Duteronomi 4:33 - Nobonob Baibel

³³ Danab ah wan laalappanu ag Kayak aab dittiak ooppa dayaya, nai mattieye doon, ag bau daappig laal elete? Iitta! Ag, Israel, agib anam heppig.

Duteronomi 4:33 Referans Kwoze

Ikki Danab 6:22

Haen Gideon nug aakku laa daya qettoɗom ele, amuam Yawenu engel doya amu, nug ewa aum. “O Naɗi Yawe, ⌊da nauhmi daattem. Aɗinu?⌋ da na, Yawe, da nahip engel amelppanab anidmi,” awa aum.

Duteronomi 5:24

Ag uɗina appig. “Antte! Yawe, ihinig Kayak, Nug binag amahlak oppiaawak nuhig, Nug dagom onig ɠagattag ele, Nug amu ele ig ippunikkom; ig Nug baag aab dittiak ooppanabnu doomut. Gemu ig anidmut, Kayak Nug danab amelagppa nai mattiom me, ig ina bau daattem.

Eksodas 33:20

Amge danab laa nug da iɗul anidkku dayeb amu, nug mauhkku amunu, na da iɗul anidkkutnu am elele iitta,” awa aum.

Duteronomi 5:26

Aɗinu? Ig danab ig mauhttem ele, amu ig oonigppanu danab auntai laa nug, ig hemut bia, nug Kayak, hanhan bau daatte, Nug aab ewak laa ooppanu nai mattieye doya, bau dayom? Laal iitta.

Eksodas 24:11

Israel dilag ikki amu ag Kayak anam anidppig, amge Kayak Nug he, ag ii padal meppig. Aria, dimppa ag aben amuppa ag ee, le ele lappig.

Duteronomi 9:10

Yawe Nug men maha aɗitppa, nug tituana nai qakkak nai, Yawe Nug qaukoppa aab dittiakppa dayaya mattieye, ag qagmen dooppig ele, Nug nukka nai amu ya, da meɗom.

Eksodas 20:22

Moses nug anam te, Yawe Nug Moses amegppa aum. “Na appe, Israel danab ah ag nai dahil imu doyeg! ‘Da hab aabppanu ag amelagppa nai mattimi amu, ag amu doon malappig.

Duteronomi 4:36

Nug ag toliadkkunu, Nug he, ag Nug baag hab aabppanu dooppig. Nug ag nai madakkunu, Nug wanppa aab dittiak naɗippa dayaya, nai mattieye, nuhig ɠagattag okkai ag anidppig.

Duteronomi 5:4

Yawe Nug qaukoppa aab dittiak ooppa mattieye, ig amenigppanab anidta doomut.

Duteronomi 5:22

Yawe Nug baag okkaippa nai amu ag amelagppa mattiom. Aab dittiak, lombig, amu gatatunab ele qaukoppa dayeye, Nug amuppa dayaya mattiom. Nug nai amu aakkuib haen amuppa mattiom. Nug nai nuhig men maha otalappa ele ya, ag mattom.