taliliom ele gumaama, nug Jair ⌊buɗubppan⌋ aab ele gumattom. Jair nug am Manase bekka. Am aab amu oh ele Gileat wanppa daatteb. Amu laih Argob, Basan wanppa daatte, amu ele gumom. Am laih appa amu, aab okkai 60 daatteb; amu oh am aɗ itak ele, od oɗeppa od, aria od manak qaknu keeke brasppa hak ele daatteb.

Josua 21:38

Mattona amu, Israel ag aab laala Israel dilag huu okkai Gad wanppanu ele madappig. Ag Ramot, Gileat wanppa dayom madappig. Ramot am, danab nug ii doyaya laa qe mauhomnu ehanittak aab okkai laa. Ag aab amu mattan, ag Mahanaim,

Josua 21:27

Israel ag Kohat buɗub anam mattona amu, ag Lewi buɗub Gerson, nug buɗubnu baelkadppa, Israel dilag huu okkai Manase mahaib dilag wanppanu aab madappig. Ag Golan, Basan wanppanu, Bestera ele, amu aab amunu gikkiɗah dad okkai ele madappig. Golan am danab nug ii doyaya laa qe mauhomnu ehanittak aab okkai laa.

Duteronomi 4:42

Aun laa nug ii doyaya laa qe mauhom, nug matu danab amunu nau ninig ele ii doyom amu, nug ukka, appa bau daakkunu elele. ⌊Laa nug layag qe mauhom ele, nug layag matu kekeɗ mettom dayeb, dimppa nug qe mauhom, danab amu nug aab okkai amuppa ehanittak aokkunu gokkunu elele iitta.⌋

Duteronomi 4:44

Ɗo imu Moses nug Israel danab ah ippuanattom.

Josua 21:36

Ag amu mattona, Israel ag aab laala Israel dilag huu okkai Ruben wanppanu ele madappig. Ag Beser, Jahas,

1 Stori 6:63

Gerson buɗubnu aab ikki anen anen aab aoeg, Merari buɗubnu aab ikki anen anen amu, Israel ag om ena yaan, aab 12 madappig. Aab 12 amuam Israel dilag huu okkai Ruben, Gad, Seblon dilag wanppanu madappig.

1 Stori 6:66

Amge Lewi buɗubnu aab ikki Kohatnu laa amu, Israel ag ahilag aab laala Israel dilag huu okkai Epraim wanppanu madappig.