Duteronomi 4:40 - Nobonob Baibel

⁴⁰ Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Duteronomi 4:40 Referans Kwoze

Duteronomi 6:3

O Israel danab ah, ag wan laa, wan amuam enanag, wan ittag ele, amuppa ee meu huana otte, ag amuppa nokkulagnu daatteb, amu appa ahilagppa ena, elele ba daakkunu, wan amuppa, ag nid kuɗum ele daaglagnu, Yawe, ag mamelkad aɗi dilag Kayak, Nug ag anam daaglagnu nai anan qakkom, amubia bekkunu, ag da keeke ohnu attem imu ag daulag human doon, tutukku dim lamitteg! Aria, haknunab anak, ɗo ele da ag ippunadppi, ag dim lamidkkulagnu daatteb am inam.

Epesus 6:3

Kayak nai ɠagattag qetta aum am inam. “Nahip-ppa ena, elele ba daakkunu, na haen elab wanppa daakkutnu amu, na ɗo amu atte bia hekkut.” Kayak nai anam awa atte.

Duteronomi 12:28

Amu ahilagppa, ahilkad nid dilagppa ele ena, elele ba daakkunu amu, ag haknunab anak amu tutukku dabmettan dim lamitteg! Ag anam hekkulag dayeb amu, keeke oh ahilagppa ena gokku. Am ena gokkunu diig am, ag Yawe, ahilag Kayak, ag Nug nuhig neekkakppa aɗi am ena, aɗi am tutukku amu, ag amubianab hekkulag.

Duteronomi 12:25

Am keeke oh ahilagnu, ahilkad nid naunau dilagnu ele, ena gokkunu amu, ag aib tiig lappig. Ag amu hekkulag dayeb amu, keeke oh ahilagppa ena gokkunu diig am, ag Yawe, Nug nuhig neekkakppa aɗi am tutukku, ag amubianab hekkulag.

Duteronomi 5:16

Na da Yawe, da haknunab nai mattami bia, na mamen, anin ele binalah mate! Ge! Na wan laappa, da Yawe, nahip Kayak, da na medakkulnu hettem amu, na appa haen elab daakkutnu, nahip-ppa ena elele ba daakkunu amu, na anam hekkut.

Lewitikas 22:31

Da am Yawe amunu, ag dahil ɗo ag dim lamidkkulagnunab daatteb, ag genab tutukku dim lamidkkulagoitte.

Duteronomi 22:7

Am na nahip-ppa ena ba daakkunu, nahip bau dayak haen elab daakkunu amu, na nag aokkut, amge anig am uuppe ukkaɗ!

Duteronomi 6:18

Am ahilagppa ena, elele ba daakkunu amu, ag Yawe noobppa kobol tutukku, kobol ena ele hena, amu ag Yawe Nug wan ena, ag mamelkad aɗi madakkunu nuhig nai ɠagattag qetta aum eleppa nona aon daaglag.

Jeremaia 11:4

Anukka ag Israel, ag mamelkad aɗi ag Isip wanppa uɗat ɠagattag, eheɗ nau henan daappig. Ag daanna anam heegeg, da ag Isipnu diien, omlatti uɗiegeg, da haknunab nai ag haen amuppa mattami amu, nai amu, nai laa iitta, nai amu aakkuib gemu daatte. Da ami. “Ag da oɗel dim lamidnana, ag dahil haknunab nai oh dim lamidkkulag dayeb amu, ag dahilad danab ah daappeg, da ahilag Kayak daakkul.

Duteronomi 4:6

Ag tutukku doon dim lamidkkulag! Aɗinu? Amuam ag am doyak dabmak ena ele, diignu doyak tutukku ele ahilagppa daatte amu, am wanppan wan laala amu ippunadkku. Laa ag ɗo amunu doona amu, ag inam akkulag, “Israel wanppan danab ah ag am huu okkainab, ɠagattag ele; ag doyak dabmak ena okkai ele. Ag diignu doyak tutukku ele,” akkulag.

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.

Eksodas 23:26

Laa amu, da ah oolkad ele ena ehanadppi, ag nid awak haenppa aakkuib nid aoglag. Am da heppi, ah, danab ele oh ag nid menuglagnu elele daaglag. Ele amu, da heppi, ag oh paha ii mauhmana. Iitta. Ag mauhkkulagnu haenppa aakkuib mauhkkulag.

Namba 10:29

Amu haen Israel ag ahan, Sinai uuglagnu heppig amu, danab laa onig Hobap, nug ag ele oh daanna, oidppig. Hobap nug amu Reuel bekka. Reuel nug am Midian danab, nug amu Moses tana. Amu Moses nug oeb Hobap amegppa aum. “Ig am wan laa Yawe Nug megakkunu, nuhig nai anan qakkom amu, ig ahat, amuppa gokkunig hettem. Yawe Nug ig wan amuppa enanag daagnignu nai ana qakkom amunu, na ig ele oh gotu! Ig geha nahipnu enaib hekkunig,” awa aum.

Duteronomi 4:2

Haknunab anak da ag madattem amu, ag nai laa aon, nai da madittem imu ele aib tuɗidppig; ele amu, ag nai da madittem, ag nai amuppanu nai laa ele aib okkulppig. Iitta. Ag haknunab nai imu, da Yawe, ahilag Kayak, da nuhigppanu madattem amu, ag nai amu dim lamittak aakkuib hekkulag.

Duteronomi 5:29

O gadon, Israel danab ah ag haen oh inamib henan daalobnu ool daatte. Da ag dahilnu ebehilag oh bodoetta le meeb, ag dahil ɗo oh dim lamidlobnu ool daatte. Ag anam hekkulag dayeb amu, ag, am ag buɗulkad ele haen oh eleleib henan daalob.

Duteronomi 11:9

Diig laa am, ag oɗe dim lamidkkulag dayeb amu, ag wan, Yawe Nug ag mamelkad aɗi, amu ag buɗulkad madakkununab nuhig nai ɠagattag qetta aum amu, ag wan amuppa haen elab daaglag. Wan amuam wan enanag, wan ittag ele, amuppa ee meu huan otte!

Duteronomi 32:47

Aɗinu? Dim lamitta haknu nai imuam hamu iitta. Laa amu, nai amu ag bauklel madakku. Ag dim lamidkkulag dayeb amu, ag wan Jodan le mataɗna nona aon daaglagnu hetteb ele, ag haen elab wan amuppa daaglag,” awa aum.

Duteronomi 33:25

Dahil oo hakppa ag enanag, danab nug aabnu aɗ od ɠagattag qak daye, enanag daatte, ag amubia daaglag. Ao, ag ahilag dayak oh ag ena, ɠagattag ele anambia daaglagnu ool daatte,” awa aum.

Sam 105:45

Yawe Nug keeke amu oh heumnu diig am, Israel danab ah ag anidna, ag nuhig oo yaak nai ɗo bia dim lamidna, nuhig ɗo ele dim lamidkkulagnu Nug heum. Ag Yawe binag meig!

Eklisiastis 8:12

Anam, amge nau hak danab nug ɗo huanak tippala, haen elab bau daakkutai, me da doottem, butti aɗi danab ag Kayaknu ebehilag oh bodoetta le mette, ag Kayak noobppa anam daatteb ele amu, ahilagnu am ena. Laa nau hetteb, ag am iitta.

Aisaia 65:20

Haen amuppa da heppi, nid laa doa, haen tutuib dayaya, ii mauhma. Ge, ⌊gemu laa hetteb amubia⌋ danab laa nug kaino ii meum ii mauhma. Amu laa nug maɗ 100 dayaya mauhlo amu, laa ag nuhignu, ‘Nid bau aakku mauhom,’ dabmelob. Genab, laa nug maɗ 100 ii aolo dayeb amu, laa ag nuhignu, ‘Nug hipunin he, Kayak he, nug mauhom,’ alob.

Jeremaia 7:7

diig amunu da uuadppi, ag tuɗidna wan imuppa daaglag. Da wan imu ag mamelkad aɗi hanhan ahilag daakkunu mattami.

Eksodas 20:12

Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

Duteronomi 4:5

Antteg! Ɗo iɗu iɗu imu amu, wan ag nona aon daaglagnu hetteb ele, ag amuppa nona daanna, ag ɗo imu dim lamidkkulagnu, Yawe, dahil Kayak, Nug da nai amu meɗa, ippunadkkulnunab da amelppa aum, amu da amubia aakku hemi.

Duteronomi 5:10

amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da, ag buɗulkad menuattak huu laippu bia 1,000 dimppa bekkulag amu, dahil oo mauhak amu ahilagppa ele daakku.

Duteronomi 25:15

Ag wan laa, Yawe, ahilag Kayak, Nug wan amu ag madakkunu hette, ag wan amuppa haen elab ena daaglagnu amu, ag uug doyaknu keeke, ag keeke okkai dooglagnu, ag skel tutukku, melemel tutukku ele aakkuib aɗan hekkulagoitte.

Jeremaia 7:23

Iitta. Da haknunab nai imu ele ag matten, ag amelagppa ami. ‘Ag dahil nai amu doon dim lamidppeg, da ahilag Kayak daappi, ag dahilad danab ah daaglag. Ag ena daaglagnu, ag dahil hak oh dim lamitteg!’

Jeremaia 35:18

Yawe Nug Jeremaia amegppa anam a, Jeremaia nug Rekap buɗub amelagppa inam aum. “Yawe Nukka Ɠagattag Oh Ele, Israel dilag Kayak, Nug atte. ‘Ag mamelag anukkanu Jonadap, ag nuhig haknunab anak dim lamidna, ag aɗi aɗi hekkulagnu aum amu, ag amu oh dabmenan, anamib hetteb,’