Duteronomi 4:36 - Nobonob Baibel

³⁶ Nug ag toliadkkunu, Nug he, ag Nug baag hab aabppanu dooppig. Nug ag nai madakkunu, Nug wanppa aab dittiak naɗippa dayaya, nai mattieye, nuhig ɠagattag okkai ag anidppig.

Duteronomi 4:36 Referans Kwoze

Eksodas 19:19

trampet baag nug okkai me ukke ukke, okkainab meum. Anam heehe amu, Moses nug Kayak amegppa mattie, Kayak Nug baag okkainab, hakkaɗ qak bia, amuppa nob meum.

Eksodas 19:9

⌊Nug ta, ahilag nai amu ii mattie,⌋ amu Yawe Nug Moses amegppa inam aum. “Danab ah ag nai da na amenppa attem dooglagnu, ag hanhan na nai akkut amu, ag oolagppa genab dooglagnu, da geha lombig teppu okkai eleppa nein dayeye, na gumitte neppi, da na ele nai mattignih,” awa aum. ⌊Amu haen⌋ Yawe Nug anam a, Moses nug danab ah nai appig amu, nug nai amu Yawe amegppa mattiom.

Nehemaia 9:13

Qauko Sinai appa amu, na hab attannu neme; na hab attan daan, ag amelagppa nai mattime. Appa na ɗo tutukku, elele elele ele mattame. Ao, na ɗo ena, haknunab anak ena ele mattame.

Duteronomi 4:33

Danab ah wan laalappanu ag Kayak aab dittiak ooppa dayaya, nai mattieye doon, ag bau daappig laal elete? Iitta! Ag, Israel, agib anam heppig.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Hibru 12:18

Israel ag anukka Sinai qaukoppa wappig. Ag qauko amu aɗan dooglagnu elele, appa aab naɗi ewa dittiak ele dayom. Appa gatatu teppu ele dayeye, ulah naɗinab ele dayom, amge ag gemu daatteb, ag qauko amubiappa ii wappig.

Eksodas 24:16

Amu Yawenu binag amahlak oppiaawak ele qauko Sinaippa ne, Israel ag Yawenu binag amahlak oppiaawak ele amu aab ewak okkainab, keeke ewe iitta mette bia anidppig. Am lombig nug deɗ eblaih laippu ele anam qauko amu tona daye, aria deɗ eblaih aɗitppa, Yawe Nug lombig ooppa dayaya, Nug Moses ⌊nuhigppa tekkunu⌋ onigppa eum.

Duteronomi 8:5

Amunu ag nid mamelkad, anilkad ele ag nid naunau ahilkad toliadna bu madatteb, amubia Yawe, ahilag Kayak, Nug ag toliatta, bu madatte doyeg!

Eksodas 19:18

Amu Yawe Nug aab ewak ooppa na, Sinai qaukoppa dayom amunu, aab kahug naɗi qauko amu oh tonom. Aab kahug attan teum, amuam aab okkainab ewa kahug tette, amubia teum. Kahug anam teete, qauko nug eheɗ hahaɗeɗe,

Duteronomi 4:12

Aakku Yawe Nug aab dittiak ooppanu ag amelagppa nai mattiom. Ag nai mattiom dooppig, amge ag beɗu am ii anidppig; baag aakkuib dooppig.

Duteronomi 4:15

Yawe Nug Horep qaukoppa, aab dittiak ooppa dayaya, ag nai mattom am, ag beɗu ii anidppig amunu, ag dabmeig!